Morgunblaðið - 26.08.2021, Page 32

MORGUNBLAÐIÐ FIMMTUDAGUR 26. ÁGÚST 2021
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
Önnur þeirra er mun sterkari, A týpan, og hentar á erfiðum botni.
Sú er framleidd af pólsku ríkisfyrirtæki sem sérhæfir sig í hergagnavinnslu.
Hún er vinstra megin á mynd. Hún vigtar á landi 66 kg en ryður frá sér 58 lítrum
þannig að í sjó er hún 8 kg. Málin eru: Þvermál 64,5 cm og þykkt 18 cm.
Sú hægra megin, B týpan, er betur fallin til bobbingasmíði. Hann er ódýrari enda ekki
sami styrkleiki. Málin á honum eru: Landþyngd 78 kg, ryður frá sér 55 lítrum þannig
að í sjó vigtar hann 23 kg. Hann er 60 cm í þvermál og þykkt 19,6 cm.
Hægt er að framleiða hvað stærðir, þykktir og þyngdir sem er en slíkt er ekki á lager.
Útgerðarmenn, netagerðamenn
og skipstjórar
Höfum til taks
tvær gerðir
Rock-hoppara
A & B
S. 898-5463
„Þetta er það sem koma skal“
Snorri Snorrason, skipstjóri á Pálínu Þórunni,
en hann hefur verið að nota A týpuna að undanförnu.
Gunnlaugur Snær Ólafsson
gso@mbl.is
Landssamband smábátaeigenda
(LS) hefur í bréfi vakið athygli
Landhelgisgæslu Íslands á hátt-
semi skipstjóra Hafborgar EA-152
er hann stýrði skipinu við veiðar á
Skjálfandaflóa í lok júlí. „Þegar
grannt er skoðað er ekki annað að
sjá en skipstjóri Hafborgar hafi
sýnt af sér vítavert gáleysi með
framferði sínu,“ segir í bréfinu
sem Morgunblaðið hefur undir
höndum.
Snýr málið að því er Hafborg
var á veiðum á Skjálfanda dagana
27. og 28. júlí, en þessa daga var
um tugur smábáta við handfæra-
veiðar á þessum slóðum. „Skyndi-
lega birtist þar dragnótaskipið
Hafborg EA 152, skrnr. 2940 með
dragnót aftan í sér. Þegar komið
var á staðinn þar sem smábátar
voru var engu skeytt um þá sem
þar voru á veiðum. Hafborg EA
togaði hættulega nálægt bátunum
og híft var milli þeirra án nokkurra
viðvarana,“ segir í bréfinu. Þá tel-
ur LS þessa háttsemi ekki sam-
ræmast ákvæðum laga um að haga
veiðum „í samræmi við góðar venj-
ur og kunnáttu í siglingum og sjó-
mennsku“.
Dragnót bönnuð
Bent er á að samkvæmt skrán-
ingu Hafborgar er skipið 283
brúttótonn og ætti að geta stundað
veiðar fjær landi. „Jafnframt er
notkun dragnótar við veiðar í fisk-
veiðilandhelgi Íslands bönnuð. […]
Notkun veiðarfærisins er því háð
undanþágu sem gefin er í nefndum
lögum.“
LS hefur einnig sent Landhelg-
isgæslunni myndefni vegna máls-
ins og sýnir ein myndin hvernig
skipstjóri Hafborgar dregur utan
um einn bát sem var á handfæra-
veiðum á Skjálfanda.
„Landssamband smábátaeig-
enda telur sér skylt að vekja at-
hygli Landhelgisgæslu Íslands á
framferði skipstjóra Hafborgar og
væntir þess að málefnið verði
skoðað m.t.t. slysahættu sem staf-
að getur af nálægð skipa þar sem
stærðarmunur er svo mikill sem
hér er,“ segir í niðurlagi bréfsins.
Bréfið var sent Landhelgisgæsl-
unni fyrr í þessum mánuði eftir að
skipstjórar strandveiðibáta sem
stunda veiðar á Skjálfandaflóa leit-
uðu til LS og óskuðu eftir liðsinni
varðandi það sem þeir telja óvand-
aða skipstjórn.
