Morgunblaðið - 31.08.2021, Blaðsíða 11

FRÉTTIR 11Innlent
MORGUNBLAÐIÐ ÞRIÐJUDAGUR 31. ÁGÚST 2021
Skoðið fleiri innréttingar á
innlifun.is
Suðurlandsbraut 26 Sími 587 2700
Opið 11-18 virka daga innlifun.is ALVÖRU ELDHÚS
F
rakkinn Maxime Lag-
rade, Hovhannes Ga-
busjan frá Armeníu og
Rauf Mamedov frá
Aserbaídsjan eru efstir og jafnir
eftir fimm umferðir af ellefu á
Reykjavíkurskákmótinu/Evr-
ópumóti einstaklinga sem stendur
yfir þessa dagana á Hotel Natura
í Reykjavík. Þeir eru allir með 4½
vinning. Níu skákmenn eru með 4
vinninga.
Keppendur eru 180 talsins,
heldur færri en á síðustu Reykja-
víkurskákmótum en takmarkanir
vegna Covid-faraldursins eru
skýringin þar á. Hjörvar Steinn
Grétarsson er efstur Íslending-
anna með 3½ vinning. Jóhann
Hjartarson, Hannes Hlífar Stef-
ánsson, Héðinn Steingrímsson og
Vignir Vatnar Stefánsson eru með
3 vinninga. Hannes Hlífar vann
stigahæsta keppandann, Englend-
inginn Gawain Jones, í þriðju um-
ferð sl. laugardag.
Armeninn Robert Hovhannisjan
komst enn í efsta sætið eftir fjórar
umferðir á Reykjavíkurskák-
mótinu/EM. En hann þurfti að
tefla við Rauf Mamedov í fimmtu
umferð í gær og tapaði án þess að
fá rönd við reist. Armenskir skák-
menn hafa átt erfitt samband við
hina ágætu skákmenn frá Aserba-
ídsjan á liðnum árum en Mamedov
er einn öflugasti skákmaður þeirra
og hefur margoft náð frábærum
árangri fyrir ólympíusveit þeirra.
Reykjavíkurskákmótið/EM ein-
staklinga; 5. umferð:
Rauf Mamedov – Robert Hov-
hannisjan
Reti-byrjun
1. Rf3 d5 2. g3 Bg4 3. Bg2 e6 4.
O-O Rf6 5. h3 Bh5 6. c4 c6 7. d4
Be7 8. Rc3 O-O 9. Re5 Rbd7 10.
g4 Bg6 11. Rxg6 hxg6 12. cxd5
exd5 13. Db3 Db6 14. Hd1
Eins og skákskýrandi mótsins,
Ivan Sokolov, skýrði út fyrir
áhorfendum þá tekur hvítur á sig
peðaveikleika á b3 en hyggst opna
taflið með e2-e4.
14. … Dxb3 15. axb3 Re8 16. e4
dxe4 17. d5!
Snarplega leikið. Það liggur
ekkert á að taka e4-peðið.
17. … Rc5 18. dxc6 bxc6 19.
Be3 Rxb3 20. Ha6 Bc5 21. Rxe4
Bxe3 22. fxe3 Rc7
Hann hefði betur leitað eftir
uppskiptum á riddurum með 22.
… Rf6.
23. Hxc6 Re6 24. Rd6 Had8 25.
Bd5!
Með óbærilegum þrýstingi á f7-
peðið. Lok skákarinnar tefldi
Mamedov óaðfinnanlega.
25. … Rbc5 26. b4 Ra4 27. Bb3
Rb6 28. Hf1 Kh7 29. Rxf7 Hxf7
30. Hxf7 Rg5 31. Hxa7 Hd2 32.
Kf1 Rd7 33. Ha2 Hd3 34. Bc2
Hxe3 35. Bxg6 Kh6 36. Bf5 Rf6
37. h4
- og svartur gafst upp.
Sá stóri sleppur stundum
Stærsti sigur hinnar ungu kyn-
slóðar á Reykjavíkurskákmótinu/
EM kom í fyrstu umferð er
Hilmir Freyr Heimisson lagði
ungverska stórmeistarann Tamas
Banusz, 2661 elo, í aðeins 25
leikjum. Hilmir vann Lenku
Ptacnikovu í gær og er með 2½
vinning. Í fyrstu umferð mótsins
munaði litlu að gamall skóla-
félagi hans úr Salaskóla í Kópa-
vogi, Birkir Ísak Jóhannsson,
ynni einnig er hann tefldi við
tyrkneska stómeistara Vahap Sa-
nal:
Vahap Sanal – Birkir Ísak Jó-
hannesson
Tyrkinn lék síðast 23. Hf1-f2.
Þessi leikur lítur skynsamlega
út, hvítur hyggst tvöfalda á f-
línunni og auka einnig þrýsting-
inn á stöðu svarts. En þegar vel
er að gáð kemur í ljós að svartur
á afar öflugan svarleik sem gerir
út um taflið, 23. … Rb4! Eftir 24.
Dxd7, sem liggur beinast við,
kemur 24. … Rxd3 sem hótar
einfaldlega 25. … Rxf2 mát.
Hvítur á enga leið út úr ógöng-
unum. Þannig dugar 24. Db3
skammt vegna 24. … a4! o.s.frv.
Því miður greip Birkir ekki tæki-
færið og lék 23. … b6 sem Sanal
svaraði með 24. Hef1 og hættan
var liðin hjá. Að lokum vann
hvítur í 53 leikjum.
