Bibliotheca Arnamagnæana - 01.06.1948, Page 272

5
10
15
20
25
30
35
230
Ole Worm
priscarum cantilenarum centuriam tandem videamus. Qvantam enim
non modo delectationem, sed etiam ad antiqvitates nostras recte
intelligendas hæ ferant momentum, indies experimur. Saxonem
certe nostrum tantum iis delectatum animadverto, ut integras qvan-
doqve socco latino emphaticé donaverit. Confer saltim, si vacat,
fragmentum sermonum Biarki a te paraphrasi exornatum cum iis
qvæ håbet lib. 2 p. 29 edit. Francof. Ocyus evigilet qvisqvis se Regis
amicum etc. Non sine delectatione leges qvam pulchre et sensum et
verba Biarkonis sit assecutus. Sed in iisdem Saxonis versibus nodus
occurrit, qvem nemo facile præter te in hisce versatissimum, vir
claiissime, enodaverit. Circa finem Biarco Rutam alloqvitur hisce
verbis:
Die mihi Ruta, precor, usqvam si conspicis illum?
Otthinum intelligit, qvi moribundi animam ad inferos deducturus
erat, cui Ruta respondit:
Adde oculos propius et nostras prospice chelas
Ante sacraturus etc.
Qvid sibi velint chelæ istæ et qvales fuerint, nondum inveni qvi rite
enodaret. Ego arbitror vas fuisse aqva repletum in qvo per hydro-
mantiam effigiem aut umbram Otthini advenientis ostentabat. Alii
chelas signi cælestis Libræ nempe aut Scorpionis intelligunt, prope
qvas Otthinus visebatur. Si nobis esset vemacula cantilena qvæ a
Saxone hic est translata, scrupulus omnis esset exemptus. Hic te nobis
facil em præsta, mi Olavie, et gratam promitto memoriam a viro
doctissimo M. Stephano Stephanio, qvi in Saxone nostro enodando
et a mendis purgando jam totus est; qviqve non me solum sed et
alios hac de re frustra consuluit. Lodbrogii Epicedium ei communi-
cavi, qvod non sine tuo honore suo loco inseret. Nolumus rebus tuis
incommodes hisce vacando, horas aliqvot succisivas nobis tribue
saltim, nec penuria te tardet amanuensis, satis enim et manum et
mentem tuam asseqvimur, solita usus ubi fueris dictione Danica. Tibi
tuisqve inserviendi nostram vicissim experieris promptitudinem. Vale
ac diu felicissime vive. Mitto vestratis Snorronis Sturlæ historiam
Norvagicam mea cura typis commissam, qvam boni consulas rogo,
ac si qvid in ea animadversione dignum offenderis, mone qvæso, ut
cura secunda emendetur. Qvod si Starchateri carmen, qvo bellum
descripsit Bravicum, alicubi apud vos extet, illud nobis procurare
ut haud graveris amice peto. 12. Jun. 1634.