Bibliotheca Arnamagnæana - 01.06.1948, Page 187

Gisli Magnusson
145
superiori sub abitum Gluckstadio in Bataviam meum ad Reveren-
tiam tuam memini me qvalescunqve dedisse. Verum et in hoc ipse
mihi perqvam displiceo, a scribendi ad humanitatem tuam occasione
tam diu, post hue qvam veni, exelusum esse me. Amstelodamum eum
sexto Novembris itinere e patriå bimestri tuto tandem pervenissem,
aliqvandiu ibidem hiemavi. Unde hue Lugdunum eum primum
potui per rerum rationem mearum me contuli, moram hic facturus
futurum in autumnum, donec Gluckstadium ad nonas Septembres,
litteras a meis excepturus proficiscar, eum bono Deo, rei philoso-
phicæ, pro ingenii sorte, operæ navandæ gratiå. Hospitio fruor
honesto et commodo, de qvo mihi prospexit præstantissimus Dominus
Erasmus Brochmannus, qvem ad vos bonis avibus propediem redi-
turum arbitror. Juvit humanissimus ille me, qvibuscunqve indige-
bam, opera consilio. Hæc ita breviter, tenui filo ae stylo contexta,
nec R. tuæ oculis aut auribus ut offerentur satis digna, nisi qveis
consvevit humanitatis ae benevolentiæ manibus exceperit, boni
consulat, ae pro eximiå qvå est moris ae amoris dexteritate, qvam
passim spirabant innumera merita erga me tua, condonet obnixe
rog°. Qvibus iam pridem accessit, ut bonam illam ac amantissimam
in binis iam ad patrem meum litteris mei mentionem fecerit (qvam
ut pro humanitate suå subinde rursus siqvid earundem ad eum
æstate dederit faciat etiam atqve etiam rogo) Reverentia tua. Ipse
nosti melius, vir celeberrime, qvam ut id nunc tibi suggestum eam,
qvanto ei gaudio ac spei, mihiqve apud meos amori honorj sit futu-
rum, si absentem me perinde ac præsentem sibi commendatum
habere Reverentiam tuam, mihiqve exteris in his locis (ubi qvieum
sibi vel tantillum necessitudinis aut fidei intercedat, aut præter te
solum cui me comittant, habent neminem) idem qvod olim pa-
trocinium apud eam constare cognoscant. Qvod super est valeat ut
valere velit Reverentia tua unå eum conjuge suå dulcissimå, liberis
dilectissimis ac familiå honestissimå, omnibus a me voto ac omine
fælicissimo Deo devotis, amicissimeqve salutatis. Etiam atqve etiam
valeat vivat vigeat H. t. mihiqve ut solet faveat, qvi hæc raptim
scripsi Lugduni Batavorum, ipsis calendis Aprilis stylo novo anno
1643.
R. t. observantissimus studiosissimus
Gislaus Magnus Islandus mpropriå.
Bibllotheca Arnamagnæana, VII
10