Skák
Helgi Ólafsson
helol@simnet.is
Morgunblaðið/Heimasíða REK/E
Einbeitni Unga kynslóðin setur svip
sinn á Reykjavíkurskákmótið/EM.
Hér tefla þau saman, Gunnar Erik
Guðmundsson og Iðunn Helgadóttir.
Þrír efstir á
Reykjavíkurskák-
mótinu/EM einstaklinga
Ágúst Ingi Jónsson
aij@mbl.is
Vísitala lífmassa makríls í leiðangri
fjögurra þjóða á noðurslóðir í júlí var
metinn 5,15 milljónir tonna. Það er
58% lækkun frá árinu 2020 og er
minnsti lífmassi sem mælst hefur
síðan 2012. Í sumar mældust 440
þúsund tonn af makríl á hafsvæðinu
við Ísland eða 7,7% af heildinni. Það
er 19% minna en 2020 þegar 546
þúsund tonn mældust í lögsögunni.
Hlutfallið hefur lækkað
Makríll mældist suðaustan og
austan við landið, ólíkt síðasta ári
þegar enginn makríll mældist fyrir
austan. Á sama tíma og vísitalan
lækkaði mikið á milli ára var út-
breiðslan svipuð og 2020. Vart varð
við makríl norðan og vestan við Ís-
land en magnið var óverulegt.
Síðustu ár hefur dregið úr vest-
lægum göngum makríls og minna
verið af fiskinum í íslenskri og græn-
lenskri lögsögu. Hlutfallið á Íslands-
miðum hefur lækkað síðustu fjögur
ár og til samanburðar má nefna að
árin 2015 og 2017 var það um 37% af
heildinni. Miðað við vísitölur má
áætla að tæplega 3,9 milljónir tonna
af makríl hafi verið í lögsögunni þeg-
ar mest var árið 2017 eða tæplega
níu sinnum meira en í ár.
Leiðangurssvæðið í ár var 24%
minna árið 2021 samanborið við árin
2018-2020. Minnkun leiðangurs-
svæðis hafði ekki áhrif á niðurstöður
leiðangursins þar sem útbreiðslu-
mörk makríls fyrir sunnan, vestan
og norðan Ísland mældust innan
yfirferðasvæðisins. Íslendingar,
Færeyingar Norðmenn og Danir
stóðu að leiðangrinum sem farinn
var á tímabilinu 30. júní til 3. ágúst
2021. Mestur þéttleiki mældist í
miðju Noregshafi líkt og í fyrra en
minna mældist í norðanverðu Nor-
egshafi.
Niðurstöður leiðangursins verða,
ásamt öðrum gögnum, notaðar við
mat á stofnstærð makríls. ICES
mun birta ráðgjöf um aflamark
norsk-íslenskrar síldar, makríls og
kolmunna þann 30. september.
Íslensku skipin voru í gær að veið-
um í Síldarsmugunni milli Íslands og
Noregs, þar sem þau hafa verið
lengst af sumri. Samkvæmt yfirliti á
heimasíðu Fiskistofu er makrílaflinn
kominn í tæplega 100 þúsund tonn,
en heimildir ársins nema 157 þúsund
tonnum. Aflinn er þó eflaust orðinn
hærri þar sem nokkra daga tekur að
ganga frá löndunarskýrslum, auk
afla sem er í skipunum.
Síld og kolmunni
Meginmarkmið fjölþjóða leiðang-
ursins var að meta magn uppsjávar-
fiska í Norðaustur-Atlantshafi að
sumarlagi en jafnframt að rannsaka
vistkerfi og umhverfi sjávar. Magn
norsk-íslenskrar síldar er svipað á
milli ára þar sem vísitala lífmassa
var metin 5,9 milljónir tonna sem er
sami lífmassi og mældist árið 2020.
Talið er að 2016-árgangurinn sé að
fullu genginn úr Barentshafi í Nor-
egshaf og vó árgangurinn um 54% af
lífmassa stofnsins. Útbreiðsla síldar-
stofnsins var svipuð og undanfarin
ár fyrir utan að lítið sást af síld norð-
ur af Færeyjum. Líkt og fyrri ár
mældist mikið af eldri síld fyrir aust-
an og norðan Ísland, en yngri síldin í
Norðaustur-Noregshafi, að því er
segir á heimasíðu Hafrannsókna-
stofnunar.
Vísitala stofnstærðar kolmunna
var 2,2 milljónir tonna sem er 22%
hækkun frá síðasta ári. Þessi hækk-
un skýrist af magni eins árs kol-
munna sem vó 49% af lífmassa
stofnsins. Kolmunni fannst á mest
öllu rannsóknarsvæðinu nema í
köldum sjó í Austur-Íslands-
straumnum milli Íslands og Jan Ma-
yen.
Mun minna mældist af
makríl á norðurslóðum
- 440 þúsund tonn við Ísland í ár - 3,9 milljónir tonna 2017
Morgunblaðið/Líney Sigurðardóttir
Löndun Heimaey VE við bryggju á Þórshöfn í sumar, en fyrsta makrílfarmi ársins var landað þar 25. júlí.
Stofnstærð og
dreifing makríls
Vísitala lífmassa makríls í uppsjávar-
leiðangri 30. júní til 3. ágúst 2021
H
ei
m
ild
:
H
af
ró
Hver reitur er tvær
breiddargráður og
fjórar lengdargráður
17Lífmassi, 0-17 tonn/km