Morgunblaðið - 26.08.2021, Síða 2

Líklegt var að hitamet myndi falla í
gær en svo varð ekki. Hiti náði hæst
28,4 stigum á Egilsstaðaflugvelli
klukkan tvö en hæsti hiti sem hefur
mælst á Íslandi var árið 1939 þegar
30,5 stig mældust á Teigarhorni í
Berufirði.
Í fyrradag mældist hæsta hitastig
þessa árs þegar hitinn náði 29,4
gráðum á Hallormsstað. Þá mældist
einnig hæsti hiti á hálendinu, 24,7
stig, á Eyjabökkum. Sólarhrings-
lágmarkshiti landsins í fyrradag hef-
ur aldrei verið jafn hár frá upphafi
sjálfvirkra mælinga fyrir rúmum 20
árum, samkvæmt vefsíðu Trausta
Jónssonar veðurfræðings.
Veðurblíðan hefur því leikið við
fólk norðaustan- og austantil síðustu
daga líkt og sjá má á myndum en bú-
ast má við lítilsháttar vætu víða um
land í dag, en þó verður bjart með
köflum norðaustantil. Veðurstofan
spáir 12 til 22 stiga hita og því að
hlýjast verði fyrir austan.
Morgunblaðið/Hafþór Hreiðarsson
Ærslabelgir Á Húsavík hoppuðu og skoppuðu þessir drengir á ærslabelgnum við Borgarhólsskóla.
Líf og fjör í blíðviðrinu
norðaustan- og austantil
- Hiti náði hæst
28,4 stigum á Eg-
ilsstaðaflugvelli
Morgunblaðið/Sigrún Júnía
Fjör Á Egilsstöðum hoppuðu ungmenni út í Eyvindará til að kæla sig.
Morgunblaðið/Líney Sigurðardóttir
Sumar Við höfnina á Þórshöfn óðu börn í sjónum í 24 stiga hita.
2 FRÉTTIR
Innlent
MORGUNBLAÐIÐ FIMMTUDAGUR 26. ÁGÚST 2021
Bi
rt
m
eð
fyr
irv
ar
au
m
pr
en
tvi
llu
r.
He
im
sfe
rð
ir
ás
kil
ja
sé
rr
ét
tt
ill
eið
ré
tti
ng
aá
slí
ku
.A
th
.a
ð
ve
rð
ge
tu
rb
re
ys
tá
n
fyr
irv
ar
a.
595 1000
Fljúgðu
september
Áfangastaður Önnur leið Báðar leiðir
Tenerife 8. september Frá14.900 Frá29.800
Tenerife 15. september Frá14.900 Frá29.800
Alicante 2. september Frá19.900 Frá34.800
Alicante 9. september Frá24.900 Frá44.800
Alicante 16. september Frá27.950 Frá47.850
ábetraverði
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Baldur S. Blöndal
baldurb@mbl.is
Samkvæmt skýrslu Samtaka atvinnu-
lífsins og Samtaka verslunar og þjón-
ustu er þörf á að dreifa verkefnum frá
Landspítalanum til þess að draga úr
fráflæðis- og aðsóknarvanda spítal-
ans.
Samtökin birtu skýrsluna sem ber
heitið Heilbrigðiskerfi á krossgötum í
gær en þar er staða heilbrigðisþjón-
ustu rakin og tillögur að úrbótum
lagðar fram. Skýrslan var til umræðu
á vel sóttum heilbrigðismálafundi á
Grand Hóteli.
Halldór Benjamín Þorbergsson,
framkvæmdastjóri SA, kynnti skýrsl-
una en hann segir færi á að byggja á
fyrirkomulagi um fjármögnun heilsu-
gæslanna í einkarekstri heilbrigðis-
þjónustu og styrkja Sjúkratryggingar
Íslands í þeirra hlutverki:
„Við getum nálgast vandann úr
tveimur áttum, fyrsta áttin er að
endalaust meira fé þurfi í heilbrigð-
iskerfið. Sem er sjónarmið sem heyr-
ist mjög víða í samfélaginu. Ef við
gerum ráð fyrir því að þjóðarsjúkra-
húsið þurfi að sinna öllu og gína yfir
öllu er það rétt.
