Bibliotheca Arnamagnæana - 01.06.1948, Page 338

296
Ole Worm
183.
To Porldkur Skulason, May g, 1638.
Thorlaco Sculonio Episcopo Holensi.
Gratum mihi fuit, Episcope vigilantissime, manum et mentem
tuam ex literis agnoscere; mentem, inqvam, mihi pristino amoris
affectu adhuc addictam, qvam ut merito exosculor ita vicissim in
amico ut nullam bene merendi occasionem desiderare valeas allabo-
rabo. Qvamvis benignitate divina hactenus ex voto cuncta ceciderint,
anno tamen præterito pestiferum hic sæviens contagium dulcissimam
mihi eripuit conjugem, animum adeo dejecit ut mundanarum harum
pertæsus nec officii munere commode vacare, nec amicis ex voto
servire valuerim, ae parum abest qvin in hac ingravescente mea
ætate dolori pæne succumbam. Te interim felicibus gavdere rerum
successibus ex animo gavdeo, valetudine licet infirmiori qvam utinam
præsenti consilio et auxilio erigere liceret. Affectum ut tester ex-
ercitationem mitto qvam nuper de conservanda sanitate publica ex-
posui ventilationi, velim ex ea fructus aliqvis ad te redundet. Ei
annexum vides de unicomu corollarium, qvo mentem meam de hoc
osse ex iis qvæ per amicos videre datum declaro, vulgi errores et
mendacia detestans. Si qvid huic illustrando habeas, boni publici
ergo communices rogo. Cranium cum dente apud Magnificum
nostrum vidi Cancellarium et alias pluribus deo volente delineabo.
Qvia haud raro ad vos defertur hæc bellua, ejus integram delineatio-
nem maximopere expeterem, dentem qvia tanti enim vulgo fit non
cupio, sed partes alias corporis, corium, pinnas, cavdam, aut tale
qvid haberi si potest, procura qvæso; animus enim est in eo accurate
delineando laborare. Hugonis promissam historiam expecto. Svenoni
nostro, juveni ingenuo et modesto qvi meis conatibus etiam bene
cupit, fave qvæso. Ecclesiæ et scholis utile organum futurum plane
confido. De lavtiuscula prospectum cuperem conditione, ut ejus ope-
ra ut hactenus ita porro in antiqvitatibus eruendis commodius uti
possemus. Vale. 9. Maji.