Bibliotheca Arnamagnæana - 01.06.1948, Page 300

258
Ole Worm
qvam proponis vix commode expediri potest nisi ab eo qvi terrarum
istarum tractus viderit et exploratos habuerit. Conjectura qvicqvid
asseqvimur incertum plane est, nisi experientia fulciatur. Utraqve
a te proposita opinio probabilis videtur, sed cui potissimum assentiri
s debeam nondum constat. Navigationem in Grønlandiam hoc anno
duabus navibus instituerunt mercatores nostri, ubi redierint diligenter
expiscabor an qvidpiam observaverint hue facere qvod possit, idqve
Deo volente te non celabo. Vale et ut facis ama. Hafniæ 13. Maji
1652.
10 153-
From Torfi Jonsson, June 30, 1645.
Clarissimo, excellentissimo et experientissimo viro, D. D. Olao
Wormio, Medicinæ in almå Hafniensium Academiå professori publi-
co, Dn. fautori ae Mæcenati magno, Trebonius Jonas Islandus salu-
is tem et officia.
Indulgeas qvæso, clarissime et excellentissime vir, si gravissimas
occupationes tuas tam simpliciter et sine fronte obtudero, eamqve
ut sic dicam petulantiam magis impellenti necessitati qvorundam in
patriå amicorum qvam excusso pudori transcribas. Tanta etenim
20 remotis Islandis claritatis tuæ est æstimatio et nominis celebritas,
non solum propter nunqvam satis laudatam humanitatem, studiosis
nostratibus declaratam, sed maximé propter antiqvitatum Norman-
nicarum, poeseos et lingvæ nostræ culturam, qvibus jam dudum in
tui stuporem et admirationem Evropam omnem convertisti, adeo
25 ut non sit Islandorum unus saltim notæ melioris cui Wormii nornen
eum veneratione qvadam non salutetur. Testem e multis unum pro-
feram, chyrurgum qvendam Magnum Gyssurium nomine, patruum
dilectum, qvi in literis anno superiore mihi transmissis tuam clarita-
tem bonis verbis et ominibus prosecutus debitå simul submissione
30 obtestatur, velit sibi manus auxiliatrices porrigere et pro insigni tuå
prudentiå sana consilia suggerere, qvibus mulierculæ suæ fæminæ
leetissimæ, morbo qvodam affeetæ, mederi qveat. Cui id usu venire