Morgunblaðið - 08.11.2021, Blaðsíða 12

12 FRÉTTIR
Viðskipti | Atvinnulíf
MORGUNBLAÐIÐ MÁNUDAGUR 8. NÓVEMBER 2021
Rafstilling ehf
Dugguvogi 23, 104 Reykjavík, sími 581 4991, rafstilling@rafstilling.is
Opið mán.-fim. kl. 8-17, fös. kl. 8-14
Hröð og góð þjónusta um allt land
Áratuga
reynsla
Startar bíllinn ekki?
Við hjá Rafstillingu leysum málið
STUTT
« Icelandair Group hefur ráðið Jens
Bjarnason sem framkvæmdastjóra
rekstrarsviðs. Jafnframt hefur Heiða
Njóla Guðbrandsdóttir verið ráðin að-
stoðarframkvæmdastjóri rekstrarsviðs.
Í tilkynningu frá félaginu kemur fram
að Jens var áður framkvæmdastjóri
rekstrarsviðs Icelandair frá 2015 til
2018 og hefur hann auk þess sinnt
ýmsum verkefnum hjá Icelandair
Group.
Jens hóf störf hjá verkfræðideild Ice-
landair árið 1985 og var um skeið fram-
kvæmdastjóri loftferðaeftirlits Flug-
málastjórnar. Frá 1996 til 2005 var
hann flugrekstrarstjóri Icelandair, en
frá 2005 til 2011 framkvæmdastjóri
tækniþjónustu Icelandair. Loks var
hann forstöðumaður flugrekstrar- og
tæknimála hjá IATA í Montreal frá 2011
til 2015. Jens er með doktorsgráðu í
verkfræði frá Northwestern University.
Heiða Njóla hefur starfað hjá Ice-
landair Group frá 2016, sem verk-
efnastjóri og síðar deildarstjóri verk-
efnastofu rekstrarsviðs. Hún starfaði
áður hjá Marorku og Rio Tinto Alcan.
Hún er með MSc-gráðu í fjármálaverk-
fræði frá Háskólanum í Reykjavík.
ai@mbl.is
Jens Bjarnason gerður
framkvæmdastjóri
rekstrarsviðs
Jens
Bjarnason
Heiða Njóla
Guðbrandsdóttir
Frumkvöðullinn og milljarðamær-
ingurinn Elon Musk vakti mikla at-
hygli í netheimum um helgina þegar
hann spurði notendur Twitter hvort
hann ætti að selja 10% af eignarhlut
sínum í rafbílaframleiðandanum
Tesla.
Musk setti spurninguna fram í
formi atkvæðagreiðslu og síðdegis á
sunnudag höfðu meira en 3,5 millj-
ónir manna tekið þátt. Lét Musk
það fylgja með að hann hygðist
fylgja niðurstöðum atkvæðagreiðsl-
unnar.
Lauk kosningu á sunnudagskvöld
með því að 57,9% sögðu Musk að
selja, á meðan 42,1% ráðlagði hon-
um frá því.
Samkvæmt útreikningum Reu-
ters eru 10% af hlut Musks í Tesla
um 21 milljarðs dala virði, miðað við
gengi hlutabréfa fyrirtækisins við
lokun markaða á föstudag. Samtals
á Musk nærri því fjórðungshlut í
bílaframleiðandanum ef kaupréttar-
samningar eru taldir með.
Tilefnið fyrir útspili Musks er
m.a. að þingmenn Demókrata-
flokksins vilja breyta lögum í þá
veru að hægt verði að skattleggja
óinnleystan hagnað af verðbréfa-
eign. Hafa kjörnir fulltrúar líkt því
við skattaundanskot að auðmenn
greiði ekki skatta af verðmætum
verðbréfasöfnum sínum fyrr en þau
eru seld. Þá telja talsmenn laga-
breytingarinnar að hækka þurfi
skattbyrði bandarískra auðmanna
til að standa straum af kostnaðinum
af stefnumálum Joe Biden á sviði
samfélags- og loftslagsmála.
Tísti Musk að þar sem hann þigg-
ur hvorki laun né bónusa frá fyr-
irtækjum sínum geti hann ekki
greitt skatta af óinnleystum hagn-
aði öðruvísi en með því að selja
hluta af hlutabréfum sínum.
Reuters hefur eftir markaðs-
greinendum að Musk muni hvort eð
er þurfa að selja eitthvað af hluta-
bréfum sínum í Tesla til að borga
skatta af hagnaði sem gefa þarf upp
skv. núverandi skattareglum vegna
kaupréttarsamninga sem hann á
enn eftir að nýta og renna út á
næsta ári. ai@mbl.is
Fól netverjum að ákveða
sölu á stórum hlut í Tesla
- Rösklega 3,5 milljónir manns kusu um meiri háttar viðskiptaákvörðun Musks
- Útspil ríkasta manns heims beinir kastljósinu að mögulegum skattabreytingum
AFP
Teningakast Rétt rúmlega helmingur þátttakenda í netkosningunni ráð-
lagði hinum uppátækjasama Musk að selja hluta af verðbréfaeign sinni.
