Fréttablaðið - 30.10.2021, Page 112

frettabladid.is
550 5000
RITSTJÓRN ritstjorn@frettabladid.is
AUGLÝSINGADEILD auglysingar@frettabladid.is
PRENTUN Torg ehf.
DREIFING Póstdreifing ehf.
dreifing@postdreifing.is
Margrétar
Kristmannsdóttur
n Bakþankar
Nýlega fagnaði félagið Málbjörg 30
ára afmæli, en markmið félagsins
er ekki síst að stuðla að aukinni
umræðu um stam. Þó að stam geti
vart talist algengt má gera ráð fyrir
að aldrei færri en 3.500 einstakl-
ingar glími við stam hér á landi.
Í óvísindalegri könnun meðal
félagsmanna Málbjargar árið 2019
kom fram að um 30 prósent svar-
enda sögðust ekki ræða stam sitt á
sínum vinnustað.
Þekkjandi stam af eigin raun
– ásamt því að vera móðir ein-
staklings sem stamar og atvinnu-
rekandi til áratuga – þá tel ég þetta
ekki ásættanlega stöðu. Við eigum
að ræða stam og í atvinnuviðtölum
eigum við að nefna að við glímum
við stam. Þekkt er að einstaklingar
sem stama eru líklegri til að stama
mun meira undir álagi og atvinnu-
viðtal skapar vissulega þannig
aðstæður.
Stam á ekki að skilgreina nokk-
urn mann og stam á aldrei að verða
til þess að við sækjumst ekki eftir
því starfi sem hugur okkar stendur
til. Atvinnuviðtöl reyna vissulega
á – en ég hvet hins vegar fólk sem
stamar til að vera strax í upphafi
opinskátt um sitt stam. Atvinnu-
rekendur verða einnig að átta sig
á að þeir sem stama eru líklega að
stama óvenju mikið í viðtölum og
sýna því ekki sitt rétta andlit. Það
sýnir hins vegar hugrekki og styrk
að vera strax opinská um stam, það
léttir á spennu og byggir upp traust.
Við sem stömum erum jafn
ólík og við erum mörg og það er
mjög misjafnt hvernig við viljum
að aðrir bregðist við stami. Sumir
vilja klára að segja hug sinn á
meðan öðrum finnst þægilegt að
þeim sé hjálpað í gegnum stamið.
En það veit enginn hvernig á að
bregðast við ef enginn þorir að tala
um stamið.
Breytum því – tölum um stam!
Tölum um stam
ORKUNNI
JAFNAÐU
ÞIG HJÁ
Leggðu þitt að mörkum
í loftslagsmálum og byrjaðu
að kolefnisjafna á orkan.is.
Með þér á stafrænni
vegferð
Innleiðing stafrænna lausna
með Veflausnum Wise