Ef við hins vegar nálgumst þetta
úr hinni áttinni og segjum að þjóð-
arsjúkrahúsið eigi bara að sinna
ákveðnum hluta verkefna og þannig
sé leitað leiða til þess að láta einka-
rekstur og þjóðarsjúkrahúsið vinna
saman. Einkarekstur við hlið þjóð-
arsjúkrahússins mun styrkja til-
verugrundvöll og rekstrargrundvöll
þjóðarsjúkrahússins.“
Halldór segir grundvöll þessara
hugmynda samningagerð og eftirlit
SÍ: „Sjúkratryggingar Íslands þarf
að styrkja verulega til þess að þær
geti sinnt hlutverki sínu sem er að
semja við alla aðila sem eru að veita
heilbrigðisþjónustu og sinna eftirliti
með því að verð, magn og gæði þeirr-
ar þjónustu sé með þeim hætti sem
samið var um.“
Björn Zöega, forstjóri Karolinska
sjúkrahússins í Stokkhólmi, flutti
ávarp á fundinum í gegnum fjar-
fundarbúnað. Hann tók undir með
Halldóri um hlutverk einkareksturs
samhliða rekstri þjóðarsjúkrahúss
og mikilvægi Sjúkratrygginga Ís-
lands:
„Allt kerfið þarf hvata. Við þurfum
bæði á einkarekstri og opinberum
rekstri að halda. Ég held að þetta
styðji hvort við annað en það verða
að vera gerðar kröfur í einkarekstr-
inum. Ég er vanur því í einkarekstr-
inum hér í Svíþjóð að það séu gerðar
meiri kröfur um gæði og framlag
einkarekstursins en hins opinbera
þar sem öðruvísi kröfur eru gerðar.
Það getur hins vegar ekki verið
stjórnlaust heldur verður stýring að
vera á öllu kerfinu í heild í takt við
þarfir sjúklinga.“
Björn segir tækifæri Íslands fel-
ast í því að nýta gildandi lög um
sjúkratryggingar án þess að ráðast í
lagabreytingar.
Einkarekstur styrki Landspítalann
- SA og SVÞ sjá fram á gífurlega aukningu í fjárþörf heilbrigðiskerfis á komandi árum - Hækkun
skatta eða þjónustuskerðing ekki inni í myndinni - Hagræðing og aukin skilvirkni í rekstri lausnin
Morgunblaðið/Sigurður Unnar
Uppselt Fundurinn var vel sóttur og voru frambjóðendur meðal gesta.
Maðurinn sem lést af slysförum á Eyrarbakka á þriðjudag hét
Sigurður Magnússon. Hann var fæddur árið 1965 og var búsett-
ur á Selfossi.
Sigurður lætur eftir sig eiginkonu, fjögur börn, tengdabörn,
tvö barnabörn, móður og systur.
Þetta kemur fram í tilkynningu frá aðstandendum Sigurðar.
Nafn mannsins sem lést
Sigurður
Magnússon
Grunnfjárhæð vanrækslugjalds sem
lagt er á vegna óskoðaðra ökutækja
hækkaði umtalsvert samkvæmt
reglugerð sem tók gildi 1. maí sl.
Sýslumaðurinn á Vestfjörðum sem
annast álagningu og innheimtu
gjaldsins vekur athygli á þessu í
fréttatilkynningu.
Bendir hann á að í byrjun júlí,
þegar farið var að leggja van-
rækslugjald á samkvæmt nýju
reglugerðinni, sættu eigendur alls
3.257 ökutækja álagningu gjaldsins
og í byrjun ágúst voru ökutækin
alls 3.434, sem ekki höfðu verið
færð til skoðunar innan tilskilins
tíma. „Verður fróðlegt að sjá hvort
þessi hækkun leiðir ekki til fækk-
unar álagninga frá því sem verið
hefur,“ segir hann.
Gjaldið var 15.000 kr. vegna allra
flokka ökutækja, hækkaði í 20.000
kr. vegna allra ökutækja annarra
en fólksflutningabíla fyrir níu far-
þega eða fleiri, vöruflutningabíla
eða aftanívagna með heimilaðan
farm yfir 3,5 tonn en vegna þeirra
hækkar það í 40.000 kr. Ef ökutæki
hefur ekki verið fært til skoðunar
eða skráð úr umferð innan tveggja
mánaða frá álagningu gjaldsins
hækkar það um 100% eða í 40.000
kr. en í 80.000 kr. vegna stærri
ökutækja.
Vanrækslugjald
hækkaði verulega
- Fróðlegt að sjá hvort fækkun verði