Fréttablaðið - 30.10.2021, Page 4

n Tölur vikunnar
40
prósent leghálssýna sem send
hafa verið til Danmerkur á árinu
voru tekin hjá Heilsugæslunni.
50
manna sendinefnd frá Íslandi
sækir loftlagsráðstefnu Sam-
einuðu þjóðanna í Glasgow.
10
prósent framhaldsskólanema
undir átján ára aldri neyta orku-
drykkja daglega.
9
fullbólusett börn hafa
greinst með Covid-19 á Íslandi
af rúmlega 12.000.
19
hafa leitað til neyðarmóttöku
vegna hópnauðgunar það sem af
er ári.
n Þrjú í fréttum
Fyrrverandi starfsmaður
krefst 70 milljóna króna í
skaðabætur auk miskabóta
frá Biskupsstofu vegna þess
sem starfsmaðurinn telur
ólögmæta uppsögn.
helenaros@frettabladid.is
DÓMSMÁL Aðalmeðferð máls
Magnhildar Sigurbjörnsdóttur,
fyrrverandi starfsmanns, gegn
Biskupsstofu fór fram í Héraðsdómi
Reykjavíkur í gær. Var einkum tekist
á um hvort hún hefði notið réttinda
sem opinber starfsmaður.
„Þetta kom mjög illa við mig. Mér
fannst illa farið með mig eftir 21 árs
starf. Þetta hefur haft víðtæk áhrif á
mig,“ sagði Magnhildur fyrir dómi.
Aðspurð sagði Magnhildur engar
breytingar hafa orðið á hennar
stöðu síðustu mánuði fyrir upp-
sögnina. Ekkert hefði gefið til kynna
í hvað stefndi.
Magnhildur lýsti því að henni
hefði verið sagt upp á fimm mín-
útna fundi án mikilla útskýringa í
gegnum fjarfundarbúnaðinn Zoom
í nóvember 2020. Þá hefði henni
ekki verið boðið að kveðja sam-
starfsfólk.
„Nei, ég var bara beðin um að
koma og taka persónulega muni á
skrifstofunni,“ sagði Magnhildur
og nefndi að hún hefði ekki heldur
fengið boð í sérstakt kveðjuhóf sem
haldið var fyrir starfsmenn sem
voru að hætta.
Auk stefnanda gaf mannauðs-
stjóri Biskupsstofu, Ingunn Ólafs-
dóttir, einnig skýrslu fyrir dómi.
Ingunn lét þess getið við upphaf
skýrslunnar að henni hefði verið
sagt upp störfum degi fyrir aðal-
meðferðina.
Mannauðsstjórinn sagði að þrátt
fyrir að hún hefði séð um upp-
sögnina hefði ákvörðunin ekki
verið hennar. „Það var alltaf biskup
Íslands sem tók endanlegar ákvarð-
anir.“
Skipulagsbreytingar hefðu orðið
til þess að Magnhildi hefði verið
sagt upp. Fjárhagsstaða kirkjunnar
hefði ekki verið góð.
Hún bætti við að tveimur öðrum
starfsmönnum hefði verið sagt upp
á sama tíma. Samningur hefði verið
gerður við annan þeirra.
Að skýrslutökum loknum fór Lára
V. Júlíusdóttir, lögmaður Magn-
hildar, yfir málsatvik. Biskupsstofa
hefði borið fyrir sig þrönga fjárhags-
stöðu og hagræðingu. Vegna nýlegra
breytinga á skipulagi og aukins fjár-
hagslegs sjálfstæðis kirkjunnar frá
ríkinu nytu starfsmenn ekki sömu
verndar og opinberir starfsmenn.
Lára sagði skrýtið að segja upp
starfsmanni til rúmra tuttugu
ára með vísan til starfssamnings
almenns vinnumarkaðar eftir að
hafa verið opinber starfsmaður öll
þessi ár. Þegar uppsögnin kom til
hefði lögmaður leitað eftir því að
gerður yrði samningur um þessi
starfslok, því hefði verið hafnað.
Á sama tíma hefði verið samið við
aðra sem var sagt upp á sama tíma.
Lára gagnrýndi biskup sem hún
sagði aldrei hafa haft samband við
Magnhildi eftir uppsögnina. „Æðsti
yfirmaður kirkjunnar hefur ekki átt
neitt einasta samtal við starfsmann
kirkjunnar til 22 ára.
