Fréttablaðið - 30.10.2021, Blaðsíða 20

Egypski prinsinn
orðinn kóngur
Mo Salah er besti leikmaður heims um þessar mundir.
Hann skorar að vild og mörkin hans eru að endurskrifa
sögu Liverpool, þess fornfræga félags.
FÓTBOLTI Mohamed Salah, leikmaður Liverpool, er orðinn besti
leikmaður heims. Um það er erfitt að deila. Hann skorar nánast að
vild og nær að koma boltanum yfir marklínuna jafnvel úr ómögu-
legum færum.
Salah hefur verið frábær í upphafi tímabilsins og er búinn að
skora í tíu leikjum í röð. Það hefur aldrei verið gert í búningi Liver-
pool – sem er merkilegt því það hafa engir aukvisar verið í framlínu
Liverpool í gegnum árin.
Metin hans með Liverpool eru líka mörg en hann gekk í raðir
félagsins frá Roma fyrir tímabilið 2017. Síðan hann klæddist bún-
ingnum í fyrsta sinn hafa mörkin hans hjálpað Liverpool til 19.
deildartitilsins og Meistaradeildartignar.
Svona árangur næst ekki nema með mikilli vinnu. Meira að
segja stjóri Liverpool, Jürgen Klopp, bar vinnusemi hans við
Cristiano Ronaldo og getur vel séð Salah á toppnum næstu árin.
„Hann er ótrúlegur á æfingasvæðinu. Yfirleitt fyrstur inn um
dyrnar og síðastur út. Áhuginn að læra áfram er til staðar sem
og hvað hann þarf að gera til að hækka áfram rána. Persónulega
finnst mér hann enn geta bætt sig,“ sagði Klopp í aðdraganda
leiksins við Manhcester United.
Samningur Salah rennur út 2023 og samningaviðræður ganga
hægt. Salah vill vera áfram og hefur látið hafa eftir sér að það yrði
erfitt fyrir sig að mæta Liverpool. Salah er sagður vilja fá um 88
milljónir króna á viku, eða um 4,5 milljarða á ári. Eigendur Liver-
pool, FSG, eru ekki alveg tilbúnir í slíkan pakka en eru þó til í að
láta hann fá nokkra góða milljarða við að skrifa undir. Gera svipað
og PSG gerði fyrir Lionel Messi, en hann fékk 4,4 milljarða fyrir að
skrifa undir hjá Parísarliðinu.
„Ég vil vera hér áfram en það er ekki í mínum höndum. Þetta
veltur á því hvað félagið vill gera,“ sagði Salah í síðustu viku. n
Giftist æskuástinni
Magi Sadeq er eiginkona Salah og hafa þau verið
saman síðan þau voru unglingar. Þau giftu sig 2013
í Nagrig-þorpinu þar sem þau slitu barnsskónum.
Sadeq er frekar hlédræg og fer afar sjaldan í viðtöl.
Þau hittust í Mohammed Eyad Al Tantawi skól-
anum og má stundum sjá hana í stúkunni klædda
hijab eins og sannur múslimi en hjónakornin eru
mjög trúuð. Þau eiga tvær stúlkur, Makka og Kayan.
Hún hefur komist í fréttirnar fyrir að hjálpa ungum
konum frá Nagrig sem minna mega sín með
peningum til að aðstoða við giftingar eða læknis-
kostnað.
Mohamed Salah
Fæddur: 15. júní 1992
Hæð: 175 cm
Leikir fyrir Liverpool: 215
Mörk: 140
Stoðsendingar: 48
32
mörk skoraði hann
tímabilið 2017/2018
í deildinni. Þrjú lið
skoruðu minna en
hann, WBA, Swansea
og Huddersfield.
3
mörk gegn Manchester
United kom honum
yfir Didier Drogba yfir
markahæstu leikmenn
enska boltans frá
Afríku.
151
leik tók það Salah að
skora 100 mörk fyrir
Liverpool.
50
prósentum minni er
hatursorðræðan gegn
múslimum síðan Salah
gekk í raðir félagsins
samkvæmt sömu rann-
sókn.
31
mark hefur hann
skorað í Meistaradeild-
inni fyrir Liverpool,
eða einu marki meira
en Steven Gerrard.
15
mörk er Salah búinn
að skora í 12 leikjum
það sem af er.
7
sinnum hefur Salah
skotið fram hjá í 40
skotum það sem af er
tímabilinu.
52,6
mínútur líða á milli
marka hjá Salah en
hann hefur spilað
1.051 mínútu. Fyrir
utan mörkin hefur
hann gefið fimm stoð-
sendingar.
57
mínútur tók það Salah
að skora sitt fyrsta
mark fyrir Liverpool.
Það kom gegn Wat-
ford.
19
prósentum hefur
hatursglæpum fækkað
um gegn múslimum í
Liverpool síðan Salah
gekk í raðir félagsins
samkvæmt rannsókn
Stanford-háskóla.
5
sinnum hefur Salah
skorað í fyrsta leik.
8
leikjum gæti Salah
misst af með Liverpool
vegna Afríkukeppn-
innar fari Egyptaland
alla leið.
Benedikt Bóas
Hinriksson
benediktboas
@frettabladid.is
20 Íþróttir 30. október 2021 LAUGARDAGURÍÞRÓTTIR FRÉTTABLAÐIÐ 30. október 2021 LAUGARDAGUR