Morgunblaðið - 08.11.2021, Blaðsíða 2

2 FRÉTTIR
Innlent
MORGUNBLAÐIÐ MÁNUDAGUR 8. NÓVEMBER 2021
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Andrés Magnússon andres@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson
menning@mbl.is Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
GOLF OG SKEMMTUN Á EL PLANTIO
WWW.UU.IS HLÍÐASMÁRI 19, 201 KÓPAVOGUR SÍMI 585-4000 GOLF@UU.IS
MEÐ ÁRNA FREYR HALLGRÍMSSYNI
NÝTT Á UU.IS
Skemmtiferð fyrir þá sem finnst skemmtilegt að golfa
eða langar að læra golf í skemmtilegum stemmara,
sama á hvaða reynslustigi þeir eru. Kennsla fyrir þá
sem vilja læra og ótakmarkað golf fyrir alla. Fókusinn
er fyrst og fremst að það sé skemmtilegt.
Dvalið verður á El Plantio og allar unaðssemdir
Alicante-borgar aðgengilegar eftir hentugleika undir
leiðsögn fararstjóra.
Árni Freyr hefur verið með golfkennslu í mörg ár. Hann
er alinn upp á grafarholtsvelli frá 10 ára aldri. Hann
var í afreksstarfi Golfklúbbs Reykjavíkur og uppáhalds
áfangastaður hans fyrir golfið er alltaf Spánn.
BEINT FLUG
INNRITUÐ TASKA 20 KG. OG HANDFARANGUR
GISTING Á EL PLANTIO Í 7 NÆTUR
FLUTNINGUR Á GOLFSETTI
AKSTUR TIL OG FRÁ FLUGVELLI
AF NOT AF GOLFBÍL
VAL UM MORGUNVERÐ EÐA HÁLFT FÆÐI
ÍSLENSK FARARSTJÓRN
GOLF ALLA DAGA
GOLFKENNSLA (3 X 30 MÍN.)
23. - 30. NÓVEMBER | 8 DAGA FERÐ
VERÐ FRÁ 199.900 KR.
Á MANN M.V. 4 FULLORÐNA
VERÐ FRÁ 209.900 KR. Á MANN M.V. 2 FULLORÐNA
Árni Freyr
Hallgrímsson
Sigurður Bogi Sævarsson
sbs@mbl.is
Forystufólk ríkisstjórnarflokkanna
mætti sporlétt og brosandi til fundar
í Ráðherrabústaðnum við Tjarnar-
götu í Reykjavík í gær, þar sem við-
ræðum um áframhaldandi stjórnar-
samstarf var haldið áfram. Þau vildu
þó ekkert gefa upp hvaða mál yrði
rædd né hvort á einhverju sérstöku
steytti. Sögðu aðeins að gangur við-
ræðna væri góður og að ný ríkis-
stjórn verði væntanlega kynnt á
allra næstu dögum. Hvenær ná-
kvæmlega ráðist meðal annars af því
hvenær mál viðvíkjandi talningu at-
kvæða í Norðvesturkjördæmi verða
leidd til lykta.
Katrín kom fótgangandi
„Mikið er veðrið fallegt,“ sagði
Sigurður Ingi Jóhannsson, formaður
Framsóknarfokksins, þegar hann
mætti til fundarins, sposkur á svip.
Hann kom á staðinn akandi með
einkabílstjóra sínum, en Katrín Jak-
obsdóttir, formaður VG og forsætis-
ráðherra, kom fótgangandi til fundar
frá heimili sínu í Vesturbænum.
Katrín gerði raunar góðlátlega at-
hugasemd við að jeppi samgöngu-
ráðherra væri skilinn eftir í meng-
andi lausagangi – og fyrir þau orð
drap bílstjórinn snarlega á vélinni.
„Ég er alltaf að skipta mér af,“
sagði forsætisráðherra og hló.
Síðastur kom Bjarni Benediktsson
fjármálaráðherra, akandi á sínum
bíl. „Ég er bjartsýnn á að við ljúkum
senn þessum viðræðum og flokkarn-
ir starfi áfram,“ sagði Bjarni.
