Bibliotheca Arnamagnæana - 01.06.1948, Page 55
Arngrimur Jonsson
*3
7-
From Arngrimur Jonsson, Aug. 16, i62g.
S. Non possum non eådem oberrare chordå eandemqve canere
cantilenam, D. Wormi clariss. et fautor perpetuum colende. Qvænam
illa, inqvis, chorda: qvæ cantilena? illa, inqvam, qvå Dn. Fautoris
humanitatem plus fere qvam humanam et benignitatem plus qvam
bonam (divinam igitur utramqve, qvantum in homines cadat) tum
superioribus annis præstitam, tum hujus anni literis faventiss. exhibi-
tam, agn ovisse debui et denuo agnoscere teneor. Nam qvid meo com-
modo apud Magnif. Dn. Cancellarium Dn. Fautor profuerit, nun-
qvam ulli oblivioni dabitur, et qvam humano animo vir tantus et
liberali amore meas superioris anni exceperit literas cum chartulis,
non possum animo nunqvam delendo carachtere non infixum servare.
Etsi autem de qvibusdam speciale responsum expectaveram (ut de
cyclis illis ingeniosissimis etc.) illud tamen, qvod desideratur, tempo-
rum iniqvitati, rerum omnium difficultati, luctus domestici acerbitati
(cui Deus opt. max. benigne medeatur) totum adscribo. Belli metu
et incommodis liberatam Daniam (qvod ex D. Brocchmanni oratione
intelligo) libentiss. audio et gaudeo. Nos hic interim piratarum metu
et formidine ut antea nunqvam (si proximum biennium ab eorun-
dem diris maleficiis elapsum excipias) distinemur. Sed Deus oratus
et exoratus providebit.
Rediit ad me opus vestrum Runicum, bonå fide å Gunnero
Biømonis exhibitum (cum literis) in an. seq. Dn. Fautoris jussu
detinendum. Sed absqve fænore, ita me Runæ ament: Adeo enim
elaboratum existimo (nunc qvam superiore anno maturius allatum)
ut vix sperem vel minutissimum pro jussu et voto Domini Fautoris
annotari å me posse. Interim in lectione eorum qvæ capere possum
autori parebo: Nam qvid ad meam ignaviam Hæbreis et Græcis
fontibus eruta? ubi dissimulare non possum, qvod ad expositionem
Kimkii (qvæ et vestra est) vocis Rinna, contra Etymologistam nescio
qvem directam, nostrum idioma valde qvadret. Si alterum n adima-
tur, et R initiale ad nostri ævi consvetudinem non aspiretur, ut
proavis nostris usitatissimum fuit, qvi R et L vix unqvam aspirabant
initiales syllabis, Rina igitur (modernis: hrina) vociferationem pro-
fundo pulmone emissam (tali affectu, qvem notastis), non literarum
5
10
15
20
25
30
35