Morgunblaðið - 30.12.2021, Blaðsíða 41

ÍÞRÓTTIR 41
MORGUNBLAÐIÐ FIMMTUDAGUR 30. DESEMBER 2021
Það er ekki hægt annað en að
taka ofan fyrir handboltamann-
inum Ómari Inga Magnússyni
sem var í gærkvöld útnefndur
íþróttamaður ársins.
Framganga hans með
gamla stórveldinu Magdeburg
eftir að hann kom þangað sum-
arið 2020 hefur verið mögnuð
eins og rakið er í greininni um
kjörið hérna á síðunni.
Fáir sáu þetta fyrir þó Ómar
væri alltaf efnilegur hand-
boltamaður. Ekki síst eftir að
hann missti nánast af heilu tíma-
bili áður en hann fór til Þýska-
lands, eftir að hafa fengið höfuð-
högg, og var lengi að hrista af
sér afleiðingar þess.
Þýska 1. deildin er lang-
sterkasta deild heims í handbolt-
anum og ekki heiglum hent að
vinna sér sæti í einu af bestu lið-
um hennar, hvað þá að skara
fram úr eins og Ómar hefur gert
hjá Magdeburg.
Sérstaklega þar sem hann
er skytta og er alls ekki með
stærstu mönnum. Líkamlegir
burðir í þýsku deildinni eru miklir
og margir firnasterkir varnar-
menn.
Markaskor Ómars, og ekki
síst stöðugleikinn, er því eftir-
tektarvert en útsjónarsemin er
líka hans stóra tromp, enda
leggja fáir upp jafnmörg mörk
fyrir samherja sína og Selfyss-
ingurinn knái.
Nú er bara að vona að Ómar
blómstri með íslenska landslið-
inu þegar það mætir til leiks á
Evrópumótinu í Ungverjalandi
14. janúar. Hann á enn eftir að
springa alveg út á þeim vettvangi
en hefur nægan tíma til þess,
enda aðeins 24 ára gamall. Til
hamingju með þessa stóru viður-
kenningu, Ómar Ingi Magnússon.
BAKVÖRÐUR
Víðir Sigurðsson
vs@mbl.is
Þórir Hergeirsson, þjálfari norska
kvennalandsliðsins í handknattleik,
var kjörinn þjálfari ársins 2021 af
Samtökum íþróttafréttamanna. Nor-
egur varð heimsmeistari undir hans
stjórn á dögunum, fékk brons á Ól-
ympíuleikunum og varð Evrópu-
meistari í árslok 2020. Þórir hlaut
131 stig. Vésteinn Hafsteinsson,
þjálfari gull- og silfurverðlaunahaf-
anna í kringlukasti á ÓL í Tókýó,
varð annar með 68 stig og Arnar
Gunnlaugsson, þjálfari Íslands- og
bikarmeistara Víkings í knattspyrnu
karla, varð þriðji með 37 stig.
Þórir kjörinn
þjálfari ársins
AFP
Sigrar Þórir Hergeirsson er þjálfari
heims- og Evrópumeistara.
Kvennalandslið Íslands í hópfim-
leikum sem varð Evrópumeistari í
byrjun desember varð fyrir valinu
sem lið ársins 2021 í kjöri Samtaka
íþróttafréttamanna. Hópfimleika-
landsliðið fékk langflest stig í kjör-
inu, 125 talsins.
Karlalið Víkings í knattspyrnu,
sem varð Íslands- og bikarmeistari,
hafnaði í öðru sæti með 63 stig og
kvennalið KA/Þórs í handknattleik
sem varð fjórfaldur meistari á tíma-
bilinu 2020-21 varð í þriðja sæti
með 56 stig en þessi þrjú lið skáru
sig mjög úr í kosningunni.
Hópfimleika-
landsliðið best
Ljósmynd/Fimleikasambandið
Bestar Evrópumeistarar Íslands í
hópfimleikum árið 2021.
