Bibliotheca Arnamagnæana - 01.06.1948, Page 303
Torfi Jonsson
261
J55-
From, Torfi Jonsson, July 28, 164.8.
Clarissimum, experientissimum et excellentiss. virum, Dominum
D. Olaum Wormium, Danorum Machaonem felicissimum et in
Regia Havniensium Academia professorem publicum, Antiqvitatum 5
Normannicarum assertorem et vindicem admirabilem, Dominum
fautorem, Mæcenatem ac præceptorem honoratissimum qvovis ob-
servantiæ cultu demerendum, salvere volo et voveo.
Qvod anno superiore, excellentissime et optime vir, velut ex
orchestra sua in caveam ad nos Hyperboreos descendere et consvetis 10
amoris ac humanitatis suæ radiis ac calore umbram et frigus nostrum
propellere non dedignatus fuerit, haud aliter me min/im)um Excell.
tuæ clientem affecit qvam vemus sol cum sudum est solet enectos
diuturno frigore serpentes afficere; ut enim illi å benigno lucis af-
fectu tepefacti vitam spiritumqve recipiunt, sic ego meliori soli nunc 15
remotus virtutis ac comitatis tuæ radiis percussus, qvos undiqvaqve
mellitissimæ tuæ adsperserunt, e sordibus et turbis molestissimis erec-
tus sum. Illas etenim fideliter fidelis reddidit Mercurius, verum non
alatus, qvandoqvidem tardius paulo qvam optassem ad diem videli-
cet 13. Octobris redditæ sunt. Ovo tempore naves vestratium pro- 20
polarum omnes e portubus anchoras subduxerant ac proinde remora
m qvam inciderunt alloqvium mutuum per continuatas literarum
vices interrupit. Nihilominus intra penitum pectus comitatem Wor-
ntii D. heroicam veneror et venerabor, et humanitatem illam adeo
prolixam et exemplo carentem qvotqvot glacialem hane terram in- 25
colimus jure merito suspicimus et exosculamur, qva jam dudum gen-
tem nostram cæteris contemptam obscuram abjectam scriptis elegan-
tissimis et eruditissimis illustras, qvibus tua claritas utroqve sub polo
sibi immortalitatem nobis vero mentione perhonorifica celebritatem
conciliavit, adeo ut tibi soli tanqvam principi res Normannica immo 30
et patria ac ultima Thule justa sostra debeat, ac sidus illud Wormia-
num sibi suisqve rebus afflictis præfeetum unice cupiat ac exoptet:
sed in tua clarit. ulterius non deprædicabo qvod mirari non
desinam. Ut autem gratissimum mihi fuit cum intelligerem non
displieuisse claritati tuæ simplicem et ut ita dicam cæcutientem 35
obtemperantiam, qva jussis viri excellentiss. parere volui missione