Fréttablaðið - 18.12.2021, Blaðsíða 2

Kynningarstjóri UNICEF á
Íslandi segir stefna í metár
í sölu á Sönnum gjöfum. Í
desember hafa Íslendingar
keypt 70 þúsund skammta af
jarðhnetumauki fyrir van-
nærð börn og tryggt 4.200
einstaklingum bólusetningu
gegn Covid.
birnadrofn@frettabladid.is
SAMFÉLAG Íslendingar hafa keypt
70 þúsund pakka af vítamínbættu
jarðhnetumauki fyrir vannærð
börn í desember. Hnetumaukið er
ein tegund Sannra gjafa, sem hægt
er að versla hjá UNICEF.
„Það stefnir í metár hjá okkur
í ár,“ segir Steinunn Jakobsdóttir,
kynningarstjóri UNICEF á Íslandi,
spurð að því hvernig sala á Sönnum
gjöfum fari af stað í ár.
Sannar gjafir eru hjálpargögn
fyrir börn í neyð sem fólk getur
keypt á vefsíðu UNICEF. Við kaupin
fær fólk gjafabréf fyrir til dæmis
jarðhnetumauki, bóluefni, hrein-
lætisvörum eða hlýjum fatnaði, sem
UNICEF kemur svo til barna sem á
þurfa að halda.
„Síðustu ár hafa Sannar gjafir
verið mjög vinsælar en áhugi fyrir
þeim eykst með hverju árinu og það
er greinilegt að mikill fjöldi fólks
ákveður að nýta þessa leið til að
kaupa fallegar gjafir sem koma líka
að virkilega góðum notum,“ segir
Steinunn.
Hún segir vinsælustu jólagjöfina
vera jarðhnetumaukið og bólu-
sendingargjöfina sem sé nýjasta
Sanna gjöfin. „Með henni er verið
að tryggja bóluefni gegn Covid-19 til
efnaminni ríkja. Í desember erum
við búin að selja 700 slíkar gjafir,“
segir Steinunn.
Með einni bólusendingargjöf,
sem kostar tæpar fjögur þúsund
krónur, er sex einstaklingum tryggð
bólusetning gegn Covid-19. „Þannig
að 4.200 einstaklingar í efnaminni
löndum fá bólusetningu fyrir þær
gjafir sem selst hafa í desember,“
segir Steinunn.
„Það hefur verið rosalega vel tekið
í þetta, fólk gerir sér grein fyrir að
við þurfum að jafna leikinn í dreif-
ingu bóluefna,“ bætir Steinunn við.
Þá segir hún að aldrei hafi verið
jafn mikil þörf fyrir hjálpargögn
fyrir börn og nú.
„Bóluefni og jarðhnetumaukið er
langvinsælast og það eru kannski
viðbrögð við ástandinu í heiminum.
Við gerum okkur grein fyrir mis-
skiptingu í dreifingu bóluefna og
við vitum að það eru börn að látast
úr vannæringu, til dæmis í Jemen og
Afganistan, og jarðhnetumaukið er
leið til að meðhöndla slíkt,“ segir
Steinunn.
Hún segir greinilegt að Íslend-
ingar vilji gera hvað þeir geti til að
hjálpa börnum um allan heim, þar
séu íslensku jólasveinarnir engin
undantekning. „Þeir hafa verið að
kaupa svolítið hjá okkur og setja í
litla skó, hafa verið í samstarfi við
okkur í mörg ár,“ segir Steinunn. n
Lúsíuhátíð í Neskirkju
Fresta þurfti hinni árlegu Lúsíuhátíð í Neskirkju vegna sóttkvíar fyrr í þessari viku, en Lúsíumessan fór fram í gærkvöldi. Hefðina má rekja til Svíþjóðar og
hefur hópur Íslendinga fagnað deginum um áratugabil. Ein stúlka er í hlutverki Lúsíu og með henni í samfloti er Lúsíukór.. FRÉTTABLAÐIÐ/SIGTRYGGUR ARI
Vítamínbætt jarðhnetumauk meðhöndlar vannæringu barna. MYND/UNICEF
Bóluefni og mauk í jólagjöf
Bóluefni og jarðhnetu-
maukið er langvin-
sælast og það eru
kannski viðbrögð við
ástandinu í heiminum.
