Morgunblaðið - 26.08.2021, Síða 56

MORGUNBLAÐIÐ FIMMTUDAGUR 26. ÁGÚST 2021
N Ý F O R M
H Ú S G A G N A V E R S L U N
Strandgötu 24 | 220 Hafnarfjörður | Sími 565 4100 | nyform.is
Mikið úrval af HVÍLDARST
með og án rafmagns lyftibú
Komið og
skoðið úrvalið
ÓLUM
naði
Rósa Margrét Tryggvadóttir
rosa@mbl
„Morðcastið er hlaðvarp þar sem ég og Bylgja systir mín ræðum íslensk og
erlend sakamál á léttum nótum.
Þegar ég byrjaði með hlaðvarpið á sínum tíma þá var það einfaldlega
vegna þess að þá var ekkert íslenskt hlaðvarp að fjalla um þessi mál og
mér fannst það vanta,“ segir Unnur Borgþórsdóttir, hlaðvarpsstjórnandi í
glæpahlaðvarpinu Morðcastinu, spurð um eigin hlaðvarp. Hún segist alltaf
hafa verið mjög forvitin og haft mikinn áhuga á sannsögulegum glæpum
þrátt fyrir að þeir mættu svo sannarlega vera færri. Hún hlustar þó ekki
aðeins á glæpahlaðvörp en hún gaf K100 álit á sínum uppáhaldshlaðvörp-
um.
Grænkerið
Farið yfir ýmis málefni tengd veganisma.
Það þyrftu allir að hlusta því það er kominn tími til að
við áttum okkur öll á því að minna kjötát og meiri veg-
anismi þýðir að við björgum mögulega þessari jörð sem
við lifum á.
My Dad Wrote A Porno
Hræðilega fyndið hlaðvarp þar sem sonur les upp eró-
tískar bækur sem skrifaðar eru af öldruðum föður hans.
Fullkomið til að hlusta á þegar þú þarft bara að sóna út
og hlæja að fáránleikanum.
This American Life
Ýmis skemmtilegur, fánýtur og fjölbreyttur fróðleikur
um allt á milli himins og jarðar, allt unnið á gríðarlega
faglegan máta.
Oft kafað ofan í hluti sem þú hefðir ekki getað ímynd-
að þér.
Karlmennskan
Feminískt hlaðvarp þar sem farið er yfir ýmis málefni.
Þorsteinn V. Einarsson er vel lesinn og hefur greini-
lega velt málunum vel fyrir sér svo það er virkilega
gaman og gott að hlusta á hann.
Heimskviður
Fréttaflutningaþáttur þar sem kafað er djúpt ofan í
mikilvæg mál líðandi stundar.
Gert á virkilega fagmannlegan hátt en rýnt er ofan í
oft átakanleg málefni sem skipta miklu máli.
Unnur nefndi einnig nokkur önnur hlaðvörp sem eru í
uppáhaldi hjá henni en þau voru Í ljósi sögunnar með Veru Illugadóttur,
Piparinn með Vigdísi Diljá og Pitturinn með Kristjáni Einari og Braga
Þórðasyni.
„Þetta er auðvitað fyrir utan öll sakamálin og almenna viðbjóðinn sem
ég hlusta á alla daga og ég gæti haldið áfram að telja upp frábær hlaðvörp,
en ég læt þetta duga í bili,“ sagði Unnur að lokum.
Áhugaverð hlaðvörp:
Vinsæl Unnur er með hlaðvarpið Morðcastið.
Unnur Borgþórs-
dóttir er stjórnandi
í vinsæla hlaðvarp-
inu Morðcastinu.
K100 fékk hana til
að gefa lesendum
álit á hennar uppá-
haldshlaðvörpum.
Unnur Borgþórsdóttir í Morðcastinu gefur álit
LAUGAVEGI 24 - REYKJAVÍK - S. 552 0800
SKIPAGÖTU 7 - AKUREYRI - S. 462 4646
Rósa Margrét Tryggvadóttir
rosa@mbl.is
Katrín Ýr tónlistarkona er búsett
í London þar sem allt er nú opið
og nánast engar takmarkanir við
lýði vegna Covid-19. Má segja að
það sé gríðarleg breyting frá því
sem áður var en takmarkanir
voru afar harðar lengst af í Eng-
landi þar sem meðal annars var í
gildi útgöngubann. Hún ræddi
um lífið í London við morgun-
þáttinn Ísland vaknar í gærmorg-
un en hún er sjálf guðslifandi
fegin að fá loks að mæta aftur í
vinnuna.
Fólk enn með grímu
„Fólk er alveg efins með að vera
að fara hingað og þangað, en fólk
ferðast minna, og ferðast meira
innanlands en að fara utan. En það
er allt að komast í eðlilegt horf. Það
er ekki lengur grímuskylda en
hérna er fólk ennþá með grímu og
ennþá að passa sig,“ sagði Katrín
Ýr og bætti við að allt væri nú að
komast í eðlilegt horf aftur.
Best að fá að fara í vinnuna
Hún jánkar því að það sé mjög
skrítið að fara aftur að lifa eðlilegu
lífi eftir þessar hörðu aðgerðir.
„Það besta við þetta allt – alla-
vega fyrir mig þar sem ég vinn sem
söngkona – er að ég fékk að fara
aftur í vinnuna. Í fyrsta brúðkaup-
inu sem ég spilaði í fékk maður tár
í augun við að sjá fólk saman og að
skemmta sér. Og að fá að lifa lífinu
eðlilega í smá stund,“ sagði Katrín
Ýr.
„Þetta var rosalega erfitt tímabil,
að mega ekki fara út úr húsi. Ég og
maðurinn minn máttum ekki fara
saman út í búð. Bara einn í einu. Þú
máttir fara út að ganga í hálftíma
en svo var það búið,“ sagði hún.
„Ég er rosaleg félagsvera þannig
að þetta var mjög erfitt. Að fá að
vera í kringum fólk aftur er best í
heimi,“ sagði hún.
Mikið af brúðkaupum
Margt er nú á döfinni hjá söng-
konunni sem segir að svakalega
mikið hafi verið að gera hjá henni
síðustu tvær vikur.
„Ég hef spilað mjög, mjög mikið í
brúðkaupum. Ég held að það séu
margir sem vilja ekki færa brúð-
kaupið sitt yfir á næsta ár, þannig
að ég er að spila á mánudögum og
miðvikudögum í risastórum brúð-
kaupum og partíum sem er geggj-
að,“ sagði Katrín sem einnig vinnur
nú að jólalagi sem hún vonar að
verði komið út fyrir jól. Hún kveðst
hafa verið að skoða það að vera
með jólatónleika á Íslandi en ekk-
ert hafi orðið úr af afar skiljanlegri
ástæðu:
Gleðifréttir!
„Ég er kannski ekki búin að
segja öllum sem ég þekki, er ekki
bara gott að heyra þetta í útvarp-
inu? En ég á von á barni í janúar,“
sagði Katrín og hló. „Þannig að
jólatónleikarnir þurfa að fá að bíða
í eitt ár í viðbót.“
Glöð Katrín Ýr er hæstánægð með frelsið í London eftir að takmörkunum þar var aflétt en nú getur hún loks sinnt
vinnu sinni sem söngkona að fullu. Hún segir sérstaklega mikið vera um verkefni í brúðkaupum þessa stundina.
Fékk tár í augun á
fyrsta vinnudeginum
Söngkonan Katrín Ýr nýtur lífsins í London þar sem lífið er orðið nánast eðli-
legt aftur þrátt fyrir veirufaraldur og tónlistarfólk er komið á fullt í vinnu á ný.