Morgunblaðið - 30.12.2021, Blaðsíða 44

44 MENNING
MORGUNBLAÐIÐ FIMMTUDAGUR 30. DESEMBER 2021
Vel fór á með stjörnunum Nicole Kid-
man og Javier Bardem á rauða dregl-
inum þegar kvikmyndin Being the
Ricardos var frumsýnd í Los Angeles
fyrr í þessum mánuði. Þau fara með
hlutverk hjónanna Lucille Ball og
Desi Arnaz sem framleiddu og léku í
sjónvarpsþáttum vinsælum I Love
Lucy um miðja síðustu öld. Leikstjóri
og handritshöfundur myndarinnar er
Aaron Sorkin.
Simran Hans, gagnrýnandi The
Observer, hrósar Kidman fyrir
frammistöðu hennar, en bendir á að
Kidman og Sorkin virðist lítinn áhuga
hafa á grínhæfileikum Ball og þeim
mun meiri áhuga á alvarlegum hlið-
um hennar. Peter Bradshaw, gagn-
rýnandi The Guardian, gefur lítið fyr-
ir frammistöðu Kidman með þeim
orðum að hún láti „létta kómedíu líta
út fyrir að vera erfiðisvinna“.
Manohla Dargis, gagnrýnandi The
New York Times, setur spurningar-
merki við leikaravalið þar sem Kid-
man og Bardem séu augljóslega of
gömul fyrir hlutverkin. Hvorki
afkáraleg leikgervi né tæknilausnir,
sem eiga að yngja ásjónu þeirra á
skjánum, bjargi málum.
Being the Ricardos fær
dræmar viðtökur rýna
AFP
Frumsýning Nicole Kidman og Javier Bardem glöð á rauða dreglinum.
Nashyrningarnir í Þjóðleikhúsinu
Eftir Eugène Ionesco í leikstjórn Benedikts
Erlingssonar.
„Það getur brugðið til beggja vona með
óumdeilda nútímaklassík á borð við Nashyrn-
ingana , eins og dæmin sanna. Ekki síst
absúrdverkin, sem oftar en ekki draga það
versta fram í túlkendum sem telja ólíkindi
texta og atburða gefa þeim sjálfdæmi og frítt
spil í úrvinnslunni. Í öllum aðalatriðum hefur
Benedikt Erlingsson og hans fólk leitað í leik-
ritinu sjálfu og axlað þá ábyrgð að koma því
skýrt og skemmtilega til skila. Og það tekst.
Áleitin og skáldleg sýn Ionescos brýtur sér
enn og aftur leið inn í huga áhorfandans.“
Dýrið
gengur laust
Sunnefa í Tjarnarbíói
Eftir Árna Friðriksson í samstarfi við leikhópinn
Svipi í leikstjórn Þórs Tulinius.
„Árni Friðriksson fer, í samvinnu við leikhóp-
inn Svipi, þá leið að segja nokkurs konar
ef-sögu í heimildaleikriti sínu þar sem sett er
fram tilgáta um það hvernig hlutirnir gætu
mögulega hafa verið og Sunnefu liðið á ólíkum
æviskeiðum. […] Undir styrkri leikstjórn Þórs
Tulinius býður leikhópurinn áhorfendum upp á
rannsóknar- og frásagnarleikhús eins og það
gerist best.“
Hver fær að
segja söguna?
Leiksýningar ársins
Leiklistargagnrýnendur Morgunblaðsins, Silja Björk Huldudóttir
og Þorgeir Tryggvason, sáu um 35 sýningar á árinu sem brátt er
liðið. Hápunktar ársins spanna allt frá dramatísku uppgjöri hjóna
til syngjandi fagga með viðkomu í absúrdisma, aftökum og
sænsku Smálöndunum þar sem góðmennskan blífur.
Njála á hundavaði í Borgarleikhúsinu
Leikgerð eftir Hjörleif Hjartarson í leikstjórn
Ágústu Skúladóttur.
