Bibliotheca Arnamagnæana - 01.06.1948, Page 352
5
10
15
20
25
30
310
Ole Worm
ubi fueris purgante qvotidie hora 7. matutin. ex conserva mane
sumes qvantitatem nucis juglandis in cultri apice, per horam a cibo
et potu abstinendo. Circa horam 3. pomeridianam ex aqva antiscor-
butica 3 aut 4 sumenda sunt cochlearia. Hoc continuabis, qvousqve
suffecerint medicamenta. Sed ubi dimidiam partern circiter absump-
seris, rursum utere pulvere purgante, ut ante, sic qvoqve ubi totum
consumptum. Qvod restat pulveris serva in usus necessarios. Deniqve
linimentum hic vides, cui intinges penicillum ex lino carpto confec-
tum, et aliqvoties singulis diebus vacillantes dentes diligenter eo
frica; firmabit eos et integritati restituet. Pro medicamentis exposuit
M. 11 mark cum dimidio.
196.
From Porlakur Skulason, Sept. 2, 1644.
Salutem a domino precor.
Clarissime et experientissime vir, præceptor honorande. Ad
priora tua, qvæ erga me extant beneficia, eaqve tum plurima tum
maxima, tandem fidelis illa pro valetudine mea sollicitudo cumulum
ad(d)idit. Deus videat et retributor existat, utinam aliqva in re tibi
vicissim gratificari possim; jam dudum enim id a me deberi non
ignoro. Medicamentis qvæ misisti ex præscripto tuo utar, si deus
vires et vitam suppeditabit, futurum sperans, ut afflictæ valetudini
sint profutura, Deo autem rei eventum committo, in utrumqve
paratus, sive vitam diutumiorem sive fælicem ex hac miseriarum
valle egressum largiri malit, qvorum hoc illo multo magis fortassis
expetendum est. Tædet enim et pænitet præter privata incommoda
(qvæ interdum non desunt) etiam publicam calamitatem invitis
auribus indies audire, sed manus Domini omnia hæc cum vult
mutat, dabitqve post nubila solem. Nobis in hac extrema orbis ter-
rarum insula, Rege nostro clementissimo in adeo difficili et pericu-
loso bello detento, Turcarum et aliorum latronum horror instat,
Deus nos inermes et omnibus ad nos deffendendos et tutandos viribus
destitutos sub alarum suarum umbra protegat, et ut lætiora subinde