Morgunblaðið - 26.08.2021, Blaðsíða 10

10 FRÉTTIR
Innlent
MORGUNBLAÐIÐ FIMMTUDAGUR 26. ÁGÚST 2021
Mörkin 6 - 108 Rvk.
s:781-5100
Opið: 11-18 virka daga
www.spennandi-fashion.is
Lokað á laugardögum í sumar.
LURDES BERGADA
TIL LEIGU GRANDINN
EYJARSLÓÐ 9
EYJARSLÓÐ 3
Upplýsingar gefur Ólafur í síma 892 5064
133 m2 „Studio Loft“ til leigu.
Húsnæðið er einn salur. Mjög
gott útsýni. Laust strax.
163 m2 atvinnuhúsnæði á jarð-
hæð með stórri innkeyrsluhurð.
Næg bílastæði. Laust 1. okt.
Stefán E. Stefánsson
ses@mbl.is
Fulltrúar þriggja flokka sem nú sitja
á Alþingi eru sammála um að verja
þurfi auknu fjármagni til Landspít-
alans og heilbrigðiskerfisins í heild.
Hins vegar greinir þá á um hvort
megináherslan skuli lögð á opinbera
kerfið eða hvort styrkja eigi bæði
ríkisreksturinn og einkarekin fyrir-
tæki og sjálfseignarstofnanir á sviði
heilbrigðisrekstrar. Þrátt fyrir sam-
hljóm milli flokkanna varðandi nauð-
syn þess að svara ákalli um aukið
fjármagn til Landspítalans vill eng-
inn þeirra slá því föstu hversu mikið
það þurfi að vera. Þá greinir einnig á
um það hvernig aukinna fjármuna til
starfseminnar skuli aflað.
Oddný Harðardóttir, þingmaður
Samfylkingarinnar, segir mikilvægt
að leita leiða til þess að létta álaginu
af Landspítalanum sem augljóslega
glími við mönnunarvanda. Það verði
bæði gert með því að vinna niður
biðlista sem safnast hafi upp og
einnig með því að styðja opinberan
heilbrigðisrekstur, m.a. með því að
byggja upp starfsemi kraga-sjúkra-
húsanna svokölluðu og vísar hún þar
m.a. til Heilbrigðisstofnunar Suður-
nesja og Sjúkrahússins á Akranesi.
Telur hún að átak í styttingu bið-
lista, m.a. þeim sem tengjast lið-
skiptaaðgerðum, muni kosta fjóra til
fimm milljarða króna.
Hallar á opinberu stofnanirnar
Spurð um það hvers vegna Sam-
fylkingin leggi fyrst og fremst
áherslu á mikilvægi þess að efla rík-
isstofnanir í heilbrigðisþjónustu,
fremur en einkarekstur á sviðinu,
segir Oddný að augljóslega halli á
opinbera reksturinn, þá hafi hún
ekki innsýn í fjárhagsmálefni fyr-
irtækja á borð við Klíníkina í Ár-
múla. Willum Þór Þórsson, þingmað-
ur Framsóknarflokksins, er
formaður fjárlaganefndar. Hann
segir þingið hafa aukið framlög á öll-
um sviðum heilbrigðisþjónustunnar
en að augljóslega þurfi meira að
koma til. Hann ítrekar þó mikilvægi
þess að allt heilbrigðiskerfið, bæði
það sem rekið er af hinu opinbera og
einkaaðilar, vinni saman að því að
bæta stöðu mála. Aðeins með því að
nýta þekkingu í öllu kerfinu muni
viðunandi árangur nást. Inntur eftir
því hvort hann sé sáttur við fram-
göngu heilbrigðisráðherra á yfir-
standandi kjörtímabili, þar sem
þrengt hefur verið mjög að einka-
rekstri, vill Willum ekki kveða fast
að orði en ítrekar þá skoðun sína að
styrkja þurfi undirstöður allrar
þjónustunnar.