„Lá ekki alltaf í loftinu að úr því að Hund-
ur í óskilum var hættur að vera „bara“
hljómsveit og orðinn einhvers konar
kabarett-tvíeyki (kabadúett?) og hirð-
trúðar Borgarleikhússins að þeir myndu
fyrr eða síðar taka Brennu-Njáls sögu til
meðferðar? […] Það er engin leið að rekja í
sundur eða greina prósentuhlutföllin milli
háðs og harms, alvöru og gríns, fimi og
flippaðs kæruleysis. Hvar endar ástin og
virðingin og vægðarlaus kaldhæðnin tekur
við? Alls staðar og hvergi. Þetta er hristur
og hrærður kokteill og uppskriftina veit
enginn nema þeir kumpánar, og nú líka
Ágústa Skúladóttir leikstjóri og samverka-
kona þeirra eftir að þau gerðu Nýja svið
Borgarleikhússins að goðorði sínu. […]
Njála á hundavaði er mikil og góð
skemmtiveisla hjá þeim Ágústu, Eiríki og
Hjörleifi. Þessi mikla saga liggur vel við
grínhöggi frá sjónarhóli nútímans, en hún
er líka spegill fyrir okkur til að skopast að
eigin glóruleysi. Það er erfitt að ímynda
sér annað en Hundinum muni dveljast
þarna nokkur misseri við að kæta mann og
annan.“
Af taðskegg-
lingum og
eggjanarfíflum
Haukur og Lilja – Opnun í Ásmundarsal
Höfundarverk: Elísabet Kristín Jökulsdóttir. Samsetning
leiktexta: Leikarar og María Reyndal leikstjóri.
„Alúð og framúrskarandi vinna Eddu Bjargar
Eyjólfsdóttur og Sveins Ólafs Gunnarssonar blasir við
í sýningunni. […] Haukur og Lilja – Opnun er látlaus,
skýr og fallega formuð leiksýning um samband sem er
mögulega á síðustu metrunum. Allavega ef þau kom-
ast ekki á næstu orkustöð til að fylla á tankinn. Nær-
andi og kæfandi samband, vissulega vanafjötrað en
kannski býr það einhvers staðar enn yfir gömlu mögu-
leikunum. Elísabet Kristín Jökulsdóttir er alltaf að
minna okkur á töfrana. Við getum ekki án þeirra verið,
en við getum líka verið viss um að þeir eru þrátt fyrir
allt til.“
Út í kvöld
Emil í Kattholti í Borgarleikhúsinu
Eftir Astrid Lindgren í leikstjórn Þórunnar Örnu
Kristjánsdóttur.
„Þessi væntumþykja er yfir og allt um kring í
fallegri uppfærslu Borgarleikhússins á
skemmtilegum uppátækjum Emils. Sýningin er
umfangsmesta leikstjórnarverkefni Þórunnar
Örnu Kristjánsdóttur til þessa og sýnir að hún á
fullt erindi í það starf. Greinilegt er að nostrað
hefur verið við persónusköpun í litríku persónu-
galleríi verksins, fjölmennar senur iða af lífi og
sýningin í heild er með risastórt hjarta.“
Með risastórt
hjarta
Góðan daginn faggi í Þjóðleikhúsinu
Eftir Bjarna Snæbjörnsson og Grétu Kristínu
Ómarsdóttur í leikstjórn Grétu Kristínar.
„Umburðarlyndi er vissulega gott, en það felur
auðvitað í sér að eitthvað þurfi að „umbera“.
Og að þurfa að umbera sjálfan sig getur auð-
veldlega endað í taugaáfalli úti í hrauni, hvað
sem öllum gleðigöngum og lagaumbótum líður.
Fyrir utan að vera bráðskemmtileg kvöld-
stund yfir drykk á fornfrægum skemmtistað
tekst Góðan daginn faggi að minna okkur á
þetta og vonandi hrista smá upp í frjálslyndri
sjálfsánægjunni.“
Brosa,
jákvæðni …
Húðfegrun ehf | Vegmúli 2 | Sími 533 1320 | www.hudfegrun.is
Tímapantanir í síma 533 1320
Við tökumvel ámóti ykkur í Vegmúla2
FITUEYÐING
með fituleysandi efni!
Við byrjum nýja árið með nýrri meðferð:
n Eyðir fitufrumumámeðferðarsvæði
n Varanlegur árangur
30%
kynningar afsláttur
Góður árangur án
mikils inngrips.
Sprautumeðferðmeð fituleysandi
efni brýtur niður fitufrumur á
meðferðarsvæði og skilar
góðum varanlegumárangri
án alvarlegs inngrips.