Bibliotheca Arnamagnæana - 01.06.1948, Síða 156

Ole Worm
I 14
59-
To Brynjolfur Sveinsson, May 10, 1649.
Brynolpho Svenonio Episcopo Islando.
Pro prolixo tuo in me affectu maximas habeo gratias, operamqve
dabo, ut factis me talem qvalem describis ostendam, tibi ad qvævis
officia paratissimum. In egregio tuo proposito ut pergas etiamnum
hortor, et ut conjectanea brevi ut habeamus cura qvæso. De typo-
graphia serio cum Domino Cancellario egi atqve tantum obtinui, ut
tibi indulgeretur, ea moderatione, ne qvid inde ad collegam tuum
redundet detrimenti. De qvo fusius tecum ut et cum collega Sculonio
avtoritate Regia acturus est nobiliss. Gabriel Akeleje Secretarius Re-
gius, amicus meus, qvi etiam diploma Regium secum fert, tibi tra-
dendum, si sine detrimento collegæ tui fieri possit. Si qvid Antiqvi-
tatum vestrarum edideris, svadeo per columnas ut fiat, in qvarum
altera textus avtenticus, in altera versio probata; sic per totam Ev-
ropam tuo luero meliori distrahi potest, et non vobis solis inserviet.
Monumentum speluncæ Hitterdalensis, ut et specimen libri istius
Runici in templo Helgafieldensi reperti exspecto hac commoditate,
simul et qvæ de proceribus Sveticis anno præterito nominatis habeas.
Qvæ curata tu volebas, jam ut puto maxima ex parte sunt expedita.
De typographia jam dixi. Piscatus ille plane prohibitus, me singulas
difficultates exponente et in tabula tua topographica demonstrante.
Uxori qvomodo provisum docebit Janus Severinius; summi favorem
agnoscere te puto. De navi oneraria in tractum Grindevicanum
amandanda vobiseum agit præfeetus insulæ, vir bonus, cuj rei neces-
sitatem cum omnibus circumstantiis si exposueris, cavsam vestram
hic commodius åget. Negotiorum publicorum onere obrutum tecum
Laconice agere cogit necessitas, alias deo v(olente) pluribus. Amisi-
mus nuper clariss. Dominum collegam Clavdium Plumium I. V.
professorem p. et popularem vestrum Ionam Vestmannum, virum
certe ingenio variarumqve rerum peritia insignem, cujus obitum
magnopere doleo, qvia mihi fuit familiarissimus. Pavci admodum
hic prostant librorum qvos cupis, eorum avtem qvos tenent nostrates
bibliopolæ mitto catalogum et pretium, ut si qvos eorum cupias
transmitti, annuatim monere valeas. Pillularum panchrestarum mitto
duas doses, ut ubi flagitaverit necessitas ex iis qvindecim una vice