Breytingar fylgi nýrri stjórn
Í eðli stjórnarmyndunarviðræðna
liggur að þær eru flóknar og vanda-
samar. „Maður þarf að lesa alls kon-
ar skýrslur, álitsgerðir, fá nýjar upp-
lýsingar og skrifa niður
minnispunkta. Í töskunni minni eru
pappírar af ýmsum toga,“ sagði Sig-
urður Ingi Jóhannsson. „Við höfum
einnig talað við marga vegna áfram-
haldandi samstarfs, en eftir fjögurra
ára samstarf sem um margt hefur
skilað góðum árangri er myndin ann-
ars nokkuð skýr. Stóra áskorunin
fram undan eru efnahagsmálin, en
við sjáum alveg að þjóðin geti vaxið
út úr Covid-kreppunni.“
Aðspurður segir Sigurður Ingi að
hugsanleg ný skipan verkefna ráðu-
neyta og skipting þeirra milli flokk-
anna hafi verið rædd meðal forystu-
manna að undanförnu.
„Slíkt gerum við til að undirstrika
þær breytingar sem við viljum gera
með nýrri ríkistjórn.“
Bjarni hugsanlega áfram
í fjármálaráðuneytinu
Katrín Jakobsdóttir segir líkt og
Sigurður Ingi að margt við myndun
ríkisstjórnar kalli á yfirlegu og ítar-
legar upplýsingar. „Þegar ákveðið er
að halda samstarfi í ríkisstjórn
áfram kallar slíkt jafnvel á að farið
sé dýpra í hlutina en var í upphafi.
Ríkisbúskapurinn og staða efna-
hagsmála eru ramminn sem þarf að
fylla í viðræðunum núna. Horfurnar
á næstunni eru bjartar, en svo skipt-
ir líka að máli að sjá fyrir hver stað-
an kann að verða þegar komið er
lengra inn í kjörtímabilið,“ segir
Katrín sem bætir við að þegar
skýrslulestri vegna stjórnarmynd-
unar sleppi sé hún með glæpasögur í
takinu.
„Já, mér finnst ágætt að vera með
þannig bækur í takinu, lesa þær til
þess að geta séð út plott og fléttur úr
langri fjarlægð,“ sagði Katrín og hló.
Sem fyrr segir hefur skipting
ráðuneyta milli stjórnarflokkanna
aðeins verið rædd, en ekki ákveðin.
„Það kemur vel til greina að ég verði
áfram í fjármálaráðuneytinu. Ég
þarf bara að hugsa slíkt mjög vand-
lega,“ sagði Bjarni Benediktsson
spurður um sína stöðu í væntanlegri
nýrri stjórn.
Glæpasögur lesnar
og jeppi í lausagangi
- Fundað er stíft - Efnahagsmál í brennidepli - Skýr mynd
Morgunblaðið/Sigurður Bogi
Stjórnarmyndun Sigurður Ingi Jóhannsson og Katrín Jakobsdóttir voru
brosandi en ögn þreytuleg að sjá við upphaf viðræðna í gærdag.
Félag íslenskra atvinnuflugmanna
(FÍA) hefur lýst yfir áhyggjum af
stöðu flugmanna Landhelgisgæslunn-
ar sem hafa verið án samnings í tvö ár
eða frá áramótum 2019-2020.
Að sögn Sonju
Bjarnadóttur, lög-
fræðings FÍA,
stranda samning-
ar ekki á kaupum
og kjörum heldur
á flugöryggi; að
samninganefnd
ríkisins vilji af-
nema starfsald-
urslista – „sem er
eitt rótgrónasta
úrræði flugrek-
enda og flugmanna til að tryggja flug-
öryggi og er ein af burðarsúlum heil-
brigðrar öryggismenningar,“ segir
Sonja í samtali við Morgunblaðið.
Starfsaldurslistar tryggja fram-
gang flugmanna og starfsöryggi
þeirra svo einungis öryggissjónarmið
séu fyrir augum þegar teknar eru
ákvarðanir um hvernig flugi skuli
háttað.
Máli sínu til stuðnings bendir ríkið á
gerðardóm sem felldur var varðandi
kjarasamninga flugvirkja. Sonja
bendir á að stéttirnar séu með öllu
óskyldar og að starfsaldurslistar flug-
manna byggi á öðrum forsendum en
annarra stétta, það er að þeir byggi á
forsendum flugöryggis.