Hún hafi orðið fyrir óréttmætum
aðdróttunum og árás á sína æru,“
sagði Lára um umbjóðanda sinn
og benti á að vegna aldurs ætti hún
ekki greiðan aðgang á vinnumark-
aðinn aftur.
Lára vísaði forsendum kirkjunnar
á bug. Ekkert sýndi bága fjárhags-
stöðu stofnunarinnar. Þvert á móti,
kirkjan væri að koma sér fyrir í einu
dýrasta húsi Reykjavíkurborgar og
öllu tjaldað til.
Árni Gestsson, lögmaður Bisk-
upsstofu, tók svo til máls og sagði
ekkert ólögmætt við uppsögnina.
Þjóðkirkjan væri sjálfstætt trúfélag
á almennum vinnumarkaði.
Þá sagði Árni að því færi fjarri að
ástæða uppsagnarinnar hefði tengst
hæfni Magnhildar í starfi. Uppsögn-
in hefði tengst hagræðingu.
Magnhildur krefst 70 milljóna
króna í skaðabætur og einnar millj-
ónar króna í miskabætur. Biskups-
stofa krefst sýknu í málinu en til
vara lækkunar á kröfum.
Í málf lutningi lögmannanna
var einnig vikið að lagagrundvelli
starfsréttinda Magnhildar en þar
liggur hinn eiginlegi lagaágrein-
ingur; hvort hún taldist vera opin-
ber starfsmaður og hvaða áhrif það
hefur á réttindi hennar að kirkju-
þing hefur ekki staðfest nýjar reglur
eftir að kirkjan öðlaðist aukið fjár-
hagslegt sjálfstæði frá ríkinu. n
Krefur Biskupsstofu um 70 milljónir
króna vegna ólögmætrar uppsagnar
Magnhildur Sig-
urbjörnsdóttir
og lögmaður
hennar, Lára
V. Júlíusdóttir,
í Héraðsdómi
Reykjavíkur í
gær.
FRÉTTABLAÐIÐ/
ERNIR
Mér fannst illa farið
með mig eftir 21 árs
starf.
Magnhildur Sigurbjörnsdóttir,
fyrrverandi starfsmaður Biskups-
stofu
TRYGGÐU ÞÉR RAM Í FORSÖLU
TIL AFHENDINGAR EFTIR ÁRAMÓT
ÍSBAND UMBOÐSAÐILI RAM Á ÍSLANDI
UMBOÐSAÐILI JEEP® OG RAM Á ÍSLANDI • ÍSLENSK-BANDARÍSKA • ÞVERHOLT 6 • 270 MOSFELLSBÆR
S. 590 2300 • WWW.ISBAND.IS • ISBAND@ISBAND.IS • OPIÐ VIRKA DAGA 10-17 • LAUGARDAGA 12-16
R A M
Sveindís Jane
Jónsdóttir
landsliðskona í
knattspyrnu
skoraði tvö mörk
í 5-0 sigri Íslands
á Kýpur í undan-
keppni H M í
v ik u n ni . Hú n
þrumaði bolt an um með hægri
fæti upp í sam skeyt in og síðar í
leiknum skoraði hún í fjærhornið.
Hún leikur nú með Kristianstad en
mun leika með Wolfsburg á næsta
tímabili.
Þorbjörg Inga
Jónsdóttir
lögmaður
segir réttlæti á
Íslandi vera mis-
skipt eftir því
hver gerandinn
er, ek k i síst í
kynferðisbrota-
málum. Hvítir karlar í jakkafötum
fái betri meðferð hjá lögreglu og
dómstólum. Formaður Landssam-
bands lögreglumanna hafnaði því
að slíkt væri gert meðvitað. Dóms-
málaráðherra hefur beint því til
ríkislögreglustjóra að taka málið til
skoðunar.
Rjúpan
hænsnfugl
var í deiglunni í
vikunni en veið-
ar á henni hefj-
ast á mánudag.
Dýraverndunar-
sinnar skoruðu
á umhverfisráð-
herra að banna veiðar. Skotveiði-
menn voru uggandi og óttuðust
að sett yrði á veiðibann. Náttúru-
fræðistofnun hefur lagt til að veiða
megi 20.000 rjúpur í nóvember. Eftir
fundarhöld var ákveðið að aðeins
mætti veiða frá hádegi og veiði-
menn hvattir til að skjóta ekki fleiri
en þrjár til fjórar rjúpur hver. n
4 Fréttir 30. október 2021 LAUGARDAGURFRÉTTABLAÐIÐ