Bibliotheca Arnamagnæana - 01.06.1948, Page 254
s
10
15
20
25
30
212
Ole Worm
eadem hac literatura librum conscripsi, qvem, ni locorum impediret
intercapedo atqve amissionis metus, tibi censendum mitterem. Sed
si qvæ habeas qvibus rem hane illustriorem reddere possis, mecum
ea communicare ut haud graveris rogo. Eddam ac alios literis Runicis
exaratos te possidere libros intellexi, qvorum usum per semestre mihi
indulgere si non graveris, sincere polliceor bona fide per mercatores
nostros remissos aut filio tuo traditos iri. De Ram-Runis qvibus in
magicis usi sunt nostrates hæsito an eædem fuerint notæ cum vul-
garibus an vero diversæ, tu qvæso mentem tuam aperi. Extant adhuc
apud nos monumenta qvædam saxis insculpta qvæ diversam a vul-
gata præ se ferunt literaturam, de qva neminem adhuc reperi qvi me
erudiret; ea igitur tibi mitto ac obnixe contendo, ut qvid de iis
statuas proximis tuis indicare haud graveris. Tryggveldense illud,
qvamvis qvibusdam in lods non usqve adeo sit obscurum, attamen
et tuam desidero explicationem. Vobis facilior multo esse posset hic
labor utpote qvibus antiqva nostra lingva adhuc familiaris: mihi ejus
imperitia remoram crebro injicit, ac doleo imo miror neminem ex
vestratibus hic degentibus reperiri, cujus opera in hoc negotio uti
valeam. Hac in re navatam a te operam honorifica in monumentis
meis mentione deprædicabo, tibiqve vicissim qvævis mea officia
paratissima offero.
112.
From Magnus Olafsson, Aug. 2J, 1627.
Salutem a Deo Patre in Servatore Christo plurimam.
Vir clarissime fautorqve debitå observantia plurimum colende.
Qvod litteras meas anni superioris apud te pondus habere feceris,
filioqve meo de mensa Regiå, et libero Musæo prospexeris, qva pos-
sum animi devotione gratias ago immortales, Deumqve inter cætera
peregrinorum Patronum, ut tibi hujus beneficij largissimus sit re-
munerator, sedulus precabor. Cæterum qvod clariss. Dn. D. de prisca
illa literatura scribit et mittit frustra est; illius non sum peritus, sed
nunc magno meo cum dolore, qvod in re tantilla prodesse non
valeam. Nunqvam enim illam didici certå qvadam de causa, nec