Bibliotheca Arnamagnæana - 01.06.1948, Page 268

226
Ole Worm
Relationes illas attinens, qvas vocant Skiolldunga Søgu, non memini
me legisse, nec scio ubi haberi qveant. Nihil ergo hic expedire pos-
sum. Tantum legi Skiolldum fuisse Regem Daniæ, ejusqve posteros
Skiolldunga appellatos, et etiamnum, ut olim, ex illius nomine Rex
qvilibet Skiolldungur rhytmicé vocatur. Inter Dn. Arngrimum Jo-
nam, præceptorem olim meum semper honorandum, et me tanta
nunc est et tam difficilis locorum intercapedo, ut vix semel aut
iterum in anno inter nos literæ commeent, et omnis fere collationis
spes, qvod utriqve dolet, excludatur.
Vir clarissime, scripsi perperam anno superiore de Runista qvo-
piam, qvem inter nostrates vir magni nominis in Daniam avehendum
pro certo mihi rettulit, sed postea mendacium repperi, malum m
hac terra non tantum per ima serpens, sed etiam per capita saltitans,
qvod mihi ignosci peto. Fælicissime vale, vir clarissime, et mihi ut
cæpisti favere non desinas. Laufasij in Islandia 28. Augusti anno
1632.
T. T.
Magnus Olai.
Filius Benedictus te devotissimo affectu plurimum salutat.
Address :
Clarissimo et doctissimo viro, Dn. Olao Worm, in Academia Hafniensi Doc-
tori medicinæ celeberrimo et professori p., amico meo multis nominibus semper
honorando.
120.
From Magnus Olafsson, Sept. 1, 1632.
Salutem ætemam per Jesum Christum.
Comoranti mihi in portu nostri mercatoris, civis vestri Christofon
Bremensis, oblatus est juvenis Academiæ Havniensis studiosus, cvi
vir clarissimus hoc negotij comendatum habeat, ut exscribat et meam
declarationem rithmicam Danice vertat, si videbitur, ut in litens
attigi, qvia ipsum et pure scribere et Danice scribere animadverti.