Morgunblaðið - 02.12.2021, Blaðsíða 6

6 FRÉTTIR
Innlent
MORGUNBLAÐIÐ FIMMTUDAGUR 2. DESEMBER 2021
ÁRMÚLI 28-30
DOMUSNOVA - SÍMI 527 1717 - WWW.DOMUSNOVA.IS
LÁTTU FAGFÓLK SELJA ÞÍNA EIGN
Leigist í heilu lagi eða hlutum. Jarðhæð hússins hentar vel sem verslun og/eða
skrifstofur. Allar skrifstofur í húsinu eru með léttum glerveggjum sem auðvelt
að breyta og aðlaga að starfsemi viðkomandi. Mjög góð hljóðvist í öllu húsinu.
Mötuneyti á jarðhæð með nýlegum tækjum. Bílastæði við húsið samtals 72.
Fasteignin er öll endurnýjuð að utan.Að innan er hún vel búin hvað varðar kerfis-
loft, loftræstikerfi, lýsingu, rafkerfi þar á meðal aðgangsstýringarkerfi og sérstök
ljósavél til að fyrirbyggja rafmagnsleysi. Ný lyfta er í húsinu og sameiginleg rými
þar á meðal stigagangar og salerni hin glæsilegustu.
Alls 2.802 m2 Leigist í heilu lagi eða hlutum
til leigu
Agnar Agnarsson
öggiltur Fasteignasali
gnar@domusnova.is
ími: 820 1002
L
a
S
Ágúst Ingi Jónsson
aij@mbl.is
Snjótittlingur sem var litmerktur
hér á landi fannst nýlega í Þýska-
landi og mun þetta vera í fyrsta
skipti sem það gerist. Um var að
ræða kvenfugl sem merktur var
við Víkingavatn 5. apríl í vor með
auðkennisnúmerinu A39. Ekkert
hafði spurst til A39 frá merkingu
fyrr en tilkynning kom frá þýsk-
um fuglaáhugamanni sem sá hann
á eyjunni Amrum í Norðursjó, við
strönd Þýskalands.
Frá þessu er greint á heimasíðu
Náttúrustofu Norðausturlands og
þar segir að rannsóknasetur Há-
skóla Íslands á Suðurlandi hafi
hafið litmerkingar á snjótittlingum
veturinn 2019-2020. Tveir starfs-
menn Náttúrustofu Norðaust-
urlands tóku þátt í verkefninu og
hafa frá fyrri hluta árs 2021 merkt
snjótittlinga við Víkingavatn, á
Húsavík og í Grímsey.
350 snjótittlingar litmerktir
Snjótittlingarnir voru veiddir í
gildru þar sem þeir komu í fóður-
gjafir að vetrarlagi. Merki voru
sett á báða fætur, hefðbundið ál-
merki á þann vinstri en á hægri
fótinn var settur rauður plast-
hringur með hvítri áletrun. Áletr-
unin samanstóð af einum bókstaf
og tveimur tölustöfum. Á góðu
færi má svo lesa áletrunina með
sjónauka eða með því að ljós-
mynda fuglana.
Búið er að merkja um 350 snjó-
tittlinga með þessum litmerkjum
og eru álestrar á þá orðnir eitt-
hvað á fimmta hundrað. Lang-
algengast er að merktir snjótitt-
lingar sjáist aftur á merkingarstað
en nokkrir hafa lagt land undir
væng og fundist misfjarri merk-
ingarstað. Þannig hafa snjótitt-
lingar merktir á Húsavík fundist
við Víkingavatn, á Kópaskeri og í
Jökuldal. Snjótittlingar merktir
við Víkingavatn hafa fundist á Ak-
ureyri, Húsavík, Kópaskeri og í
Jökuldal.
Áður en A39 skaut upp kollinum
í Þýskalandi, höfðu fuglar merktir
hér fundist í öðrum löndum á
þessum slóðum, s.s. Danmörku og
Hollandi, segir á heimasíðu NNA.
Að nokkru farfugl
Snjótittlingurinn er af ættbálki
spörfugla og er norðlægasti spör-
fuglinn á jörðinni, að því er segir
á fuglavefnum. Þar segir að snjó-
tittlingurinn, eða sóskríkjan, sé að
nokkru farfugl og að hluti stofns-
ins hafi vetursetu í Skotlandi og
grænlenskir fuglar séu far- og
vetrargestir hér. Snjótittlingurinn
er 16–17 sentimetrar að lengd, 30–
40 grömm að þyngd og með 32–38
sm vænghaf.
Í nýrri bók Sigurðar Ægissonar,
sóknarprests á Siglufirði, Fuglar á
Íslandi og árstíðirnar fjórar:
Fugladagbókin 2022, er fjallað um
snjótittlinginn og ferðalög hans.
Þar segir meðal annars: „Lengst-
um var talið að snjótittlingurinn
væri algjör staðfugl hér á landi,
en eftir að farið var að stunda
merkingar að einhverju ráði hefur
komið í ljós, að hluti stofnsins
leggst í flakk til annarra landa á
haustin og fyrri part vetrar, að-
allega til Skotlands. Eru það eink-
um kven- og ungfuglar. Erfiðir
vetur á Fróni geta haft þar nokk-
uð um að segja.
