Fréttablaðið - 16.09.2021, Síða 4

BJÓÐUM UPP Á 37” - 40” BREYTINGAPAKKA
BREYTINGAVERKSTÆÐI ÍSBAND,
SMIÐSHÖFÐA 5, SÉRHÆFIR SIG Í
BREYTINGUM Á RAM PALLBIFREIÐUM.
ÍSBAND UMBOÐSAÐILI RAM Á ÍSLANDI
RAM 3500
BÍLL Á MYND RAM 3500 LARAMIE SPORT MEGACAB MEÐ 35” BREYTINGU
VERÐ FRÁ 7.421.210 KR. ÁN VSK.
9.202.300 KR. M/VSK.
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-18 • LAUGARDAGA 12-16
kristinnpall@frettabladid.is
SELTJARNARNES Bæjarráð Sel-
tjarnarnesbæjar samþykkti í vik-
unni að veita Nesklúbbnum 27
milljóna styrk á næsta ári til stand-
setningar á nýrri æfingaaðstöðu
klúbbsins. Þar af á klúbburinn
von á átján milljóna eingreiðslu en
eftirstöðvunum, níu milljónum,
verður dreift á tólf mánaða tíma-
bil í 750 þúsund króna greiðslur.
Nesklúbburinn fagnaði fyrr á þessu
ári 57 ára afmæli en klúbburinn er
núna með æfingaaðstöðu á þriðju
hæð á Eiðistorgi þar sem klúbbmeð-
limir geta æft yfir vetrartímann. n
Nesklúbbur fær
væna eingreiðslu
Alls fær klúbburinn 27 milljóna króna
styrk og 18 af þeim í einni greiðslu.
arib@frettabladid.is
UMHVERFISMÁL Fullvinnsla á líf-
rænum úrgangi í moltu í gas- og
jarðgerðarstöð Sorpu, GAJA, hefur
verið stöðvuð tímabundið eftir
að myglugró fundust í límtrésein-
ingum í þaki og burðarvirki. Fram
kemur í tilkynningu að myndun
myglugróa sé hluti af moltugerðar-
ferli og eðlilegt að mygla finnist við
vinnslu.
Líf Magneudóttir stjórnarfor-
maður segir mikilvægt að stöðin
starfi hnökralaust. „Öryggi starfs-
manna skiptir okkur öllu máli og
við vildum tryggja það og tafarlaust
stemma stigu við mygluvextinum,“
segir hún.
„Þessi myglugró sem hafa greinst
vekja spurningar um hvernig staðið
var að hönnun og efnisvali fyrir
húsnæði hennar. Við í stjórn Sorpu
höfum falið framkvæmdastjóra að
leita skýringa sem allra fyrst.“
Eyþór Arnalds, oddviti Sjálfstæð-
isflokksins, gagnrýnir að þetta hafi
ekki komið upp í umræðum á borg-
arstjórnarfundi í þessum mánuði.
„Það átti að bæta vinnubrögðin
og upplýsingagjöf eftir Braggamálið.
Síðan þá höfum við séð mörg dæmi
þar sem vinnubrögðin eru fyrir
neðan allar hellur og markvisst
reynt að þagga málið niður,“ segir
Eyþór. n
Fundu myglu í gas- og jarðgerðarstöð Sorpu
Eyþór Arnalds,
oddviti Sjálf-
stæðisflokksins
í Reykjavík
kristinnpall@frettabladid.is
SAMGÖNGUR Alls var 76,6 prósenta
aukning í alþjóðlegri f lugumferð á
Íslandi í ágúst miðað við árið þar
áður. Það er þó enn þriðjungi minna
en þekktist árið 2019. Þetta kemur
fram á vef Eurostat, tölfræðiveitu
Evrópusambandsins.
Undanfarna mánuði hefur ferða-
þjónustan tekið við sér á ný og eru
sífellt f leiri f lugfélög komin með
áætlunarflug hingað á ný eins og
sést í aukningunni á milli ára. Þá
hefur annað íslenskt flugfélag, Play
Air, hafið starfsemi sem hefur áhrif
á aukninguna en framboð á f lugi
frá Íslandi mun minnka þegar líða
tekur á árið þegar ferðum erlendra
flugfélaga fækkar. n
Veruleg aukning
í áætlunarflugi
Sífellt fleiri flugfélög hafa byrjað
með áætlunarflug til og frá Íslandi.
