Bibliotheca Arnamagnæana - 01.06.1948, Page 344
3°2
Ole Worm
188.
From Porlåkur Skulason, Sept. g, 1640.
Clarissime et excellentissime Domine Doctor, præceptor qvovis
officii genere dum vixero colende. Lætor te a febrili incursione
liberatum privato simul atqve publico bono adhuc superstitem esse.
Utinam qvam maxime diuturnum sit illud tum Academiæ Haff-
niensis tum amicorum gaudium. Ego cum morbo mihi familiari con-
flictor, luctatore tanto validiore qvanto est pertinacior. Deus autem
mihi victoriam victo tandem tribvet. Inter omnia si qva mihi hoc
anno sinistra acciderunt gravissimum erat de Magnifici et Illustris
Domini Cancellarii obitu nuncium, Herois tanto mihi magis deside-
rati, qvanto me indignum fauore suo magis fovit et complexus est;
sed qvia sic volvit divina dispensatio ferenda etiam hæc aduersitas
et spe restitutionis omnium edulcanda. Fac qvod scribis, præceptor
honorande, ut opera tua et intercessione hunc Magnificum Domi-
num Cancellarium gens nostra æqvé faventem experiatur atqve
alterum illum experta est, cujus memoria est in benedictionibus.
Non ausus sum illi literis meis hac vice, utpote nec de facie nolo
obstrepere, qvod si porro audendum et per humanitatem viri licere
putes, svade. Interim Magnificentiam ejus bonis ominibus et piis
precibus, ceu faciendum est, usqve proseqvar.
Qvod nostra ti Einarulo favoris et auxilii impendis, tam gratum
mihi est qvam si filiolo proprio esset impensum; Deus tibi vicissim
posteritati tuæ et familiæ universæ benefaciat, me vero antea tibi
obstrictum majori adhuc beneficio eo ipso obstrinxisti, est enim pau-
per, peregrinus et orphanus, tantoqve tui patrocinii magis indigus.
Sed et duo aut tres juvenes modo ex schola nostra dimissi Acade-
miam vestram discendi gratia invisunt, ii tuam et reliqvorum Pa-
trum Academicorum operam implorant, ut qvam primum eorum
albo inscribantur, qvi munificentia Regia aluntur, studiosorum.
Magnum enim iter cum magna molestiå emensi nec satis a pecunia
instructi, unde victum comparent vix alioqvin habebunt, qvod vestra
pietas æqvius et prudentius qvam ego scribendo insinuare qveam
pensabit.
Biblia nostra sub prælo sunt, et jam tandem usqve ad Librum
Ieremiæ deventum. Deus reliqvo labori benedicat. Chartam tandem