Steinunn
Jakobsdóttir,
kynningarstjóri
UNICEF á Íslandi
ingunnlara@frettabladid.is
COVID-19 Ísland og Noregur munu
eiga kost á hlutdeild í skömmtum
á nýju bóluefni Pfizer gegn Omí-
kron-afbrigðinu á sömu forsendum
og með fyrri bóluefni. Evrópusam-
bandið samþykkti í  gær að virkja
heimild til kaupa á 180 milljón
skömmtum af nýju bóluefni frá Pfi-
zer sem verður tilbúið í mars.
Í samningum Evrópusambands-
ins um kaup á mRNA-bóluefni (Pfi-
zer og Moderna) sem Ísland á aðild
að, eru ákvæði sem tryggja ríkjun-
um aðgang að bóluefni við nýjum
afbrigðum. Þetta kemur fram í svari
heilbrigðisráðuneytisins til Frétta-
blaðsins. Samningurinn kveður
jafnframt á um að ríkin eigi rétt á
kaupum á tilteknu magni bóluefna,
umfram það magn sem samningur-
inn kveður á um að skylt sé að kaupa.
„Staða Íslands varðandi bólu-
efni gegn Covid-19 er góð. Gildandi
samningar tryggja okkur nægt
framboð bóluefna og einnig upp-
færslu þeirra vegna nýrra af brigða
eins og Omíkron, líkt og Pfizer
vinnur nú að,“ segir Willum Þór
Þórsson heilbrigðisráðherra, í svari
við fyrirspurn Fréttablaðsins.
Ekki liggur ljóst fyrir hvenær
uppfærsla bóluefnis Pfizer við Omí-
kron-af brigðinu verður tilbúin og
samþykkt af hálfu Lyfjastofnunar
Evrópu. n
Íslandi tryggt bóluefni gegn Omíkron
Von er á að bóluefnið
verði tilbúið í mars á
nýju ári.
helenaros@frettabladid.is
HEILBRIGÐISMÁL Flóki Ásgeirsson
lögmaður segir illa hafa gengið að fá
upplýsingar frá bæði Landspítala og
Reykjavíkurborg vegna máls Hilm-
ars Kolbeins.
Fréttablaðið greindi frá því í gær
að Hilmar, sem er 45 ára og fjölfatl-
aður, hafi ekki fengið að snúa aftur
heim til sín í sjö mánuði eftir að
hann gekkst undir aðgerð á Land-
spítala. Frá því í október hefur hann
dvalið á elliheimili.
Flóki segist, þrátt fyrir ítrekaða
beiðni, hvorki hafa fengið aðgang
að beiðnum sem gerðar hafi verið
um heimahjúkrun fyrir Hilmar né
afgreiðslu á þeim beiðnum. Átta
mánuðir séu liðnir síðan Hilmar
leitaði til hans um aðstoð vegna
málsins.
Að sögn Flóka hafi úrræðaleysið í
máli Hilmars því miður verið algjört
og að hið eina sem honum hafi raun-
verulega staðið til boða hingað til, sé
að liggja inni á spítala eða dveljast á
hjúkrunarheimili.
Í bréfi, sem Fréttablaðið hefur
undir höndum, sem velferðarsvið
borgarinnar sendi til Embættis
landlæknis 7. maí síðastliðinn, segir
að hjúkrunar- og umönnunarþarfir
Hilmars séu mun umfangsmeiri en
heimahjúkrun geti veitt.
„Í ljósi umfangsmikilla umönn-
unarþarfa tilkynnist hér með að
þjónusta heimahjúkrunar við
Hilmar er fullreynd enda er það mat
heimahjúkrunar að öryggi hans og
heilsu sé ógnað með útskrift heim. n
Val á milli spítala
og elliheimilis
2 Fréttir 18. desember 2021 LAUGARDAGURFRÉTTABLAÐIÐ