Morgunblaðið - 08.11.2021, Blaðsíða 32

Steinþór Guðbjartsson
steinthor@mbl.is
Hjónin Aníta Aðalsteinsdóttir og
Nick Watkins, sem á ættir að rekja til
Danmerkur og Englands, auk Fann-
ars, bróður Anítu, eiga og reka lík-
amsræktarstöðina Kraftvrk á Amag-
er í Kaupmannahöfn og þangað mæta
margir Íslendingar reglulega auk
annarra. „Reksturinn hefur gengið
mjög vel og þetta er skemmtileg
vinna enda leggjum við mikið upp úr
góðu andrúmslofti, persónulegum
kynnum og eigum til dæmis góðar
stundir saman með viðskiptavinum
utan stöðvarinnar,“ segir Aníta.
Foreldrar systkinanna fluttu með
þau til Danmerkur árið 2000. Eldri
bróðir Anítu og Fannars varð eftir
heima og eldri systir þeirra bjó þegar
í Kaupmannahöfn. Þá var Aníta 16
ára og Fannar 13 ára. Þau hófu rekst-
urinn haustið 2011. Til að byrja með
var stöðin útibú frá BootCamp á Ís-
landi, en þau hafa verið með sjálf-
stæðan rekstur undanfarin fimm ár.
„Í heimsókn á Íslandi sáum við að í
Kaupmannahöfn vantaði stöð með að-
stöðu fyrir „crossfit“-æfingar, Nick
er einkaþjálfari og í stað þess að nota
sparnaðinn í kaup á nýjum bíl settum
við peninginn í líkamsræktina og
sjáum ekki eftir því.“ Aníta bætir við
að Fannar útskrifist sem kírópraktor
innan skamms og þau systkinin hafi
farið á mörg námskeið til að geta
veitt sem besta þjónustu. „Ég hef
alltaf hreyft mig mikið og hef alger-
lega fallið fyrir líkamsræktinni, sem
við bjóðum upp á.“
Styrkur frá stjórnvöldum í faraldr-
inum hefur gert þeim mögulegt að
halda dampi. „Það hefur aldrei verið
eins mikið að gera og eftir að slakað
var á öllum takmörkunum vegna
veirunnar í haust,“ heldur Aníta
áfram.
Ganga í öll störf
Stunda má æfingar í Kraftvrk frá
klukkan fimm á morgnana til klukkan
23 á kvöldin, en skipulagðir hóptímar
eru frá klukkan 06:15 til klukkan 9 og
frá kl. 15 til 20. Eigendurnir ganga í
öll störf og eru að auki með fimm til
sex starfsmenn og þar af þrjá í fullu
starfi. „Fannar kennir mikið, en við
hjónin erum meira í skrifstofuvinn-
unni og því sem snýr að rekstrinum.“
Aníta segir mikilvægt að hafa ekki
fleiri en 16 þátttakendur í hverjum
tíma svo allir hafi sitt rými í annars
góðum og samhentum hópi. „Ég æfi
sjálf fjórum til fimm sinnum á viku og
er þá í hóptímum, því okkur finnst
mikilvægt að vera hluti af æf-
ingahópnum, jafnt sem kennarar og
iðkendur. Markmiðið með stöðinni
hefur alltaf verið að bjóða upp á per-
sónulegan stað, þar sem allir séu jafn-
ir. Við eigendurnir viljum vera vel
sjáanlegir á gólfinu og á bak við
tölvuskjáina. Starfsmenn og iðkendur
eru ein heild.“
Aníta segir að mikil samkeppni sé
á milli líkamsræktarstöðva en líka
samvinna hjá þeim minni. Stóru keðj-
urnar hafi meiri peninga og geti í
krafti auðsins haldið verðinu niðri en
litlu æfingastöðvarnar vinni saman á
ýmsum sviðum til þess að hagræða
sem best og halda starfinu vel gang-
andi. „Við styðjum hvert annað og
hjálpumst að þar sem við getum.“
Hjá Kraftvrk sé aðalatriðið að allir
finni að þeir séu velkomnir og hluti af
hópnum. „Við erum sem ein fjöl-
skylda, tökum vel á móti öllum, heils-
umst og kveðjumst með bros á vör.“
Ræktin frekar en nýr bíll
- Reka líkamsræktarstöð á Amager í Kaupmannahöfn
Í Kaupmannahöfn Hjónin Aníta Aðalsteinsdóttir og Nick Watkins.
