Bibliotheca Arnamagnæana - 01.06.1948, Page 314

272
Ole Worm
elapsa hyeme oculatus fuerat testis. Qvantum vero ad res meas at-
tinet, sciet Reverentia vestra, clarissime D. Doctor et præceptor hono-
rande, me postqvam ab Alma vestra Accademia discessi sine officio
et promotione in patria vixisse nec ullum ex studiolis meis, qvantum
tenuissimis, aliqvem fructum et emolumentum cæpisse, unde victum
et amictum mihi comparare potueram, nec aliqvid habeam unde
vivam aut me aliqvo labore manuario sustentare qveam, cum a
cunabulis a parentibus meis chariss. litterulis consecratus fuerim.
Præterea in patria mea nullos promotores sive in spe sive in re habeo,
qvi mihi bene cupiant præter charissi. seniores meos parentes qvi
loculis et fortunis iam exuti parum apud superiorem magistratum
meo nomine perficere possunt. Interim pater meus D. Gislaus Ionas
pastor ecclesiolæ qvæ est Raffnagill functionem hancce suam et præ-
bendam Raffnagil ultro et sponte, modo superioris magistratus ac-
cesserit voluntas, mihi partim senij sui, partim infirmitatis causa re-
linqvere ex animo cupit, uelut ipsius consensus et avroyqacpor
luculenter commonstrat, qvod patris velle et votum parum in patria
perficit, nisi clariss. et humaniss. præceptoris mei accesserit authoritas
qva å Regia Majestate tale diploma impetrare velit, qvod paternæ
voluntati satisfiat et ego in patemum locum substituar. Ego autem
ex mea parte Divino auxilio et Spiritus S. adminiculo adjutus et
fretus omnem meam industriam et studium in nominis Divini gloriam
et proximi mei aliqvod emolumentum collocaturum promitto, modo
Deus et supperior meus magistratus in hæc patris vota consentierint.
Gratitudinis et amoris ergo transmitto Reverendo Domino præ-
ceptori unam tonnam camium ovillarum cum mercatore nostro
Christophoro Bremensi, qvam mihi bona fide Domino Doctori resti-
tuendam fore promiserat, qvod munusculum clariss. Dominus Doctor
æqvi boniqve susceperit humillime rogo, certo promittens, modo
fortuna accesserit fælicior, me majus et gratius gratitudinis signum
Reverendo Domino præceptori ostensurum. Si ne diutius Reveren-
tiam vestram hac mea barbarie det(i)neam, immortali eam Deo
cum omnibus officijs et negotijs in ætemum commendatam habeo.
Vestræ Reverentiæ subjectiss. minister Theodorus Gislavius m. p-
Scripsi Raffnagil anno salutis 1635, 5. Septembris.
Address:
Reverendo et clarissimo viro Domino Doctori Olavo Worm, profess. publico
in alma Accademia Havniensi, præceptori et fautori meo plurimum honorando.