BSRB-tíðindi : fréttabréf - 15.05.1995, Side 13

Rósa Steins-
dóttir, mynd-
terapisti, leiðir
þátttakendur í
allan sannleika
um markvisst
tómstundastarf.
Námskeiðin spyrjast vel út
Fyrir páska lauk á vegum SFR námskeiði fyrir upp-
eldis- og meðferðarfulltrúa og fólk í líkum störfum,
og er þetta í þriðja sinn sem slikt námskeið er
haldið í Reykjavík. Þá hefur eitt námskeið verið
haldið á Sauðárkróki og annað á Akranesi.
Námskeiðin fimm eru öll 160 stunda grunnnám-
skeið, og að sögn verkefnisstjórans í Reykjavík,
Þórarins Eyfjörð, eru nemendur alls á bilinu 150 til
170 talsins.
Meðal fjölmargra námsgreina má nefna uppeld-
isfræði, heilbrigðisfræði, erfðafræði, tómstunda-
starf, þroskasálfræði og samtalstækni. Ennfremur
persónuleika- og félagssálfræði, áfallakenningar og
meðferðaráætlanir fyrir fatlaða, börn og unglinga.
Kennararnir eru sérfræðingar hver á sínu sviði.
Hverri grein lýkur með námsmati, en það fer
eftir námsgreinum hvort um er að ræða próf eða
eitthvert annað form. Nemendur eru síðan útskrif-
aðir formlega og fá viðurkenningarskjal til vitnis
um þátttöku sína í starfsnáminu.
Krafist er 100% mætingar á námskeiðin, og er
gengið eftir því að mætingaskyldan sé virt. Þá
verða nemendur að taka virkan þátt í því sem lagt er
upp með og sýna námsárangur. „Þátttakendurnir
eru að verða sér úti um þekkingu og aukna færni í
starfi. Námskeiðin hafa spurst mjög vel út, og núna
er fólk að koma sem hefur heyrt um þau hjá vinnu-
félögunum. Umsóknirnar eru fleiri en svo að við
höfum getað annað eftirspurn, og því erum við á-
kveðin í að halda áfram og gefa sem flestum kost á
að afla sér þessarar starfsmenntunar,” segir Þórar-
inn. Sem dæmi um áhugann nefnir hann að á fá-
mennari vinnustöðunum þar sem lítið svigrúm er til
afleysinga þurfi starfsfólkið að ganga kvöld- og
næturvaktir meðfram starfsnáminu, en láti óhag-
ræðið af því þó ekki fæla sig frá.
Unnið er að því að skipuleggja framhaldsnám-
skeið sem einnig verða 160 stundir, og er meiningin
að halda sérstakt námskeið fyrir þá sem vinna með
börn og unglinga og annað fyrir starfsfólk sem
vinnur með fatlaða.
Fræðslunefndin
í starfsmenntamálin
Ákveðið hefur verið að fræðslunefnd BSRB verði jafnframt
bakhópur samtakanna hvað varðar starfsmenntun. Fræðslu-
nefndin í sínu útvíkkaða hlutverki verður Sjöfn Ingólfsdóttur,
fulltrúa BSRB í starfsmenntaráði, til halds og trausts, en
starfsmenntaráð er skipað fulltrúum samtaka launafólks og
atvinnurekenda, auk fulltrúa félagsmálaráðherra.
Fræðslunefndin telur að átaks sé þörf í starfsmenntamálum
BSRB-félaga, en að áður en til þess komi sé nauðsynlegt að fá
greinargott yfirlit unt hvernig staðið sé að starfsmenntun í ein-
stökum félögum; hvort þættir er varða starfsmenntun sé komnir
inn í kjarasamninga; hvort sérstakur starfsmenntasjóður sé í við-
komandi félögum og þar fram eftir götunum. Einnig hvar fólki
þyki brýnast að taka til hendinni í þessum málaflokki. í lok mars
sl. skrifaði fræðslunefndin formönnum aðildarfélaga BSRB bréf í
þessu skyni og æskti upplýsinga. „Fræðslunefnd BSRB” - segir í
bréfínu - „vonast til að heyra sem fyrst frá öllum aðildarfélögum
BSRB um þessi mál. Með samræmdum aðgerðum getum við helst
kornið starfsmenntamálunum í gott horf.”
13