Bibliotheca Arnamagnæana - 01.06.1948, Page 389

Appendix
347
19. From Stephanius, May 16, 1639 (WE I 182-83).
------vehementer mihi placuit Glossarium istud priscæ lingvæ
Danicæ a te non ita pridem-------mecum benigne communicatum.
Et ut insignes ejus dotes strictim commendem, varias mihi sup-
peditavit Antiqvitates, qvæ locis nonnullis Saxonis mei luculentam
facem allucere possunt. Sic edocuit me scenam Magici cujusdam
apparatus, cujus mentionem facit Saxo Lib. V., qvod nempe hastam
seu contum oblongum, cui cranium eqvi præfixum erat, adversus
hostiles impetus olim erigere consveverint, qvod illi dicebant at reisse
nidstong imod een. Vide in voce Niid. Eodem libro Greppus Ericum
probroso nomine appellat cænum et sterqvilinium: cujusmodi com-
pellationes in usu fuisse apud veteres intelligo ex voce Enderne et
Ohræsse. Proverbium etiam antiqvum in voce Fall extat: Fails er
von ad fornu trie, Ligno.nutanti casus sive cædes speranda. Qvod
reperitur Lib. VIII. å Starchatero prolatum. Didici ex voce Klæm-
hog, obscæna et fæda fuisse vulnera, qvæ qvis dorso seu natibus
exciperet: qvali plaga affectum fuisse Haraldum qvendam et auri-
fabrum å Starchatero Saxo alicubi commemorat. Ex voce Hein
Haraldum VI. de qvo Saxo Lib. XI. Harald Hein cognominatum
fuisse itidem comperi, ob inertiam scilicet animumqve mollem et
effceminatum. Ne de vocibus Blodrefill, Sælur, Berserkur aliisqve
innumeris plura nunc dicam, qvæ olim avv Frw suo loco opportune
notata animadvertes, non sine honorifica tui mentione. Qvum vero
reliqva non pauca etiamnum sint, qvæ per alias occupationes ex-
cerpere ac describere in tanta temporis angustia non licuit, per ami-
citiam te nostram perqve mutuum illum in patriæ antiqvitatibus
indagandis consensum ac concentum rogo atqve obsecro, ut integrum
illud Glossarium å capite ad calcem ab Islando qvodam vel meis
sumptibus describendum cures. In primis velim id sedulo des operam,
ut Historiam istam antiqvam, sive compendium potius Historiæ
Regum Daniæ, cujus crebra in hoc Glossario sub titulo Knitlinga
søgu, præcipue in vocibus Hein et Sælur, fit mentio, ab amico qvo-
dam, qvi solet tibi ejusmodi antiqvitates subministrare, impetrare
possis. Nullus etenim dubito, qvin plurima sese offerrent qvibus
illustrare Livium nostrum Danicum hine inde possem. Sed hæc de
Glossario.
Jam avide exspecto judicium tuum de Edda mea. Et qvidem