Bibliotheca Arnamagnæana - 01.06.1948, Síða 182

5
10
15
20
25
30
35
140
Ole Worm
notarunt: y'Ayuqig Uazig ev rra'Jwv dfivrj/iovtl. Contra vero KaXov åé
xstpév't] y.uoig- Qvibus præmissis, ingratum non tam men-
tis impotem qvam bruto similem colligere licet, et sane donum insigne,
imo et aureum et vere divinum, dignosceretur, si formå ut ajunt ada-
mantinå impressa esset gratitudo cordibus humanis. Sed qvia in pluri-
morum non dico omnium mentibus hæc ingratitudinis nota occurrat
et potius ibidem impressa qvasi delitescat, videmus res rerumqve
ordines in pejus ruere, omniaqve retro qvasi lapsa referri. Subditi
erga magistratus ingratissimi, liberi erga parentes, discipuli erga
præceptores, et nescio qvem non sentina hujus mali occupavit; inde
oriuntur tempestates superiorum erga inferiores, qvorum alias animus
gratitudine emolliri qvivit; inde oritur neglectus parentum respectu
puerorum, qvi magno cum ingratitudinis fastidio curam abijciunt
liberorum; inde inuritur cicatrix præceptoris animo, cum videat
suam disciplinam, informationem et pluscula beneficia æqvå (qva
par est) gratitudine non excipi: Hæc ego mecum tacitus perpen-
dens, præceptor qvondam et nunc charissime, omni honoris officio
obseqvioqve præ reliqvis dignissime, vereor ne tuam reverentiam
et dignitatem anno jam præterito oblivione nimirum tuorum in me
meritorum offenderim, qvod si fecero, vel in tuj præsentia vel nunc
etiam in absentia, veniam supplex rogo, promittens me tibi nunc
deinceps qvalem tu esse vis et ego debeo futurum. Rumores nulli
vel domi nati vel peregre allati hine a me transcribi possunt. Ego
(qvæ dei est clementia) pro humili mea conditione vivo et qvod
satis est valeo, laus creatori et conservatori optimo, deo meo. Reliqva
de meis rebus spero reverentiam tuam ex sympatriotis meis satis
superqve perspexisse, utinam benedictio tua et favor singularis laborj
subveniant meo et ad altiora cum die et hora promoveant. Ego, si
usus aliqvando veniat, me tuæ reverentiæ subserviturum sanete pro-
mitto recipio spondeo, officiolum enim erit tibi (in qvacunqve re
potuero) paratissimum, promptissimum. Nunc qvod superest Reve-
rentiam tuam, vir clarissime et excellentissime, Sacrosanctæ Triadi
una cum uxore et liberis dulcissimis charissimis commendatum habeo,
a me tuo discipulo qvam officiosissime salutatus, Vale.
Raptim Holæ in Rev. Tuæ subjectissimus
Islandia boreali. Einarus Magnj Isl.
Anno 1643 3. die Septembris. manu propria.