„Gæluverkefni“ stjórnmálaafla
Hanna Katrín Friðriksson, þing-
maður Viðreisnar, er hins vegar
ómyrk í máli þegar hún fer yfir emb-
ættisfærslu heilbrigðisráðherra.
Segir hún rauð ljós blikka um allt
þar sem heilbrigðisyfirvöld virðist
kveikja elda í samskiptum við lækna,
sjúkraþjálfara, líknarþjónustur,
hjúkrunarheimili og fleiri aðila. Vill
hún meina að það sé afleiðing af
„gæluverkefnum“ einstakra stjórn-
málaafla á kostnað hagsmuna al-
mennings.
Innt eftir því hvaða verkefna
hún sé að vísa til segir Hanna
Katrín að engum dyljist að nú
standi yfir „ríkisvæðing“ að und-
irlagi heilbrigðisráðherra með full-
tingi samstarfsflokka VG. Nefnir
hún að hundruð einstaklinga, ekki
síst börn, bíði nú eftir þjónustu frá
sjúkraþjálfurum og talmeinafræð-
ingum. Biðlistarnir lengist og að á
sama tíma sé sett reglugerð um að
talmeinafræðingar verði að vinna
á vettvangi hins opinbera áður en
þeir geti fengið samning við
Sjúkratryggingar. Það þýði að
þjónusta sem þeir hyggjast bjóða
almenningi sé tvöfalt dýrari fyrir
notendur hennar, en sú þjónusta
sem þeir sem fyrir eru á sviðinu
geta veitt á grundvelli slíkra
samninga.
Vilja breyta fjármögnun
Willum Þór og Hanna Katrín
eru sammála um mikilvægi þess að
koma á fót þjónustutengdri fjár-
mögnun á Landspítalanum. Það sé
besta leiðin til þess að tryggja
góða meðferð fjármuna. Hins veg-
ar þurfi hið opinbera að skilgreina
hvað það vilji fá út úr þjónustunni.
Hafa þau bæði væntingar til þess
að slíkt kerfi verði innleitt á spít-
alanum fyrr en seinna. Hanna
Katrín nefnir þó að þar sem þjón-
ustutengd fjármögnun er nú þegar
komin á séu núverandi stjórnvöld
að grafa undan því.
„Það eru blikur á lofti. Ég hef
séð tölur um að það er verið að
veita fjármunum inn í heilsugæslu
höfuðborgarsvæðisins framhjá
þessum fjórum sjálfstætt reknu á
höfuðborgarsvæðinu sem sinna
tugum þúsunda einstaklinga sem
þar með fá verri þjónustu fyrir
sína skattpeninga. Það er stað-
reynd.“
Kvótakerfið komi við sögu
Willum Þór hefur trú á því að
aukinn hagvöxtur muni gera rík-
isvaldinu kleift að veita meira fjár-
magni inn í heilbrigðiskerfið á
næstu árum. Oddný vill hins vegar
breyta skattkerfinu. Segir hún að
hægt væri að leggja 15 milljarða
aukalega á sjávarútveginn í formi
veiðigjalda sem nýta mætti beint til
Landspítalans, þá sér hún fyrir sér
að lagður verði auðlegðarskattur á
eignir fólks sem eigi meira en 200
milljónir króna í hreina eign.
Létta þarf álaginu af Landspítala
- Samfylkingin leggur áherslu á opinberan heilbrigðisrekstur - Ríkisstjórnin rekur hreina vinstri-
stefnu í málaflokknum að mati þingmanns Viðreisnar - Aukið fjármagn til Landspítala sótt í veiðigjöld
Dagmál Oddný Harðardóttir, þingmaður Samfylkingarinnar, Willum Þór Þórsson, þingmaður Framsóknarflokksins, og Hanna Katrín Friðriksson, þing-
maður Viðreisnar, ræða um Landspítalann og heilbrigðiskerfið og áskoranirnar varðandi fjármögnun þess nú þegar tæpur mánuður er til kosninga.
Atvinna