Bibliotheca Arnamagnæana - 01.06.1948, Page 155

Brynjålfur Sveinsson
JI3
accepit tuis auspiciis perferatur. Danicam alteram idem vir honestis-
simus et profecto de publico nostro præclaré meritus Janus Severi-
nius håbet, pro impetranda in portum Grindævikanum oneraria navi
cum commeatu necessario, qvemadmodum hactenus post hominum
memoriam solitum est, usqve ad septennium proximum, qvo alium
sibi portum et stationem societas ista Regio indultu curavit, damno
pauperis vulgi Grindævikani, damno hujus templi Scholæqve insigni,
ob difficultatem viarum qvas emetiri debent Grindævicani Batsen-
dam usqve. Unde stativa Grindævicana paulatim deseruntur, qvæ
de multis sola fere cupido habendi Cathedræ reliqva fecit. Piscatus
hic nostri summam exercemus, in qvo sålus versatur nostræ schola-
sticæqve rei, qvam nova migratio stationis vehementer labefactat.
Hic te consultorem et fautorem mihi adfore vehementer cupio, in re
non levi. Qvod si impetravero, utere me lege nexi jure tuo ad
qvæcunqve possum officia præstanda. Aldrovandi opera qvæ sint
et qvanti veneant in Batavis, scire pervelim. Satin provide hoc antea
prædixi, modum garrulitati non inventurum, si deblaterare cæpi?
meum illud Flacci esse, qvamvis non poetæ, de poetis dictum censeo.
Omnibus hoc vitium est cantoribus inter amicos
Vt nunqvam inducant animum cantare rogati
Injussi nunqvam desistant----------
Ignosce, per genium tuum te qvæso, vir optime et excellentissime,
Islandicæ nationis præsidium et patrocinium rari exempli, et cum
tuis omnibus longum nobis ac feliciter vale. Schalholti Australis Is-
landiæ E. A. D. III Eidus Qvintiles anni MDCXLVIII.
R. D. & E. T. deditissimus
Brynolfus Svenonius R- mpp.
Si mihi dominus D. præscriptum aliqvod sanis et bene habitis
accommodum evacuationis purgationisqve panchymagogæ daret, ad
educendos humores superfluos, utiqve me magnopere bearet, illud
præscriptum si Christophorus Bremermannus maturo conseqvetur,
meo nomine persolvet. Vale præceptor et patrone dilectissime, nuga-
cem clientem perfer, te suspicientem ama.
Br. S. R. mppa.
5
10
15
20
25
30
Bibliotheca Arnamagnæana, VII
8