Morgunblaðið - 31.08.2021, Blaðsíða 6

6 FRÉTTIR
Innlent
MORGUNBLAÐIÐ ÞRIÐJUDAGUR 31. ÁGÚST 2021
• Verð frá: 250.000 m/vsk.
• Stærðir 3-600 persónueiningar
• Ekkert rafmagn
• Meira en 2ja þrepa hreinsun
• Verð frá 510.000 m/vsk.
• Stærðir 3-1500 persónueiningar
• Rafræn vöktun (valkvæmt)
• Getur hreinsað eColi allt að 99,9%
INNIFALIÐ Í VERÐI
ANAEROBIX HREINSIVIRKI
með síu yfir 90% hreinsun
ONE2CLEAN HREINSISTÖÐ
allt að 99% hreinsun
• Þægilegar í uppsetningu og lítið viðhald
• Fyrir sumarhús, heilsárshús, hótel o.fl.
• Engar siturlagnir – fyrirferðarlítil
• Mikið pláss fyrir seyru
• CE vottað
• Uppfylla kröfur til hreinsunar á viðkvæmum
svæðum t.d við Þingvallavatn
• Afhending á verkstað innan
100km frá Reykjavík
• Drengöng með gátlúgu sem tryggja að vökvi
komist óhindrað út í jarðveg
Þóra Birna Ingvarsdóttir
thorab@mbl.is
Knattspyrnusamband Íslands gaf út
yfirlýsingu þess efnis í gærkvöldi að
sitjandi stjórn hefði tekið ákvörðun
um að segja af sér. Boðað hafði verið
til friðsamlegra mótmæla fyrir utan
höfuðstöðvar KSÍ í Laugardal undir
yfirskriftinni „stjórnin út“ þar sem
stjórnarmenn sambandsins voru
hvattir til að segja af sér. Mótmælin
áttu að vera á vegum aðgerðarhóp-
anna Öfga og Bleika fílsins en for-
svarsmenn hópanna voru ósáttir við
að einungis Guðni Bergsson, formað-
ur sambandsins, hefði þá sagt af sér.
Lausir samningar við Icelandair
Styrktaraðilar KSÍ hafa margir
óskað eftir fundi með stjórn sam-
bandsins til að ræða stöðuna og
hvernig KSÍ ætli sér að takast á við
hana. Icelandair fundaði með sam-
bandinu í gær en samstarfssamning-
ar þeirra á milli eru lausir sem stend-
ur. „Við leggjum áherslu á að
sambandið sýni á næstunni fram á
áætlun um hvernig verði unnið mark-
visst að umbótum áður en ákvörðun
verður tekin um áframhaldandi sam-
starf,“ segir upplýsingafulltrúi Ice-
landair.
Aðgerðirnar verði kynntar
CCEP, Coca-Cola á Íslandi, er
einnig meðal stærstu styrktaraðila
KSÍ til margra ára. Vegna frétta síð-
ustu daga segist Einar Magnússon,
forstjóri CCEP, sjá ástæðu til að lýsa
þungum áhyggjum af stöðu þessa
stærsta íþróttasambands í íslensku
samfélagi. Hefur fyrirtækið óskað
eftir fundi með KSÍ, samtali um þessi
mál og kynningu á aðgerðaráætlun
sambandsins í tengslum við með-
höndlun og til að fyrirbyggja ofbeld-
is- og kynferðisbrotamál.
Landsbankinn vill skýr svör
Landsbankinn er annar mikilvæg-
ur styrktaraðili KSÍ sem kveðst hafa
áhyggjur af stöðu mála og hefur ósk-
að eftir fundi með stjórn og fram-
kvæmdastjóra. „Við viljum á fundin-
um fá skýr svör um hvaða aðgerða
sambandið hyggst grípa til,“ segir
Rúnar Pálmason, upplýsingafulltrúi
Landsbankans.
Heiðar Guðjónsson, forstjóri
Vodafone sem er jafnframt stór
styrktaraðili KSÍ, bendir á að fram
undan séu mikilvæg verkefni eins og
stórmót kvennalandsliðsins á næsta
ári.
Opin umræða mikilvæg
„Það væri fáránlegt fyrir okkur að
kippa út öllum stuðningi og láta það
bitna á þeim, sem koma þessu máli
ekkert við,“ segir Heiðar. KSÍ sé
grasrótarsamtök og Vodafone
styrki ekki landsliðið sérstaklega,
heldur KSÍ. Heiðar segir að búið sé
að óska eftir fundi með stjórn sam-
bandsins. „Við viljum sjá hvernig
KSÍ ætlar að vinna úr sínum mál-
um.“
Víðir Reynisson, yfirlögregluþjónn
hjá almannavarnadeild ríkislögreglu-
stjóra og fyrrverandi öryggisstjóri
hjá KSÍ, segir það mikilvægt að um-
ræðan sé opin og telur alla
þurfa að leggja sitt af mörk-
um til þess að vinna að úr-
bótum: „Ég held að það
sé mjög mikilvægt, alls
staðar í samfélaginu
eru tækifæri til þess að
gera miklu betur í mál-
um sem snúa að ofbeldi
og þá sérstaklega
kynferðis-
ofbeldi.“
KSÍ undir smásjá styrktaraðila
- Stjórn sambandsins sagði af sér í gærkvöldi - Lausir samningar við Icelandair - CCEP og Lands-
bankinn lýsa þungum áhyggjum - Ekki rétt að málið bitni á kvennalandsliðinu og grasrótinni
Morgunblaðið/Kristinn Magnússon
Höfuðstöðvar Boðað hefur verið til mótmæla fyrir utan KSÍ við Laugardalsvöll undir yfirskriftinni „stjórnin burt“.