„Með afnámi starfsaldurslista er
flugöryggi beinlínis stefnt í hættu.
Fátt er mikilvægara í björgunarflugi
en sterk öryggismenning og starfsald-
urslistar tryggja að flugmenn treysti
sér til að taka erfiðar ákvarðanir á ög-
urstundum. Starfsaldurslisti ver flug-
menn svo þeir geti tekið sjálfstæðar
ákvarðanir út frá flugöryggi. Við hljót-
um öll að vera sammála um að flug-
öryggi er aldrei mikilvægara en þegar
kemur að flugmönnum Landhelgis-
gæslunnar sem fljúga í aðstæðum sem
enginn annar flýgur í, leggja líf sitt í
hættu við björgunaraðgerðir á landi og
sjó,“ segir Sonja.
Þá segir hún að flugmenn og flug-
félög um allan heim viðurkenni starfs-
aldurslista sem eitt mikilvægasta at-
riðið til að tryggja flugöryggi. Þeir
halda utan um flugmanninn við erfiðar
ákvarðanir og tryggja að sanngirnis-
menning (e. just culture) sé viðhöfð –
en hún er fest í lögum hér á landi sem
og víðar. Þannig er tryggt að flugmenn
geti til dæmis tilkynnt um atvik, svo
hægt sé að læra af þeim eða lagfæra,
án ótta við refsingu. karitas@mbl.is
Ágreiningur um
starfsaldurslista
- Ríkið bendir á gerðardóm flugvirkja
Sonja
Bjarnadóttir
Steinar Ingi Kolbeins
steinar@mbl.is
Skammtímaverð Landsvirkjunar á
raforku á heildsölumarkaði hefur
verið hækkað. Fram kemur í til-
kynningu frá fyrirtækinu að hækk-
uninni sé ætlað að stuðla að jafn-
vægi á milli framboðs og
eftirspurnar eftir rafmagni.
Tinna Traustadóttir, fram-
kvæmdastjóri sölu og þjónustu hjá
Landsvirkjun, segir í samtali við
Morgunblaðið að um sé að ræða
samspil markaðslögmálanna sem
útskýri þessa hækkun.
„Verðlagning raforku á hverjum
tíma fer eftir stöðunni í kerfinu hjá
okkur, þ.e. framboðs- og eftirspurn-
arhliðin. Nú í heimsfaraldrinum var
einfaldlega minni raforkunotkun og
þar af leiðandi hagstæðara verð á
raforku í heildsölu og skamm-
tímasölu til stórnotenda. Svo erum
við með framboðshliðina en þar sem
við búum við lokað raforkukerfi sem
treystir á endurnýjanlega orkugjafa
þá er þetta einfaldlega þannig að við
erum háð því hvernig staðan er í
lónunum hjá okkur.“
Tinna segir gripið til þessarar
hækkunar í ljósi þess að innrennsli
á vatnasvæðum Landsvirkjunar
hefur verið undir meðallagi í októ-
ber. Á sama tíma hefur verið nánast
full nýting á vinnslukerfi fyrir-
tækisins.
Tinna bendir á að Landsvirkjun
hafi reiknað saman að áhrif hækk-
unarinnar á raforkureikning heim-
ilanna séu „óveruleg“, eða um 1-2%.
Örar verðbreytingar
Meirihluti þeirrar raforku sem
Landsvirkjun framleiðir, eða um
80%, fer beint til stórnotenda, svo
sem stóriðjufyrirtækja. Sú raforka
sem síðan fer til fyrirtækja og heim-
ila í landinu er selt frá Landsvirkjun
til sölufyrirtækja, Orku náttúrunnar
og HS orku svo dæmi séu tekin.
Tinna bendir þó á að mikil
framþróun sé í samkeppnisumhverfi
á raforkumarkaði hér á landi og
Landsvirkjun sé í takt við þá þróun.
„Við erum að reyna að vera í takt
við það með næmari og örari verð-
breytingum. Þessi hækkun er því
ekki nýtt lögmál, þetta er bara til
stöðugrar endurskoðunar.“
Morgunblaðið/Sigurður Bogi
Sigalda Lítið vatn hefur verið í lónum Landsvirkjunar undanfarið.
Verð hjá Lands-
virkjun hækkar
- Markaðslögmálin valda hækkun