Bibliotheca Arnamagnæana - 01.06.1948, Page 342
300
Ole Worm
vides, dente nullo præter unicum illum insignem et conspicuum ar-
mata fuit, branchias nullas sed branchiarum loco ossa came et pelle
mollicula obducta habuit, locus respirationis supra pulmones est post
occipitium, ut in figura delineatum vides. Nisi me memoria fallit,
s bellua illa ut plurimum ad viginti aut triginta ulnas Islandicas in
altitudine exsurgit. Dominum Suenonem qvo promovero ex ipsius,
ut spero, literis cognosces; feci qvod Deo propitio et salvå conscien-
tia potui; ille bonus juvenis Spartam suam egregié ornat.
Dolendum, vir excellentissime, judicas ne unum qvidem apud vos
10 nunc esse nostratem literis humanioribus dedicatum, et nos dolemus
et deploramus eo rem nostram non dico a societate illa Islandica
deductam esse, ut ad summas angustias redacti vix in patria vivere,
nedum studiosos in Dania sustentare valeamus, cui qverelæ nec pau-
ca verba nec paucæ sufficiunt lachrymæ; sed hæc missa sunto.
15 Meus ex sorore nepos Einarus Magni filius Academiam vestram
salutaturus abit, eum ut favore tuo et patrocinio dignum judices
tam volo, qvam qvod possum maximé, nec te facturum diffido. Est
qvantum intelligere potui ingenuus et ad bonas literas et pietatem
propensus, habebis igitur eum qvo me qvondam loco habuisti.
20 Est qvod me valde angit, cujus rei conscium fieri Dominum
præceptorem volui; annum jam secundum cartam edition! Biblicæ
debitam frustra expecto, non sine insigni liberorum meorum
jactura, si interea temporis re semiconfecta emoriar; utinam libera
nobis essent eum qvavis gente, uti qvondam fuere, commercia; habe-
25 rem jam ex Anglia invectam. Sed eum illud sit Regiå authoritate
negatum, orandus mihi es ut apud illustrem et generosissimum Do-
minum Cancellarium hujus meæ necessitatis memineris. Mitto histo-
riam aliqvot Regum Danorum idiomate Norvegico consignatam,
mitto qvoqve massulas duas, naturæ ut puto metallicæ, in monte
30 qvodam ex terra argillosa erutas; ubi non in exigua copia inveniri
audio. Vale, præceptor honorande, fautorum optime, et mei qvod
facis mentionem bonam apud magistratum facito ubi opus erit; ego
vicis[sim] tibi animo et precibus devotis qvo ad vixero inserviam.
I[terum] et æternum vale.
35 Holæ in Islandia die 7. Septembris Tuus ex an[imo]
anno 1639. Thorlacus Sc[uloni]us
mp.