Morgunblaðið - 02.12.2021, Blaðsíða 66

66 MENNING
MORGUNBLAÐIÐ FIMMTUDAGUR 2. DESEMBER 2021
Sjö systur
Höf. Lucinda Riley
Les. Margrét Örnólfsdóttir
Dansarinn
Höf. Óskar Guðmundsson
Les. Daníel Ágúst Haraldsson
Fjölskylda fyrir byrjendur
Höf. Sarah Morgan
Les. Sólveig Guðmundsdóttir
Vetrarfrí í Hálöndunum
Höf. Sarah Morgan
Les. Álfrún Helga Örnólfsdóttir
Nemesis
Höf. Jo Nesbø
Les. Orri Huginn Ágústsson
Farangur
Höf. Ragnheiður Gestsdóttir
Les. Aníta Briem
Fjórar systur
Höf. Helen Rappaport
Les. Vera Illugadóttir
Frostrós - 1. hluti
Höf. Lotte & Søren Hammer
Les. Hilmir Snær Guðnason
vi
ka
47
Kastaníumaðurinn
Höf. Søren Sveistrup
Les. Þuríður Blær Jóhannsdóttir
Fíkn
Höf. Rannveig Borg Sigurðardóttir
Les. Birna Pétursdóttir,
Haraldur Ari Stefánsson
TOPP 10 vinsælustu hljóðbækur á Íslandi.
Helgi Snær Sigurðsson
helgisnaer@mbl.is
Dagur íslenskrar tónlistar var hald-
inn hátíðlegur í gær, 1. desember,
með ýmsum viðburðum og þeirra á
meðal afhendingu heiðursverð-
launanna Lítill fugl sem veitt eru
þeim sem þykja hafa unnið fram-
úrskarandi starf í þágu íslenskrar
tónlistar. Að þessu sinni hlaut fugl-
inn dr. Arnar Eggert Thoroddsen
sem skrifað hefur um og gagnrýnt
tónlist í Morgunblaðinu allt frá árinu
1999 og á Rás 2 til fjölda ára.
Dreymdi um að skrifa gagnrýni
„Ég er þakklátur,“ segir Arnar
um þessa viðurkenningu og að hon-
um þyki mjög vænt um hana. Hann
er spurður að því hvenær hann hafi
áttað sig á því að hann vildi starfa
við þetta, að fjalla um tónlist og
brjóta hana til mergjar og segir
hann eitt hafa leitt af öðru. „Upp úr
fermingaraldri fór ég að hlusta ofsa-
lega mikið á músík og hún heltók
mig algjörlega. Ég las mikið af
tónlistarblöðum og fór þá að dreyma
um að skrifa tónlistargagnrýni, mér
fannst það eitthvað svo spennandi,“
segir Arnar kíminn. „Síðan leiðist ég
inn í að fara að skrifa plötudóma í
Morgunblaðið og þá undir hand-
leiðslu annars handhafa verð-
launanna sem þá hétu Bjarkar-
laufið,“ segir Arnar og á þar við
Árna Matthíasson.
Arnar segist hafa verið með
marga hatta tengda íslenskri tónlist
í gegnum tíðina, m.a. hatt kennara í
Háskóla Íslands, hina ýmsu dóm-
nefndahatta og hatt leiðsögumanns.
„Það sem gerist árið 1999 er að ég
fer að skrifa íslenska plötudóma og
fer í framhaldinu að átta mig á því,
smátt og smátt, hversu mikilvægt
slíkt er fyrir framgang og viðhald ís-
lenskrar tónlistarmenningar, eitt-
hvað sem þessi Litli fugl er alger-
lega að tengja inn í,“ segir Arnar.
Hann segir tónlistarrýni ekki
vettvang fyrir rithöfundaæfingar,
stæla eða háðsglósur. „Það sem
skiptir svo miklu máli er að sýna
tónlistarmanninum virðingu, reyna
að nálgast hann einhvern veginn og
draga fram alla þá kosti sem þú
heyrir en líka hitt sem er auðvitað
vandmeðfarnara,“ segir Arnar.
Hann bætir því svo við að honum
þyki afar mikilvægt að fjallað sé um
íslenska tónlist með öðrum hætti en
viðtölum og fréttatilkynningum. „Að
rýnt sé í verkið sem slíkt, það í raun
viðurkennt, og þá fer um leið fram
nokkurs konar skrásetning á ís-
lenskri menningu.“
Tönn í tannhjóli
Arnar segist líta þannig á að hann
sé bara ein tönnin í tannhjóli sem
haldi sköpun og einhvers konar
tónlistarsenu gangandi. Hann telji
mikilvægt að tónlistarmenn finni
fyrir því að þeir séu ekki að skapa í
tómarúmi og fái einhvers konar vit-
ræna endurgjöf á verk sín. „Ég er
jafn mikill egóisti og næsta mann-
eskja, ef ekki meiri, en hvað þetta
varðar sé ég þetta mjög heildrænt
og það er það sem drífur mig áfram.
