Bibliotheca Arnamagnæana - 01.06.1948, Page 98
56
Ole Worm
Cæterum glutinis istius vel atramenti glutinosi, arte sic contem-
perati, nulla ulterior contigit indagatio supra eam, qvæ tract. apolo-
getico visitur.
Disputationem Dn. Favtoris publicam de Balenarum dentibus,
qvam missam literæ tradunt, fascem chartaceum Epitaph. scrutans
nusqvam repperi. Nec alioqvi conscius est mercator. Qvam casu relic-
tam doleo. Nam etsi ad hane rem nihil contulero, occasionem tamen
alios sciscitandi accepta præbuisset illa jam desiderata Disp.
Miranda illa vestra, qvæ nomine tenus in prædicta Intimatione
avditoribus offeruntur, mihi tenacius memoriæ inhærentia, paveas
Ovæstiones problematicas de nonnullis hic mirandorum numero
habitis elicuerunt. Qvas etiam singularis chartula exhibet. Jam qvå
est humanitate Dn. Favtor, rogatum obnixé volo, ut hæc indocta
et confusa boni consulat, ac clientem remotissimum suæ curæ, ut
hactenus, commendatum habeat: ac Deo opt. maximo vicissim in
ætemum commendatissimus vivat et prosperrimé valeat.
ii. Avg. 1638. Melstadio Midfiordensium, in Islandia Boreali.
Excellentiæ T. addictiss.
Amg. Jonas Isl. Mpp.
Nec id D. Wormium lateat, ex Historiå Norv. mihi antea non
inspecta nullum dari tam areto temporis articulo relegendi otium.
Colophonis loco: tanqvam certis intervallis nervorum usu non
tam destituto, qvam eorundem convulsione (qvem Spasmum vocari
puto) nimium qvam excruciante, Medici consilium implorandum
mihi est: præcipue totos pedes coxendicum tenus (utinam non hypo-
condriorum tenus) se exercente.
Address:
Viro excellentissimo, clarissimo Dn. Doet Olao Wormio, philos. Medicinæ
D. et Acad. R. Hafn. professori longe celeberrimo, Antiqvitatum Danicarum
indagatori stupendo, admirando, Domino meo et Favtori ætemum honorando.
Qvæstiones problematicæ 4.
I Qvi fiat, ut baculus rectus, unå vel aliqvå sui parte aqvæ in-
ditus, reliqvå parte extante, idqve non perpendiculariter, sed