Bibliotheca Arnamagnæana - 01.06.1948, Page 66
24
Ole Worm
nuncius mercator Hafniensis Christen Joenssen, seqve etiam meo
jussu (an rogatu) nummum aureum obtulisse, sed å Dn. D. non
acceptatum. Hæc ille: etiam hoc præterea, solventibus jam Hafnia
nautis Dn. Doctorem domo abfuisse. Unde forsan est, qvod nullas
5 hoc anno å Dn. Fautore literas videam. Qvod tanto æqvius fero,
qvod sperem in futurum eam rem magis ex animi mei voto cessuram.
Nihil porro est novi, qvod ad Literaturam Runicam afferri possit.
Qvin potius Opus istius Literaturæ Wormianum, sive jam editum,
sive edendum, expecto: utpote ipsius scientiæ Runicæ apicem, å
10 nullis præterea tentandum. Huic si Dn. Fautor adjungat exemplar
Libri i. Crymog. in Hollandia nuper excusi (qvod indicatum fuit
anno superiore et ego tum obnixé rogabam) erit in primis gratis-
simum. Intelligo prodiisse Historiam D. Pontani Danicam (Danicé
an Latiné nescio). Facite viri longe clarissimi absentem amiculum
is harum rerum non tantum conscium, sed etiam compotem per
exemplaria compacta. Mercator solvet. Nos qvibus malis premamur
ad clariss. Finkium attigi: ut et ad Rev. D. Resenium. Jam vero
Dn. D. Wormium supplex rogo, ut Laconismo meo ignoscat atqve
paucula hæc ne despiciat. V.
20 7. August. 1631 ex Islandia Boreali.
Excellentiæ V. amans et addictiss.
Arng. Jonas Mpp.
Vitam Reverendi Dn. Gudbrandi p. m. typis Hamb. exscriptam,
memini Dn. Fautorem poscere: sed an exemplaria inter Dn. Dn.
25 professores Hafn. distracta sint, non dum certior factus sum. Tot
autem et tam m(a)gnis mendis typogr. chartæ illæ scatent, ut me
illarum pigeat. Dn. Superintendens exemplaribus abundat, ut cujus
nutu ista Hamburgi edita sint.
Herba qvam alii Indicam, alii sanctam (vulgus Tobach), alii
30 Nicosium et Nicosianam etc., qvid præstet per tubulum (incensa)
hausta, ita ut fumus per os et nares exhalet, libenter proximis å
Dn. Fautore edoceri cupio. Et qvæ dosis ac qvoties (jejuno an aliter)
iteranda, eo pacto qvem ex nautis didicimus. Alii fumum istum ita
haustum dicunt capiti et pectori prodesse. Alii buccellam masticatam
35 probe et deglutitam ajunt alvum resolvere, et etiam per vomitum
purgare. Hæc est medicina nautica, ex hac herba lora confecta af-