Sjö kirkjujarðir víðs vegar
um land hafa verið valdar
til að endurheimta vot-
lendi. Þjóðkirkjan sér ekki
aðeins tækifæri til að bæta
umhverfið heldur einnig til
að auka tekjur sínar og styrkja
nærumhverfið.
 kristinnhaukur@frettabladid.is
UMHVERFISMÁL Þjóðkirkjan hyggst
endurheimta votlendi á jörðum
sínum og hefur ákveðið sjö jarðir
sem byrjað verður á. Mun kirkjuráð
óska eftir framkvæmdaleyfi hjá við-
eigandi sveitarfélögum um þetta.
Jarðirnar sem um ræðir eru Skál-
holt í Biskupstungum, Mosfell í
Grímsnesi, Reynivellir í Kjós, Mæli-
fell í Skagafirði, Hof í Vopnafirði,
Kolfreyjustaður í Fáskrúðsfirði og
Árnes 1 í Trékyllisvík. Síðastnefnda
jörðin var reyndar ekki alveg óum-
deild því að kirkjuráðsmaðurinn
Stefán Magnússon lagðist gegn
ákvörðuninni því að fasteigna-
hópur kirkjunnar væri með hana
til sérstakrar skoðunar.
Halldór Reynisson, verkefnis-
stjóri umhverfismála og fyrrverandi
prestur, segir jarðirnar sjö aðeins
þær fyrstu sem ráðist verður í. En
alls á þjóðkirkjan um 30 jarðir víðs
vegar um landið.
„Við lítum á það sem okkar sið-
ferðilegu ábyrgð að endurheimta
votlendi og rækta upp skóglendi á
þeim jörðum sem kirkjan á,“ segir
hann. „Kirkjan átti mun fleiri jarðir
hér áður fyrr en við sjáum þær jarðir
sem kirkjan á enn þá sem ákveðin
gæði til þess að efla umhverfið, nátt-
úruna og hamla gegn óæskilegum
breytingum á loftslagi.“
Þegar var byrjað að endurheimta
votlendi í Skálholti árið 2016 að
frumkvæði frú Vigdísar Finnboga-
dóttur, fyrrverandi forseta, og Þrast-
ar Ólafssonar hagfræðings. Talið var
að í Skálholti væri hægt að endur-
heimta 40 til 50 hektara votlendis.
Á sama tíma var tekin ákvörðun um
endurheimt á f leiri jörðum og það
er nú loks komið í ferli og forgangs-
röðun.
Halldór segir verkefnið mjög
umfangsmikið. Kirkjan sé í sam-
starfi við bæði Skógræktina og
Landgræðsluna sem hafi gert frum-
athugun á viðkomandi jörðum.
Hafi stofnanirnar bent á svæði utan
hefðbundinnar nýtingar í búskap
þar sem hægt sé að endurheimta
votlendi, græða land og rækta skóg.
Vísar hann til skýrslu Sameinuðu
þjóðanna frá árinu 2018 þar sem
talið var að jarðarbúar hefðu ára-
tug til að snúa þróuninni við. „Við
höfum tíu ár til að gera eitthvað
í málunum. Þessar sjö jarðir eru
aðeins byrjunin hjá okkur. Þetta er
okkar framlag næstu tíu árin til að
snúa þessari óheillaþróun við,“ segir
Halldór.
Varðandi endurheimtina nefnir
Halldór að samkvæmt nýrri skýrslu
hafi Ísland fimm sinnum þyngra
kolefnisfótspor en meðaltal Evr-
ópulanda. Stærstur hluti af því
fellur undir flokkinn notkun lands,
sem er meðal annars framræsing og
uppblástur. „Þarna sjáum við mikil
tækifæri,“ segir Halldór.
En kirkjan sér ekki aðeins tæki-
færi til þess að bæta umhverfið
heldur geti aðgerðirnar hjálpað til
við fjárhaginn einnig. „Það er byrj-
aður að skapast markaður fyrir
kolefnisbindingu og í framtíðinni
sjáum við að jarðirnar geti orðið
höfuðstóll kirkjunnar sem hún
fjármagni sitt starf með. Þarna eru
ákveðnir tekjumöguleikar,“ segir
hann. En einnig að jarðirnar verði
nýttar til að styrkja samfélögin í
nágrenninu, þar sem fólk geti geng-
ið um skóglendi sér til yndisauka. n
Þjóðirkjan endurheimtir votlendi á
jörðum sínum víðs vegar um land
Þegar er byrjað
að endurheimta
votlendi í Skál-
holti í Biskups-
tungum.
FRÉTTABLAÐIÐ/
PJETUR
Þessar sjö jarðir eru
aðeins byrjunin hjá
okkur.
Halldór Reynis-
son, verkefnis-
stjóri umhverfis-
mála
4 Fréttir 16. september 2021 FIMMTUDAGURFRÉTTABLAÐIÐ