Í Kraftvrk Fannar Aðalsteinsson sinnir kennslu í líkamsræktarstöðinni.
Anna Sigríður
Helgadóttir söng-
kona kemur í
Borgarbókasafn-
ið, Menningarhúsi
Árbæjar, í dag,
mánudag, kl. 17
og syngur hún
eins og henni er
einni lagið. Henni
til fulltingis verð-
ur Aðalheiður Þorsteinsdóttir píanóleikari. „Anna Sig-
ríður er þekkt fyrir skemmtilega framkomu og það er
aldrei nein lognmolla í kringum hana. Sungin verða
kunnugleg lög og texta verður varpað á skjá svo allir
geta sungið með. Verið velkomin á safnið og takið þátt í
að syngja skemmtileg lög í góðum hópi. Allir geta tekið
þátt, ungir og gamlir og hver syngur með sínu nefi,“
segir í tilkynningu. Þar kemur fram að að sjálfsögðu
verða sóttvarnareglur í heiðri hafðar. Einnig kemur
fram að söngstundin taki um 45 mínútur. Ekki er nauð-
synlegt að skrá sig fyrir fram.
Syngjum saman með Önnu Siggu
Töfrar eldhússins
byrja með Eirvík
Eldhúsið er ekki bara herbergi,
heldur upplifun
Hvort sem þú leitar að innbyggðum heimilistækjum
gæddum nýjustu tækni, rómantískri eldavél í sumar-
bústaðinn, litríkum matvinnslutækjum í eldhúsið eða
nýrri fallegri innréttingu erum við með frábæra valkosti
fyrir þig. Vöruúrval Eirvíkur er afar fjölbreytt og ættu
allir að geta fundið eitthvað við sitt hæfi. Af hverju
að vera eins og allir hinir - þegar maður getur verið
einstakur!
Eirvík Suðurlandsbraut 20, Reykjavík,
sími 588 0200, eirvik.is.
Opnunartími mán.-fös. kl. 10-17.30, lau. kl. 11-15
MÁNUDAGUR 8. NÓVEMBER 312. DAGUR ÁRSINS 2021
Sími: 569 1100
Ritstjórn: ritstjorn@mbl.is Auglýsingar: augl@mbl.is
Áskrift: askrift@mbl.is mbl.is: netfrett@mbl.is
Í lausasölu 739 kr.
Áskrift 7.982 kr. Helgaráskrift 4.982 kr.
PDF á mbl.is 7.077 kr. iPad-áskrift 7.077 kr.
Morgan Marie Þorkelsdóttir var markahæst í liði Vals
sem vann 25:24-útisigur á Fram í Olísdeildinni í hand-
bolta á laugardag. Morgan lék ekki í handbolta í tvö ár
vegna meiðsla, en það var ekki að sjá í Safamýrinni þar
sem hún fór á kostum í toppslagnum. Valskonur eru
með fullt hús stiga eftir fimm leiki.
„Ég spilaði síðasta tímabilið mitt meidd í mjóbakinu.
Ég var komin með ógeð af því að vera alltaf verkjuð, svo
ég fór að einbeita mér að skólanum og öðrum hlutum,“
sagði Morgan m.a. í samtali við Morgunblaðið. »26
Mætt aftur á völlinn eftir
tveggja ára fjarveru
ÍÞRÓTTIR MENNING