ÍÞRÓTTAMAÐUR ÁRSINS
Víðir Sigurðsson
vs@mbl.is
Handknattleiksmaðurinn Ómar Ingi
Magnússon var í gærkvöld útnefnd-
ur íþróttamaður ársins 2021 í hinu
árlega kjöri Samtaka íþróttafrétta-
manna sem að þessu sinni var lýst í
beinni sjónvarpsútsendingu RÚV.
Ómar er tíundi handknattleiks-
maðurinn sem hlýtur þessa nafnbót
á þeim 66 árum sem kjörið hefur
farið fram en samtals hefur hand-
knattleiksfólk nú þrettán sinnum
orðið fyrir valinu hjá samtökunum.
Ólafur Stefánsson var kosinn fjór-
um sinnum, 2002, 2003, 2008 og 2009
og þau Sigríður Sigurðardóttir
(1964), Geir Hallsteinsson (1968),
Hjalti Einarsson (1971), Alfreð
Gíslason (1989), Geir Sveinsson
(1997), Guðjón Valur Sigurðsson
(2006), Alexander Petersson (2010)
og Aron Pálmarsson (2012) hafa
fengið viðurkenninguna.
Ómar hefur átt frábært ár með
liði sínu Magdeburg í þýsku 1. deild-
inni, bestu deild heims í handknatt-
leik karla. Hann varð markakóngur
deildarinnar 2020-21, þrátt fyrir að
vera að komast aftur í gang eftir
fyrri hluta tímabilsins, eftir langvar-
andi meiðsli, og var ennfremur
framarlega í stoðsendingum. Hann
skoraði 274 mörk í 38 leikjum og
átti 91 stoðsendingu.
Hann er áfram meðal marka-
hæstu leikmanna deildarinnar í vet-
ur, er sem stendur fjórði hæstur
með 103 mörk í 16 leikjum, og jafn-
framt einn sá hæsti í stoðsendingum
þar sem hann er þriðji með 63 slík-
ar.
Evrópu- og heimstitlar
Ómar var í lykilhlutverki með
Magdeburg þegar liðið vann Evr-
ópudeildina í vor og varð heims-
meistari félagsliða í haust með sigri
á Barcelona í úrslitaleik. Þá hefur
Magdeburg verið nánast ósigrandi á
yfirstandandi tímabili en liðið vann
fyrstu fimmtán leiki sína í þýsku
deildinni þar sem það er með
örugga forystu, og er ósigrað og efst
í sínum riðli í Evrópudeildinni.
Ómar lék með íslenska landslið-
inu á heimsmeistaramótinu í
Egyptalandi í janúar 2021 og er á
leið með því á Evrópumótið í Ung-
verjalandi í janúar 2022. Hann hefur
leikið 56 landsleiki fyrir Íslands
hönd og skorað í þeim 150 mörk.
Ómar er 24 ára gamall, leikur
sem örvhent skytta og spilar sitt
annað ár í Þýskalandi. Hann er upp-
alinn á Selfossi, fór þaðan 17 ára
gamall í Val og síðan tveimur árum
síðar til Danmerkur þar sem hann
lék með Aarhus og Aalborg.
Ómar og Kolbrún í sérflokki
Eins og sjá má á stigatöflunni hér
til hliðar munaði ekki miklu á Ómari
og Kolbrúnu Þöll Þorradóttur, hóp-
fimleikakonu úr Stjörnunni, en þau
tvö voru í nokkrum sérflokki í kjör-
inu. Kolbrún var í lykilhlutverki í
sigri íslenska kvennalandsliðsins á
Evrópumótinu í Portúgal í byrjun
desember og var valin í úrvalslið
mótsins.
Kraftlyftingakonan Kristín Þór-
hallsdóttir úr ÍA varð síðan í þriðja
sæti en hún hóf alþjóðlegan feril
sinn með glæsibrag á árinu þegar
hún fékk fyrst brons á heimsmeist-
aramótinu í klassískum kraftlyft-
ingum og varð síðan Evrópumeist-
ari og setti um leið þrjú Evrópumet.
Alls fengu 25 íþróttamenn at-
kvæði í kjörinu að þessu sinni, 15
karlar og 10 konur, og heildarniður-
stöðuna má sjá hér til hliðar.
