Múlaþing: byggðasögurit Austurlands - 01.01.2014, Side 61

Svæðisútvarp Austurlands 1987-2010
Nýr langbylgjusendir tekinn ínotkun á Eiðum árið 1999. Jóhann Haukssonforstöðumaður Svœðisútvarps Austurlands,
Markús Orn Antonsson útvarpsstjóri og Haraldur Bjarnason frétta- og dagskrárgerðarmaður. Myndin er úr safni
Vikublaðsins Austra. Ljósmynd: Unnur Sveinsdóttir.
Aðstaða, rekstur og hlutverk
Starfsstöð Svæðisútvarps Austurlands var
fyrstu árin (1987-1992) í kjallara gömlu
símstöðvarinnar við Fagradalsbraut á
Egilsstöðum, en hún fluttist þann 13. maí 1992
í sérhannað húsnæði í eigu Ríkisútvarpsins
í Miðvangi 2-4. Húsnæðið var þó ekki allt
tilbúið þegar flutt var inn en sá hluti þess
sem ætlaður var starfsemi Sjónvarpsins
var ókláraður. Þetta var stórt ár í sögu
Svæðisútvarpsins því um haustið átti það
5 ára afmæli og var því fagnað hátíðlega
rétt eins og flutningunum.17 I húsnæðinu í
Miðvangi var starfsemi Svæðisútvarpsins þar
til svæðisbundnar útsendingar voru lagðar
niður snemma árs 2010.
Tækjabúnaður Svæðisútvarpsins miðaðist
framan af við svæðisbundnar útsendingar
útvarps frá Vopnafirði til Hornafjarðar,
upptökur fyrir hljóðvarp, þáttagerð og
beinar útsendingar í gegnum landsrásir
Ríkisútvarpsins. A þessu varð lítil breyting
fyrstu 11 ár starfseminnar. Allir svarendur
spurningakönnunarinnar úr hópi fyrrum
starfsmanna Svæðisútvarpsins eru sammála
um að aðstaðan hafi verið góð, enda húsnæðið
(í Miðvangi) sérhannað fyrir starfsemina.
Ríkisútvarpið sætti gagnrýni frá Aust-
firðingum fram eftir 10. áratugnum fyrir að
vera ekki með fastan sjónvarpsfréttamann
og tökumann á Austurlandi. Samband
sveitarfélaga á Austurlandi (SS A) var raunar
byrjað að kalla eftir bættri fréttaþjónustu
Sjónvarpsins strax árið 1988 og var þar
hvatt til samstarfs þess við Svæðisútvarpið
sem þá hafði hafið starfsemi.18 í fundargerð
útvarpsráðs þann 14. október 1996 kemur
fram að borist hafí bréf frá SSA. Þar er lýst
17 Ríkisútvarpið - skjalasafn. Ársskýrsla RÚV 1991-1992, s. 23-24. 18 Ríkisútvarpið - skjalasafn. 2977. fundur útvarpsráðs, 11.
nóvember 1988.
59