Helstu hlutabréfavísitölur Banda-
ríkjanna slógu ný met við lokun
markaða á föstudag. Bæði S&P 500-,
Nasdaq- og Dow Jones-vísitölurnar
hafa núna hækkað í fimm vikur sam-
fleytt og aldrei mælst hærri.
Á föstudag hækkuðu vísitölurnar
um 0,2 til 0,56%. Endaði Dow Jones í
36.327,95 stigum, S&P 500 í 4.697,53
stigum og Nasdaq í 15.971,59 stig-
um. Yfir vikuna hækkaði Dow Jones
um 1,42%, Nasdaq um 3,05% og S&P
500 um 2%, að því er Reuters greinir
frá.
Er bjartsýnin á mörkuðum eink-
um rakin til þess að vinnumarkaðs-
tölur voru umfram væntingar og
fjölgaði um 531.000 manns á banda-
rískum vinnumarkaði í október, ef
störf í landbúnaði eru undanskilin.
Atvinnuleysi fór úr 4,8% niður í 4,6%
og tímakaup launþega hækkaði að
jafnaði um 0,4% á milli mánaða en
mældist 4,9% hærra en á sama tíma í
fyrra.
Það hjálpaði líka til að gera fjár-
festa bratta að lyfjaframleiðandinn
Pfizer kynnti niðurstöður rannsókna
sem sýna að nýtt veirulyf fyrirtækis-
ins minnkar líkurnar á sjúkrahúsvist
og andláti vegna kórónuveirusmits
um 89%. Urðu tíðindin til þess að
hlutabréfaverð Pfizer hækkaði um
11%.
Vega þessar góðu fréttir á móti
þeirri ákvörðun bandaríska seðla-
bankans fyrr í síðustu viku að draga
smám saman úr örvunaraðgerðum
sínum á skuldabréfamarkaði.
Ætti ekki að koma á óvart að
hlutafélög fyrirtækja í ferðaþjón-
ustugeira hækkuðu töluvert vegna
frétta af árangri Pfizer. Flugfélaga-
vísitala S&P 1500 styrktist um 7% og
skemmtiferðaskipaútgerðirnar Ro-
yal Carribbean og Norwegian hækk-
uðu um á bilinu 8 til 9%. ai@mbl.is
Kórónuveirulyf og vinnumarkaðstölur
ýttu vísitölum upp í hæstu hæðir
Grænt Mikil bjartsýni virðist hafa gripið um sig í bandarískum kauphöllum.
AFP
- Ferðaþjónustu-
fyrirtæki nutu góðs af8. nóvember 2021
Gengi Kaup Sala Mið
Dollari 130.39
Sterlingspund 175.59
Kanadadalur 104.73
Dönsk króna 20.195
Norsk króna 15.189
Sænsk króna 15.167
Svissn. franki 142.24
Japanskt jen 1.1468
SDR 183.49
Evra 150.2
Meðalgengi/Viðskiptavog þröng 183.4955
Samkvæmt opinberum tölum sem
birtar voru á sunnudag varð veruleg-
ur samdráttur í innflutningi Kín-
verja á hráolíu í október.
Kína, sem er heimsins stærsti ol-
íukaupandi, flutti að jafnaði inn 8,9
milljónir fata af hráolíu á dag í októ-
ber en mánuðinn á undan nam inn-
flutningurinn að jafnaði 9,99 milljón-
um fata á dag. Til samanburðar flutti
Kína inn 10,09 föt af olíu daglega í
október á síðasta ári og á fyrstu tíu
mánuðum ársins hefur Kína dregið
úr olíuinnflutningi um 7,2% miðað
við sama tímabil í fyrra.
Er samdrátturinn rakinn til þess
að olíuhreinsunarstöðvar í eigu hins
opinbera héldu að sér höndum vegna
hækkandi heimsmarkaðsverðs en ol-
íufatið kostar í dag 62% meira en í
ársbyrjun. Á meðan innflutningur á
hráolíu hefur dregist saman jókst
innflutningur Kína á fljótandi jarð-
gasi um 24,6% miðað við október í
fyrra.
Í byrjun nóvember tilkynntu
stjórnvöld í Kína að gengið yrði á ol-
íuforða landsins og framleiðsla olíu-
hreinsunarstöðva aukin til að
tryggja að ekki yrði skortur á dísel-
olíu í landinu en greina mátti merki
um röskun á eldsneytisframboði víða
í Kína og greindu fréttir frá löngum
biðröðum við bensínstöðvar. Að sögn
Reuters hefur framleiðsla kín-
verskra olíuhreinsunarstöðva dreg-
ist saman á þriðja ársfjórðungi, m.a.
vegna smitvarnaaðgerða og flóða svo
framboð af díselolíu hélt ekki í við
óvæntan kipp í eftirspurn.
ai@mbl.is
Kína ekki flutt inn minna
magn af hráolíu í þrjú ár
AFP
Uppskera Bóndi að störfum. Í októ-
ber voru merki um díselolíuskort.
- Ákváðu að ganga á olíuforðann vegna skorts á díselolíu