Ómar bestur árið 2021
- Ómar Ingi Magnússon er íþróttamaður ársins 2021 - Markakóngur í bestu
deild heims og átti magnað ár með Magdeburg - Tíundi handboltamaðurinn
Ljósmynd/Mummi Lú
Íþróttamaður ársins Ómar Ingi Magnússon með verðlaunagripinn sem tekinn var í notkun árið 2006 og var afhentur í 16. sinn í gærkvöld.
1. Ómar Ingi Magnússon, handknattleikur, Magdeburg .......................... 445
2. Kolbrún Þöll Þorradóttir, hópfimleikar, Stjörnunni ............................ 387
3. Kristín Þórhallsdóttir, kraftlyftingar, ÍA............................................... 194
4. Martin Hermannsson, körfuknattleikur, Valencia................................ 150
5. Aron Pálmarsson, handknattleikur, Aalborg ........................................ 143
6. Júlían J.K. Jóhannsson, kraftlyftingar, Ármanni.................................. 122
7. Sveindís Jane Jónsdóttir, knattspyrna, Kristianstad............................ 114
8. Bjarki Már Elísson, handknattleikur, Lemgo ........................................ 109
9. Rut Arnfjörð Jónsdóttir, handknattleikur, KA/Þór ............................... 93
10. Kári Árnason, knattspyrna, Víkingi.......................................................... 85
11. Elvar Már Friðriksson, körfuknattleikur, Antwerp Giants ................... 48
12. Aldís Kara Bergsdóttir, skautar, Skautafélagi Akureyrar.................... 40
13. Hlynur Andrésson, frjálsíþróttir, ÍR ......................................................... 32
14. Ásta Kristinsdóttir, fimleikar, Fjölni ........................................................ 31
15. Glódís Perla Viggósdóttir, knattspyrna, Bayern München.................... 26
16. Helgi Laxdal Aðalgeirsson, fimleikar, Stjörnunni .................................. 24
17. Haraldur Franklín Magnús, golf, Golfklúbbi Reykjavíkur .................... 22
18. Guðrún Brá Björgvinsdóttir, golf, Golfklúbbnum Keili.......................... 13
19. Erna Sóley Gunnarsdóttir, frjálsíþróttir, ÍR ............................................ 10
20. Már Gunnarsson, sund, ÍRB.......................................................................... 8
21. Helena Sverrisdóttir, körfuknattleikur, Haukum..................................... 7
22.-23. Alfons Sampsted, knattspyrna, Bodö/Glimt ........................................ 6
22.-23. Baldvin Þór Magnússon, frjálsíþróttir, UFA ....................................... 6
24.-25. Anton Sveinn McKee, sund, Toronto Titans ........................................ 1
24.-25. Róbert Ísak Jónsson, sund, Firði ........................................................... 1
Íþróttamaður ársins – stigin
Spjótkastarinn Einar Vilhjálmsson
var í gærkvöld tekinn inn í Heiðurs-
höll ÍSÍ en að vanda var tilkynnt um
nýjan meðlim í höllinni um leið og
Samtök íþróttafréttamanna heiðr-
uðu íþróttamann ársins.
Einar var í fremstu röð spjótkast-
ara í heiminum á árunum 1983 til
1992. Hann varð sjötti á Ólympíu-
leikunum 1984 og keppti á leik-
unum 1988 og 1992, sigraði á
heimsleikunum 1988 og vann tug
móta á mótaröðum Alþjóðafrjáls-
íþróttasambandsins.
Einar var kjörinn íþróttamaður
ársins 1983, 1985 og 1988. Hann er
23. íþróttamaðurinn sem tekinn er í
Heiðurshöll ÍSÍ en faðir hans, Vil-
hjálmur Einarsson, var sá fyrsti
sem tekinn var inn árið 2012.
Einar í Heið-
urshöll ÍSÍ
Afreksmaður Einar Vilhjálmsson
var í fremstu röð í heiminum.
Morgunblaðið/Ómar