Bibliotheca Arnamagnæana - 01.06.1948, Side 209

Gisli Oddsson
167
qvalemqvalem talem totum offero ac defero. Post mercatorum
nostrorum discessum ad inchoatam visitationem meam pro modo et
modulo hujus Insulæ, venerunt mihi litteræ clarissimi pariter ac
charissimi Domini Doctoris Wormij, pro qvibus, ut reliqvis omnibus
pietatis ac humanitatis officiis ac beneficijs qvam debeo, qvå possum, 5
habeo gratiam. Verum non tulerunt sortes meæ, ut eo tempore
responderem, qvi necessitate officij coactus uxorem cum sobole morti
vicinam relinqvere, visitationis publicæ satagere debui, medicamenta
qvæ Dominus Doctor præscripserat non expertus propter eius aut
imbecillitatem, aut salutarem voluntatem. Jnterim mihi semper in 10
ammo erit Domino meo Doctori et placere et servire, si qvicqvam
esset in facultate mea tenuissima, qvå parte placere et diligere qveam.
De Runibus nostratium nihil mihi suppetit qvod ad vestram dignita-
tem sit referendum, propterea qvod vel pené expirarit per Dei gra-
tiam et propter verbum Dei ejusmodi malitia, aut propterea qvod 15
!psi sibi conscij jam dudum sepelierint hujus facultatis magistri ipsa
etiam monumenta, nescio qvå arte saxis insculpta, adeo ut qvæ ante
qvmqvennium hisce oculis vidi, nihil hunc repperiam, præcipué in
hac Diæcæsi, ubi per singularem gratiam Dei sonat verbum Dei pu-
rum et sincerum, qvantumqvidem mihi constat, neqve tolerantur 20
ejusmodi signorum observatores, nisi magistratus politicus cum aliqvi-
bus conniveat, qvod tamen non fiet me sciente et volente. De cæteris
non est qvod reverentiam et humanitatem vestram molestem, satis
jam domi habeo molestiarum, hoc unicum peto, ut Dominus Doctor
imperet, pro tenuitate facultatum mearum obtemperabo, et si qvan- 25
do res meæ rectius habeant, multo libentius agam qvam dicam cum
debita submissione, ut qvi non amicus esse nolim, in paupere parte
<lvå sum. Si dignissimus Dominus D. dignetur mihi transmittere
pdulas capitis, aut qvædam expectorantia, propter nimium haustum
aqvæ, vel aut inveteratam tussim sive pthisin, qvam vocant, libenter 30
acciperem, mea qvaliacunqve officia vicissim oblaturus, si qvid
Dominus D. mihi injungere velit pro sua voluntate. Deo ter opt.
Max. vestram dignitatem cum uxore castissima et liberis felicissimis
nunc et in ætemum commendatam habeo ad salutem sempitemam.
Dabam Schalholtiæ in Islandia 28 Julij. Anno 1634. 3S
V. Reverentiæ subjectiss.
Gislaus Ottonis
m. propria.