Bibliotheca Arnamagnæana - 01.06.1948, Page 110

5
10
15
20
25
30
68
Ole Worm
Si diutius hujus vitæ usuram benigna Dei indulgeat voluntas,
optarem tortulas Liqviritiæ unius uncialis pretio, qvas redimere or-
dinarius in Skagestrand mercator juberetur (å me fidei et bene-
volentiæ satisfactionem expectaturus), mihi contingere, ut etiam
Zingiberis fideliter conditi (ein Tunneken) eadem ratione, a mer-
catore mihi redimendam. De his autem et similibus amicus aliqvis
compellandus est, qvia internuncii mercatores, nisi tali amico aliqvo
conscio, pretium avgere solent. Vid. autem ut aliarum rerum etiam
chartæ penuriam, cui ut ignoscatur ac reliqvæ literarum deformitati
iterum iterumqve rogamus.
Address:
Excellentissimo viro, clarissimo Dn. Doctori Olao Wormio, sacrarum Anti-
qvitatum indagatori solertissimo et sapientissimo, Academiæ Hafn. Prof. publico
et primario, Domino et Mecænati æqvis cum vita passibus colendo, honorando,
amando.
33-
To Arngnmur Jonsson [May,—June 1642].
Arngrimo Jonæ.
Binas a te anno præterito accepi literas, ex qvibus dolenter per-
cepi te nec meas nec liqviritiæ succum (cujus libram misi) nec an-
nulos ex dente Rosmari confectos accepisse. Nescio qvo fato ad vos
tendentes naves crebrius periclitentur qvam qvæ aliis destinantur,
nostra per literas colloqvia ut toties turbentur. Sperabimus post hac
meliora. Invenimus tandem in Bibliotheca Magnif. Canc. Manu-
scriptum tuum, qvod typographi cujusdam Amsterodamensis Johan-
nis Jansonii famulo apud nos tum forte commoranti tradidi, ut cum
hero de ejus editione ageret. Nuper Amsterodamum scripsi, ut qvæ
ipsi mens esset expiscarer. Rescripsit se editurum, ubi illa qvæ jam
sub prælo fervent absolverit, et de conditionibus tractaturum. Ægre
avtori pro labore qvicqvam concedunt illi homines, exspecto adhuc
ulteriorem resolutionem. Interea de dedicatione et aliis, si qvæ sint
qvæ mutata velis, cogitare poteris, ac mihi proximis transmittere,