Bibliotheca Arnamagnæana - 01.06.1948, Blaðsíða 122

s
10
15
20
25
30
35
8o
Ole Worm
(licet adhuc extra tela positum), ut primo vere per navtas West-
mannøias freqventantes nonnihil innotuit, ita dejecit, ut nec mens
nec manus suum faciant officium, avt exinde fecerint; et navtarum
a vobis dubius et ad nos accessus prorsus desperatus fuerit. Accedunt
autem pro tristissimå rerum omnium conditione, nostro parvo cum
emolumento, ad annuas necessitates supplendas mercibus pené vacui
navtæ, præsertim ferro, ære, canabe: qvibus æqve ac vita carere
misera poterit insula. Deum precor, ut animus hic ad se reversus
cum lingvå in seria vota et deprecationes publice et privatim solutå
suo non desint officio, pro modulo meo a gratiå D. promoto: et ut
res vestrum omnium in meliorem statum redactæ proximå oportuni-
tate cognoscantur. Jam de Regno inavditå injuriå invaso post ult.
Januarii, edito Diplom. R., nihil exacté et specialiter novisse datum
est. Nam rumores navtici sæpius dissoni parum persvadent. Et
n(oster) ille Paulus B., ad cujus abiturientis instructionem epistola
me remittit, an adhuc patriam attigerit, non satis constat in hunc
20. Aug. qvo vestrates fere oram soluturi videntur. Isti vero adole-
scenti, meoqve ex filiå nepoti, Pavlo Biomonio, qvicqvid å Dn. Fav-
tore in album discip. privatorum recepto, ac simul å reliqvis DD.
pa(t)ribus Academicis (cum Dn. Favtore ad me in nepote beandum
conspirantibus) benefactum est, largiss. omnium bonorum fontem,
Deum Opt. max. sollicitabo, ut abundé singulis et omnibus refundat:
et sic Vestrum in me cum nepote favorem suo divinissimo favore
vincat, et modis omnibus pro singulorum votis continuet.
Jam de T., mi Dn. Mæcenas, incredibili sollicitudine pro libello
Specim. Isl. initio varie jactato et perdito, sed tuæ faventiæ curå
luci et vita donato, tum (qvod lucem ac vitam superat) pretiosiss.
epigrammate insignito atqve Wormiani nominis titulo inavrato, hane
insuper curam addere T. favor jam dignetur, ne in aretissimo scriben-
di otio mentio dicti Libelli (qvamvis a Magnific. Dn. Cancellario
exceptus sit benigne) intercideret. Unde par est, virtutem abundan-
tem et exer(c)entem se non tantum in proprio subjecto et domicilio,
sed et objecto (ut hic, homine omnia immerente, plura qvam obiter
complectar accipiente) agnoscam et extollam. Qvum vero gratiam
referendi inutilis semper sim, vota tamen reddendi et Favtoribus
(qvorum rari sunt, rari qvippe boni etc.) summam felicitatem a
D. comprecandi non item; Deum pro suis beneficiariis sollicitum
ex animo veneror oroqve, ut Dn. Favtoris ejusqve omnium rerum