Bibliotheca Arnamagnæana - 01.06.1948, Page 326

284
Ole Worm
I7I-
From Porlakur Skulason, Aug. 26, 162g.
Salutem cum observantiå plurimam precor.
Clarissime Domine Doctor, præceptor honorande, qvod anno
5 proximé præterito nihil scripsi, occupationibus qvam ignaviæ meæ
adscribi malim, qvæ eo tempore qvo naves hine solvebant ita me
distinuerunt, ut vix respirare nedum scribere liceret. De viduitate
Domini Doctoris invitus nuncium accepi, qvippe non ignarus qvan-
tam plagam avulsio tam dulcis et nobilis costæ circa pectus reliqve-
10 rit, sed qvanto majorem dolorem separatio heic parit, tanto majus
pondus gaudii illic in vita æternå congregatio nostra cum electis Dei
absqve omni dubio est allatura. Edoctus sum å nostro Gunnero
Dominum Doctorem sollicitari å Domino Arngrimo Ionå de acqvi-
rendo ipsius nomine usufructu aliqvot fundorum hujus cathedralis
15 Ecclesiæ, qvorum reditibus ego nunc utor ad familias sustentationem;
qvocirca hoc mihi apud Dominum Doctorem et præceptorem spon-
deo, ut ne meo detrimento Domino Arngrimo inserviat aut grati-
ficetur: alenda hic est numerosa familia præter docentes et discentes
in scholå triviali, qvibus tantum decedere necessé est qvantum ex
20 meis reditibus imminuitur. Librum Eddam latinitate donatum å
Domino Magno Olaio cum hisce literis transmitto ad Dominum
Doctorem, si forte eum prius inspicere libeat qvam ad Magnificum
Dominum Cancellarium deferatur. Interpres, ut Dominus Doctor
videt, nullam aut exiguam accurationem adhibuit in translatione,
2s forte materiam multo labore et curå indignam existimans: præterea
mendis graphicis procul dubio multis scatet, neqve enim ausus sum
tantisper librum apud me retinere, dum emendatior exseriberetur,
et sicubi opus esset corrigeretur.
Venit ad vos Haldorus qvidam nostras studiorum gratiå, qvi me
30 rogavit ut se Domino præceptori commendarem, qvod qvia polli-
citus sum libenter facio, rogans ut Dominus Doctor paupertati hujus
adolescentis consulens curet, ut qvam primum regiå eleemosynå
alatur, mercedem å Deo et å nobis gratitudinem recepturus. Vale
præceptor honorande, Academiæ et bonis omnibus qvam diutissime
35 superstes.