Bibliotheca Arnamagnæana - 01.06.1948, Page 317
Porldkur Skulason
275
æqviore animo ferrem, si me spes aliqva promotionis porro teneret.
Sed contra est, Reverende Domine D. Nam politici nostri, qvi
Cuncta suo cupiunt sub pede jura premi,
pecunijs corrupti vel ineptissimos qvosqve adolescentulos, vix etiam
extra scholarum limina digressos et liventia terga recenti virgarum
verbere gestantes, ad parochias magis præcipuas promovent, post-
habitis et neglectis his, qvi multa maris et tempestatum pericula et
in patria labores scholasticos sustinuerunt, et multos in sudore dies
transmiserunt. Medelam huic malo qvæsiit adeoqve invenit hoc anno
sympatriota meus qvidam, nomine Ionas Gyssurius, qvi opera claris-
simi viri Domini Doctoris Gaspari Brochmand, præceptoris sui, usus
Regias commendationis litteras nactus est, in qvibus jubet Rex ut
prima qvaqve occasione ad munus ecclesiasticum, qvod e re ipsius
sit, admittatur.
Qvod si et ego te, Reverende Domine præceptor, intercessore
et patrono ad parochiam Hytardal in occidentali Islandiå jacentem
post fata pastoris propemodum emeriti, qvi eam nunc tenet, per
literas Regias adoptarer, operam daturus essem, ut non in ingratum
beneficium illud collatum fuisse Dominus præceptor sentiret ali-
qvando. Qvo si illud minus succedat, periculum fieri velim possitne
impetrari å Magnifico Domino Cancellario et Dominis professoribus,
ut in eorum album statim inscribar, qvi in Germania stipendiis Re-
giis vivunt; qvod si obtinerem statim seqvente anno vos invisurus
essem, non renuente Deo. Sed de his omnibus curam fidelem Deo
et Domino præceptori commissam volo. Si autem penes me esset
optio, illud qvam hoc mallem, uti etiam spero esse impetratu facilius.
Vale Reverende Domine præceptor cum omnibus qvibus bene cupis,
et mihi porro favere non desinas.
Reverentiæ vestræ deditiss.
cliens et discipulus
Thorlacus Sculonius Isl.
Scripsi Holæ Hialltedalensium 25. Augusti 1622.
Ignoscas per Deum rogo, venerande Domine Doctor audaculam
et extemporaneam scriptionem: Responsum seqvente anno avide
exspecto, si per occupationes vestras id præstari possit. Iterum valeat
Reverentia vestra. Salutat vos Jonas Bessonius, qvi hac æstate ad
5
10
15
20
25
30
35
18*