Atvikið varð einnig til þess að
smábátasjómenn á Húsavík fóru
þess á leit við byggðarráð Norð-
urþings að það beiti sér fyrir því
að veiðar með dragnót verði
óheimilar á Skjálfanda innan línu
sem nemur við norðurenda Flat-
eyjar í Tjörnestorfu. „Áríðandi er
að lokunin taki strax gildi út ágúst
og í framhaldinu 1. september ár
hvert fyrir hvert fiskveiðiár,“ segir
í erindi þeirra til byggðarráðs.
Siglfirðingar slást í hópinn
Við þetta bætist að félagar í
Kletti, svæðisfélagi LS á Siglufirði
og Tjörnesi, hafa sent Áslaugu Eiri
Hólmgeirsdóttur, skrifstofustjóra
sjávarútvegsmála í atvinnu- og ný-
sköpunarráðuneytinu, bréf vegna
málsins og taka félagsmenn Kletts
undir hugmyndir um bann við
dragnótaveiðum á umræddri veiði-
slóð. „Veiðislóðin sem veiðarfærinu
er nú beitt á er viðkvæm og þolir
ekki þá ágengni sem beitt er með
nútímadragnót sniðinni fyrir bol-
fiskveiðar,“ segir í bréfinu frá
Kletti sem Morgunblaðið hefur
einnig undir höndum.
Telja talsmenn fyrirtækisins
dæmi liggja fyrir um alvarlegar af-
leiðingar notkunar dragnótar á
svæðum með staðbundinn bolfisk
og fullyrða að steinbítur á grunn-
slóð suður af Stöðvarfirði hafi ver-
ið „þurrkaður upp með dragnót
stórskipa frá Hornafirði“ auk þess
sem ýsustofninn á Skjálfanda er
sagður hafa verið „stórlega skað-
aður með veiðunum. Með áfram-
haldandi skarki dragnótar á svæð-
inu má gera ráð fyrir að sama bíði
staðbundinna stofna, þorsks, ýsu
og steinbíts.“
Þá kveðst Klettur hafna „algjör-
lega þeirri staðhæfingu sem komin
er frá Hafrannsóknastofnun að
engu skiptir hvaða veiðarfæri er
beitt við veiðar þegar litið er til
sjálfbærra veiða. Vakin er athygli
á að fiskurinn hefur val um að bíta
á krókana, en í dragnótina hefur
hann ekkert val, smalað saman
þannig að ekkert sleppur á svæð-
inu.“ Er fullyrt að stórvirk tog-
veiðafæri eigi ekki erindi í bolfisk-
veiðar á grunnslóð.
Saka skipstjóra um vítavert gáleysi
- Skipstjóri Hafborgar EA hefur verið tilkynntur til Landhelgisgæslu Íslands - Smábátasjómenn
segja ótækt að notuð séu stórvirk veiðarfæri á grunnslóð - Telja dragnótaveiðar á Skjálfanda óheimilar
Morgunblaðið/Sigurður Bogi
Fiskveiðar Skipið Hafborg, smíðað 2017, er gert út frá Grímsey og var að veiðum í Skjálfanda í lok júlí.
Skjáskot Á myndbandi sem sent hefur verið Morgunblaðinu og Landhelg-
isgæslunni sést hvernig skipið togar nálægt handfærabátum.
Skagaströnd | Strandveiðikarlar á
Skagaströnd eru nokkuð sáttir við
sumarið. Þeir eru þó sammála um að
það þurfi að auka kvótann svo hann
dugi til að tryggja mönnum 12 veiði-
daga í hverjum mánuði. 34 bátar lögðu
upp strandveiðiafla á Skagaströnd í
sumar, mismikinn að sjálfsögðu enda
ekki jafn margir róðrar hjá öllum.
Samtals lönduðu þessir bátar 609
tonnum, sem eru um það bil 5% af
heildarkvóta sumarsins. Skagaströnd
er á veiðisvæði B en á því svæði voru
gerðir út samtals 145 bátar sem veiddu
samtals 2.560 tonn á tímabilinu þannig
að milli 23 og 24 prósent af heildarafla
svæðisins fengu þessir 34 bátar sem
gerðir voru út frá Skagaströnd.
Strandveiðibátarnir liggja nú
bundnir við bryggju því ekki má nota
þá fyrr en eftir 1. september, á nýju
kvótaári. Aftur á móti róa nú línubát-
arnir af krafti eftir að strandveiðum er
lokið og veðja á að verðið á mörk-
uðunum muni hækka með minnkandi
framboði á fiski.
Morgunblaðið/Ólafur Bernódusson
Strandveiðibátar Komnir í höfn.
Góður afli
strandveiði-
bátanna