Morgunblaðið - 18.06.2021, Blaðsíða 32

Fjáröflunartónleikar verða haldnir í Post-húsinu í
Skeljanesi 21 í kvöld, föstudagskvöld, kl. 20. Markmiðið
er að safna fyrir hljóðkerfi í húsið. Fram koma meðal
annars Cyber, BSÍ, Ólafur Kram, Supersport!, Pínulitlar
peysur og Sucks to be you Nigel. Post-húsið er lista-
mannarekið tónleikarými í Skeljanesi í Skerjafirði.
„Markmið rýmisins er að upphefja grasrótarmenning-
arstarf á Íslandi, og því er haldið úti af listasamlaginu
Post-dreifingu,“ segir í tilkynningu.
Fjáröflunartónleikar í Post-húsinu
FÖSTUDAGUR 18. JÚNÍ 169. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Valur og Haukar mætast í hreinum úrslitaleik sem sker
úr um hvort liðið verður Íslandsmeistari karla í hand-
knattleik 2021 í kvöld. Leikið verður á Ásvöllum í Hafn-
arfirði og fara Valsmenn með þriggja marka forskot inn
í leikinn eftir 32:29-sigur á heimavelli í fyrri leik lið-
anna í úrslitaeinvíginu en samanlögð úrslit beggja
leikja einvígisins gilda. „Þetta er ekki mikið forskot og
Valsmenn geta ekki leyft sér að slaka mikið á,“ sagði
Sebastian Alexandersson, fyrrverandi þjálfari Fram í
efstu deild karla, í samtali við Morgunblaðið. »27
Íslandsmeistaratitillinn fer á loft
á Ásvöllum í Hafnarfirði í kvöld
ÍÞRÓTTIR MENNING
Sigurður Bogi Sævarsson
sbs@mbl.is
„Þótt Ferðafélag Íslands sé rótgróið
félag með gömlum hefðum hefur
starfsemi þessi orðið æ fjölbreyttari
með árunum,“ segir Anna Dóra Sæ-
þórsdóttir, nýr forseti FÍ. Hún tók
við embættinu á aðalfundi í síðustu
viku af Ólafi Erni Haraldssyni, for-
seta til síðastliðinna sautján ára.
„Í starfi okkar eru ferðir við allra
hæfi, hvort sem áhuginn er að klífa
hæstu fjöll eða fara í þægilegar og
stuttar gönguferðir. Þar eru einnig
fræðsluferðir, til dæmis pöddu-
skoðun, sögugöngur og draugaferðir
fyrir þá sem þora. Þátttaka í starfinu
hefur aldrei verið meiri og aukning-
unni síðustu ár má líkja við spreng-
ingu. Í ferðunum er fólk á öllum
aldri. Við erum með ferðir fyrir börn,
unglinga og þau eldri og heldri.
Svona mætti áfram telja,“ segir for-
setinn.
Með skála í fóstri
Anna Dóra hefur ferðast með FÍ
frá barnsaldri. Hún fór oft með móð-
ur sinni, Ragnhildi Ólafsdóttur, í
ferðir með félaginu, bæði dagsferðir
en einnig lengri leiðangra.
„Síðar varð stjúpi minn, Valdimar
Valdimarsson, hluti af fjölskyldunni
og hann var fararstjóri í ýmsum ferð-
um félagsins. Foreldrar mínir voru
svo lengi með skála félagsins í Þver-
brekknamúla á Kili í fóstri. Á sumrin
var því öll fjölskyldan virkjuð í að
mála og dytta að skálanum,“ segir
Anna Dóra og heldur áfram:
„Á veturna saumaði mamma
gluggatjöld í skálann og stjúpi smíð-
aði og hannaði göngubrýr í garðinum
eins og til dæmis brúna yfir Syðri-
Emstruá sem er á Laugavegi. Lóðin
við heimili okkar hér í bænum var
lögð undir slíka mannvirkjagerð og
brúin svo flutt að vori á sinn stað.
Þannig síaðist fljótt inn hjá mér að
ferðalög upp á fjöll og allt sem því
fylgir væru ævintýri.“
Félagið fylgir takti tímans
Í gær, 17. júní, fór Anna Dóra með
fjölskyldu sinni í þriggja fella göngu-
túr með viðkomu á Helgafelli, Hús-
felli og Búrfelli sunnan við Hafnar-
fjörð. Á morgun, laugardag, ætlar
hún svo að hlaupa yfir Fimmvörðu-
háls frá Skógum yfir í Þórsmörk með
hópi fólks úr FÍ.
„Fyrrum hefði félagið tæpast stað-
ið fyrir hlaupaferðum, heldur var
áherslan á hefðbundnar gönguferðir.
Nú gerum við miklu meira. Svo verð-
ur líka að vera hjá félaginu, sem er 94
ára en þarf að fylgja takti tímans,“
segir Anna Dóra, fyrsta konan sem
gegnir embætti forseta FÍ.
Auðnir eru auðlind
„Ég er nýkomin úr Ferðafélags-
leiðangri um austurhluta Vatnajök-
uls. Síðar í sumar eru það Lónsöræfi
og svo ferð um Langasjó, það fagur-
bláa og fallega fjallavatn,“ segir
Anna Dóra, sem er prófessor í ferða-
málafræði við Háskóla Íslands. Hún
hefur á þeim vettvangi gert fjölda
rannsókna á viðhorfum ferðamanna
til náttúru Íslands og hvað sé áhuga-
vert að sjá og upplifa. Rauði þráð-
urinn í svörum og viðhorfum þeirra
sem teknir eru tali er að töfrar Ís-
lands felist í fjölbreyttri náttúru sem
jafnframt er lítt snortin. Auðnum há-
lendisins og fámenni þykir þeim líka
einstakt að kynnast. Þessari auðlind
verði að hlúa vel að.
Morgunblaðið/Sigurður Bogi
Ferðafélag Anna Dóra og Ólafur Örn Haraldsson þegar hann lét af forystustarfi í síðustu viku eftir sautján ár.
Ferðalög eru ævintýri
- Anna Dóra Sæþórsdóttir er fyrst kvenna forseti FÍ