Bibliotheca Arnamagnæana - 01.06.1948, Side 158

s
10
15
20
25
30
35
Ole Worm
116
obstrictam liberare fidem. Sed nunc ad epistolæ capita descendam,
ordine qvo tu, vir clarissime, præivisti. Hortaris ut Conjectanea mea
curem ut brevi habeatis: factum velim, sed alia atqve alia incidunt,
qvominus inoffenso pede progrediar. Cæperam qvidem opusculum
recensere atqve in pericula (sic enim capita inscribere placuit) pro
varietate rerum distribuere vemis mensibus, cum se in lucem et
auram benigniorem aperit annus; duplex intervenit necessitas, qvæ
manum injecit. Principio nebulones qvidam semibatavi portum Ør-
baccanum qvinto milliari Germanico distantem ingrediuntur, merces
effracta institoris taberna egerunt, omnia falsis rumoribus miscent,
et nos inermes præsidio destitutos vasa colligere ac rerum suarum
qvemqve sollicitos omnem eventum expectare svadent. Supervenit
huic motui tabellaria navis ex Dania cum felicioribus mandatis regijs
a præside missa, hæc diplomatis ånåyqafpov exhibuit, qvo omnes
insulæ ordines ad sacramentum serenissimo regi dicendum avoca-
bantur. Cui, ut par erat, obseqvium delaturus cæptam opellam
interjungo, et epistolas ad sacerdotes in omnes diæcesis partes scribo,
ne non regium negotium recte ac diligenter curetur. Itaqve rebus
illis intentum, nec dum perfunctum satis ex animi sententia, depre-
hendit å Commissariis ac præsertim nobilissimo Bielkio præside nostro
missus nuncius, qvo Bessastadas in colloqvium de rebus varijs postu-
lor et proficiscor, reversus ex hoc itinere caussarum ecclesiasticarum
in synodo expediendarum indagine cingor, alijs consilia per litteras
petentibus respondere, alios audire, alios ad synodi cognitionem
citare, datis qvibusqve tempestive litteris, officij ratione cogor. Hine
turbæ convenientium, et in conventu moles insana occupationum
perdium et pemoctem obruit. Domum redeuntem perseqvuntur
agmina viatorum forensium, responsa in loca remotiora omnes po-
stulant uno tempore, qvæ reddant qviqve suis. Dum saxum hoc Sisy-
phium volvo ac revolvo, tacito pede labitur æstas, naves oram sol-
vere minitantur, si qvid ad fautores in Dania scribendum est, furtim
subducere momenta oportet. Interea vero, ne nihil omnino actum
existimes, plagulas aliqvot inchoatæ opellæ, tuæ humanitati primum
censendas et recognoscendas, hine nobilissimo Dno Kragio secretario
offerendas mitto, cui et litteras dåre visum, qvibus et meam tenuita-
tem et perendinationem perfeeti opusculi excuso; dedicare fæturam
informem non audeo, priusqvam hæ laboris primitiæ ut excipiantur
constiterit. Habui in promptu paullo pluscula, qvæ descriptoris ma-