Einnig hafa náðst á Íslandi
snjótittlingar merktir erlendis,
nánar tiltekið í Bandaríkjunum
(1), Bretlandseyjum (35), Dan-
mörku (1), Finnmörku í Noregi
(1), Grænlandi (1) og Hollandi
(3),“ segir í bók Sigurðar um
fuglana.
Þar segir enn fremur að íslensk
þjóðtrú geymi fátt um snjótittling-
inn. Þó er mælt að af honum megi
læra um ókomin veðrabrigði.
Snjótittlingur á ferð og flugi
- Var litmerktur á Víkingavatni í vor - A39 skaut upp kollinum á eyju undan
ströndum Þýskalands - Hluti stofnsins leggst í flakk til annarra landa á haustin
A39 sást 28. nóvember
á eyjunni Amrum við
strönd Þýskalands
Merktur við Víkingavatn í Kelduhverfi
5. apríl 2021 með auðkennisnúmerinu A39
Ferðalag snjótittlings til Þýskalands
ÍSLAND
ENGLAND
NOREGUR
ÞÝSKALAND
A39 á þýskri grund
1.850 km er
stysta leið
frá Víkingavatni að Amrum
Ljósmynd/Náttúrustofa Norðausturlands
Flakkari Snjótittlingurinn víðförli
við merkingu 5. apríl síðasta vor.
Miðstjórn ASÍ
segir það valda
sérstaklega von-
brigðum í stjórn-
arsáttmála nýrr-
ar ríkisstjórnar
„að loforð sem
gefin voru í tengslum við kjara-
samningana 2019 eru endurunnin
og útþynnt í sáttmálanum,“ eins og
segir í ályktun fundar miðstjórn-
arinnar í gær. Þar beri hæst loforð
um húsnæðismarkaðinn og þann
kostnað sem heimilin beri, hvort
sem fólk er á leigumarkaði eða
eignamarkaði. „Stuðningur stjórn-
valda við húsnæðisöryggi og til-
færslukerfin mun ráða úrslitum í
kröfum verkalýðshreyfingarinnar í
aðdraganda kjarasamninga 2022
og 2023,“ segir í yfirlýsingunni.
Hvergi sé í sáttmálanum minnst á
að styrkja atvinnuleysistrygg-
ingakerfið, setja bremsu á leigu-
markað og styrkja vaxtabótakerfið.
„Endur-
unnin og
útþynnt“
- ASÍ gagnrýnir
stjórnarsáttmálann
Lögreglan á höfuðborgarsvæðinu
staðfesti í tilkynningu í gær að hlut-
urinn sem fannst í fyrradag í rusla-
gámi við Mánatún reyndist vera
heimatilbúin sprengja.
„Sérsveit ríkislögreglustjóra var
kölluð til og sá hún um að tryggja
vettvang og eyða sprengjunni. Ekk-
ert hefur komið fram við rannsókn
málsins sem bendir til þess að málið
tengist sendiráði erlends ríkis.
Tveir af mönnunum þremur sem
handteknir voru í tengslum við
málið hafa hafið afplánun vegna
fyrri refsidóma en þriðja mann-
inum hefur verið sleppt,“ segir í til-
kynningu lögreglunnar.
Er rannsókn sögð miða vel en
ekki verði veittar frekari upplýs-
ingar um málið að svo stöddu.
Heimatilbúin
sprengja í ruslagámi
Höskuldur Daði Magnússon
hdm@mbl.is
„Það er mikil óánægja með þetta og
við munum sannarlega gera athuga-
semdir,“ segir Orri Huginn Ágústs-
son, formaður stjórnar Bandalags
sjálfstæðra leik-
húsa. Framlag
ríkisins til sjálf-
stæðu leikhús-
anna nemur um
94 milljónum
króna á næsta ári
samkvæmt ný-
birtu fjárlaga-
frumvarpi. Það er
um 30% niður-
skurður frá fjár-
málaáætlun og
engan veginn viðunandi að mati Orra.
„Ég vona að fólk sjái í hendi sér að
þetta er glapræði,“ segir Orri sem
kveðst telja að ástæðu niðurskurðar-
ins megi rekja til þess að í fyrra hafi
framlag verið hækkað vegna áhrifa
kórónuveirunnar. Staðreyndin sé
hins vegar sú að áhrifa hennar gæti
enn hjá sjálfstæðu leikhúsunum. „Þau
eru enn í mjög slæmri stöðu og þó
nokkrir hópar sitja enn óbættir,“ seg-
ir hann og vísar til þess að fjölmargir
sviðslistamenn hafi ekki átt rétt á úr-
ræðum stjórnvalda vegna samkomu-
takmarkana.
„Þetta svíður líka af því að við erum
búin að vera í mörg ár að berjast fyrir
því að þessir verkefnastyrkir verði
auknir og það gert myndarlega.
Framlagið núna er lægra en það var
fyrir Covid svo við erum komin fimm
ár aftur í tímann. Staðreyndin er eftir
sem áður sú að sjálfstætt sviðslista-
fólk stendur fyrir yfir helmingi af
þeim uppfærslum sem færðar eru á
svið á hverju ári en fær ekki nema um
8% af þeim opinberu fjármunum sem
veittir eru til sviðslista.“
„Glapræði“ að
skerða framlög
- Sjálfstæð leikhús ósátt við skerðingu
Morgunblaðið/Kristinn Magnússon
Sjálfstæð Leikhópurinn Lotta
glímir við afleiðingar kórónuveiru.
Orri Huginn
Ágústsson