Bibliotheca Arnamagnæana - 01.06.1948, Page 180
s
10
15
20
25
30
138
Ole Worm
Fluxiones ventris sistere dicitur, si cadens in lacte restinguatur, lacque
ipsum sic bibatur. Memini me adolescentem a quodam nugatore
sciolo audivisse non sine magna difficultate ex eo parari posse Orci
vel Plutonis galeam, Islandis Hulenshialm. Ita nobis dicitur, quic-
quid eam håbet a natura vim, ut qui hoc gestaverit occultetur et
nemini sit conspicuus. Hulenshialmur dicitur ab eg hyl, i. e. occulto,
tego, et hialmr, galea. Modum nolebat logodædalus ille indicare,
quem et forsan ignoravit ipse, nisi quod manui et quidem volæ
quasi inseri deberet, ut existeret inter camem et cutem; quod fabulo-
sum admodum et nemini sano persuadendum mihi visum est.
Est porro quiddam, de quo mentionem facere est animus, nimi-
rum si R. Tuæ allubescit scrutari antiquæ nostræ Poéseos hiero-
glyphica dicta et ænigmata. Degit jam nempe inter vos, ut spero,
homo nostras, Gudmundus Andreas, Poeta inter nostros insignis,
multæ lectionis, nec mediocriter subacti ingenii. Accidit illi, ut ob
conscriptum Discursum polemicum in sanctionem quandam nostra-
tium pragmaticam non tam accusaretur, quam veluti turbulenter
ex itinere abriperetur, ita ut necesse ipsi fuerit ad Regiam appellare
Majestatem. Atque ut is possit (Gudmundus scilicet) Dn. amico in
aliquo scrutinio antiquitatis gratificari, mitto illi Voluspaa et
Grimnis maal cum nonnullis annexis ad poesin pertinentibus nec non
literis ad eum vernaculis. Quæ omnia ad tuas optimas manus fide-
liter perferri velim, ob argenteos unciales duos Gudmundi literis
insertos eique transmissos. — — —
Dabam Stadio Rutafiordensium, 15. Augusti an. 1649.
68.
To Einar Arnfinnsson, May 1, 1650.
Einaro Arnfindio Stadium Rutafiordensium.
Studium tuum in colligendis et transmittendis Naturæ raris val de
mihi placet, eo enim spero meo Musæo avctuarium haud leve acces-
surum. Non enim dubito qvin lapides, qvorum mentionem facis
qviqve figura ac pondere a vulgaribus distant, pulchri qvid præ