Stígamót vilja sjá skýran póli-
tískan vilja hjá stjórn til að
hrinda í framkvæmd aðgerðum
til að uppræta vanda KSÍ við
meðhöndlun ofbeldis- og kyn-
ferðisbrotamála, áður en þau
gangast við því að leiða slíka
vinnu.
Þetta segir Steinunn Gyðu-
og Guðjónsdóttir, talsmaður
Stígamóta.
„Mér finnst fleiri bera
ábyrgð innan KSÍ en bara for-
maðurinn. Mér finnst að
stjórnin hefði átt að grípa til
róttækari aðgerða.“
Steinunn segist ekki sann-
færð um að allir innan stjórn-
arinnar hafi það sem þurfi til
að vinna úr þessu máli.
Stígamót eru samtök sem
vilja gera allt sem þarf til að
samfélagið taki betur á og
komi í veg fyrir kynferðisbrot.
„Það er öllum ljóst að innan
KSÍ er rótgróin menning sem
hefur látið kvenfjandsamleg
viðhorf og ofbeldi óátalin. Til
að uppræta svo rótgróna
menningu þarf róttækar að-
gerðir og skýran vilja.“
Málið verði ekki leyst með
nýjum verklagsreglum einum
saman. „Við viljum ekki bara
vera fjarvistarsönnun.“
Fleiri beri
ábyrgð
EFAST UM AÐ STJÓRNIN
HAFI ÞAÐ SEM ÞARF
Steinunn Gyðu- og
Guðjónsdóttir
„Íþróttahreyfingin er samfélag og
þar finnst ofbeldi eins og í öllum
öðrum samfélögum.“
Þetta segir Viðar Halldórsson,
prófessor í félagsfræði, inntur eftir
viðbrögðum við þeirri miklu gagn-
rýni sem KSÍ hefur sætt undan-
farna daga fyrir þöggun og með-
virkni með meintum gerendum
innan sambandsins.
„Það sem er áhugavert núna,
hvað þetta mál varðar, er að þarna
eru nokkrir leikmenn í sama liði
sem eru sakaðir um ofbeldisbrot á
ákveðnu tímabili, sem bendir til
þess að þetta sé ekki bara ein-
staklingsvandamál þeirra heldur er
þetta líka menningarvandamál,“
segir Viðar.
Afreksheimurinn sérstakur
Hann telur eitraða karlmennsku,
ofbeldi, þöggun og meðvirkni meira
ríkjandi í fótbolta en í öðrum íþrótt-
um enda miklar vinsældir, peningar
og völd í spilinu. Þá segir Viðar að í
atvinnumennsku geti menn auðveld-
lega misst tengsl við raunveruleik-
ann.
„Afreksfótboltaheimurinn er
mjög sérstakur og öll svona vanda-
mál magnast svolítið upp þar. Þar
er mikil firring og samkeppni bæði
innan og utan vallar. Stjörnurnar
verða stærri, valdameiri, ríkari,
þurfa að hafa minna fyrir hlutunum
og verða yfir ýmislegt hafnar. Þá
eru þær oftar en ekki settar á stall
og verða við það hálfósnertanlegar,“
segir Viðar.
Aðspurður
segir Viðar erfitt
að svara því
hvers vegna
menn, sem hafa
allan heiminn í
höndum sér, vill-
ast út af braut-
inni og beita of-
beldi. Umhverfið
sem þeir hrærast
í eigi þó vissulega
stóran þátt í því, að sögn hans.
„Það er ákveðið ósýnilegt, fé-
lagslegt afl sem ýtir fólki í ein-
hverjar áttir þar sem það missir
bara tökin. Svo þegar menn verða
stórir, frægir, dýrkaðir og dáðir þá
stígur það þeim oft til höfuðs og
þeir missa fótanna. Ég hef svo sem
enga skýringu á því af hverju það
gerist en mitt félagsfræðilega mat
er að umhverfi þessara manna
magni þetta upp og ýti þeim af
réttri braut. Gildin og normin sem
þeir lifa eftir dagsdaglega verða
nefnilega svo skringileg og absúrd.“
Uppræta þurfi
eitraða karlmennsku
Uppræta þurfi eitraða karl-
mennsku sem sé samfélagslegt
mein að sögn Viðars, en þar leiki
íþróttahreyfingin mikilvægt hlut-
verk.
Viðar trúir því einlæglega að KSÍ
taki loksins á sínum málum en til
þess að ávinna sér traust sam-
félagsins aftur þurfi stjórn sam-
bandsins þó að stíga fast til jarðar.
Firring í fót-
boltaheiminum
- Um menningarvandamál að ræða
Viðar
Halldórsson