Að þetta framlag sé að skipta ein-
hverju raunverulegu máli fyrir okk-
ur öll. Að þetta séu örlitlir bensín-
dropar í bland við alla þá sem koma
frá öðrum hlutaðeigandi, t.d. þér
sem ert að skrifa þetta viðtal.“
Arnar segir þetta í raun lýðheilsu-
mál. „Á meðan verið er að búa til
músík eru aðeins meiri líkur á að
manni líði vel,“ segir Arnar kankvís
kveður við það blaðamann með kurt.
Unnur, Græni hatturinn og
Stelpur rokka! líka verðlaunuð
Fleiri verðlaun voru veitt í gær við
sama tilefni og Lítill fugl.
Nýsköpunarverðlaun ársins hlaut
Unnur Sara Eldjárn sem hefur m.a.
haldið vinsæl námskeið um að ná ár-
angri á spilunarlistum á Spotify.
Útflutningsverðlaunin hlaut Re-
cord in Iceland, kynningarátak sem
felst í því að hvetja tónlistarfólk um
allan heim til hljóðritunar á Íslandi.
Gluggann fékk tónleikastaðurinn
Græni hatturinn á Akureyri en
Glugginn er veittur þeim verkefnum
sem þykja sýna íslenskri tónlist sér-
staka atfylgi. Hvatningarverðlaunin
2021 hlaut svo verkefnið Stelpur
rokka!, rokkbúðir fyrir ungar stelp-
ur sem settar voru á laggirnar árið
2012 til að leiðrétta kynjahalla í ís-
lensku tónlistarlífi. Hafa þær verið
öflugur stökkpallur fyrir fjölmargar
tónlistarkonur og aukið fjölbreytni,
eins og fram kemur í tilkynningu.
Samtök tónlistarrétthafa, Sam-
tónn, standa að Degi íslenskrar tón-
listar og er framkvæmdin í höndum
Íslensku tónlistarverðlaunanna.
Morgunblaðið/Kristinn Magnússon
Hlaut fugl Arnar Eggert Thoroddsen, sem hefur árum saman skrifað gagnrýni um tónlist fyrir lesendur Morgun-
blaðsins, þakkar hér fyrir viðurkenninguna sem hann hlaut, fyrir framúrskarandi starf í þágu íslenskrar tónlistar.
„Ég er þakklátur“
- Arnar Eggert Thoroddssen hlaut Litla fuglinn - Virðing
fyrir tónlistarmönnum og verkum þeirra er lykilatriði
22 verkefni hafa verið styrkt af lista- og menningarráði
Kópavogs af þeim 77 sem sótt var um að fengju styrk.
Sjóðnum er ætlað að efla lista- og menningarlíf Kópa-
vogsbæjar og er úthlutað úr honum árlega. Að þessu
sinni var við styrkúthlutun meðal annars horft til við-
burða sem gætu farið fram víðs vegar um Kópavog,
segir í tilkynningu, og nefndar sem dæmi sirkussýn-
ingar, söngskemmtanir, vegglistaverk, ljóðamálþing,
brúðuleikhússmiðjur og þátttökutónleikar. Hæsta
styrkinn, þrjár milljónir króna, hlaut Menningarfélagið
Rebel sem hefur í þrjú ár staðið fyrir sýningahaldi í
listrýminu Midpunkt við Hamraborg og mun á næsta
ári standa öðru sinni fyrir listahátíðinni Hamraborg
Festival í Hamraborginni. Listahátíðin List án landa-
mæra hlaut eina og hálfa milljón króna í styrk vegna
fyrirhugaðra viðburða hátíðarinnar í Kópavogi á næsta
ári.
„Sjóður lista- og menningarráðs Kópavogsbæjar
styður einnig við fjölmargar hátíðir og menningar-
tengda viðburði og verkefni í Kópavogsbæ á borð við
Ljóðstaf Jóns úr Vör, Barnamenningarhátíð, Vetrar-
hátíð, 17. júní, Tíbrá tónleikaröð í Salnum, tónverka-
samkeppni Salarins, Gerðarverðlaun og stendur árlega
fyrir vali á bæjarlistamanni Kópavogsbæjar,“ segir í
tilkynningu og má finna yfirlit yfir þau verkefni sem
hlutu styrk á vef bæjarins, kopavogur.is.
Hamraborg Festival hlaut hæsta styrk
Morgunblaðið/Sigurður Bogi
Hátíðarsvæði Listahátíðin Hamraborg Festival verður
aftur haldin á þessu svæði í Kópavogi á næsta ári.
Allt um sjávarútveg