Bibliotheca Arnamagnæana - 01.06.1948, Page 186

144
Ole Worm
anno futuro ad domus tuæ limine iacebit. Ad extremum vir præ-
ceptor humanissime excellentissime cum coniuge matrona honestis-
sima, liberis dilectissimis ac familia, totoqve officii docendiqve
munere deo t. o. m. fidelissime commendatus æternum vive et vale,
et mihi fave non secus atqve hactenus, tuo patrocinio non dedignare,
qvi hæc scripsi.
Gluckstadii Cimbrorum postridie nonas Octobres anni 1642.
H. R. T. obseqventiss. st(udens).
Gislaus Magnus Isl. m. propria.
Address:
Reverendo clarissimo viro antiqvå virtute et fide præstantissimo, domino
Olao Wormio, facultatis medicæ in academia Regia qvæ Havniæ est doctori
ac professori experientissimo, præceptori, Mæcenati meo ætatem colendo, ad
manus humanissimas.
73-
From Gisli Magnusson, April 1, 1643.
Salutem in Domino plurimam, ex voto prospera qvævis ac
observantiam.
Reverende clarissime Domine Doctor, fautor præceptor honora-
tissime. Etsi nihil admodum in præsentiå sit, qvod præsentes Re-
verentiæ tuæ ex me loqvantur, præter salutationis omina et comites,
gratias beneficiorum erga me tuorum longe maximas, salutis ac
prosperitatis perpetuæ votum devotissimum, rerumqve mearum
tanqvam patrono fautori optime merito indicem nuncium. Erunt
illa humanitati tuæ absenti præsenti omni cum novo mane nova,
qvo ad mei non dememinero, a me paratissima ardentissima, hic
cum datur copia. Proinde clarissime D. Doctor, cum adeo me ur-
geat eorum, qvibuscum præsentes ad Reverentiam tuam dedero lit-
teras, abitus, prolixiori a compellatione præter votum ac animi tui
studiosissimi affectum importune impeditor. Saltem, iuxta qvæ dixi,
præsentis fuerit negotii humanitati tuæ vel unico mea significare
verbo, si tantillum ipsi negotiis a gravioribus otii suppeteret. Anno