Fréttablaðið - 01.04.2022, Blaðsíða 42

Við mælum með að þú
giftist Íslendingi, var
svar þeirra. Það var í
alvörunni þeirra
faglega álit.
Bandarískri samfélagsmiðla-
stjörnu sem rekur ráðgjafar-
fyrirtæki á Íslandi, hefur
verið synjað um dvalarleyfi á
þeim forsendum að hún hafi
ekki sérmenntun í sínu fagi.
Hún segir menntunina ekki
til og flutningur hennar úr
landi yrði harður missir fyrir
íslenskt atvinnulíf.
ninarichter@frettabladid.is
Hin bandaríska Kyana Sue Powers
kom fyrst til Íslands árið 2018. Hún
segist umsvifalaust hafa fallið fyrir
landi og þjóð og ákveðið í þeirri ferð
að f lytja til landsins. „En það var
erfitt að fá landvistarleyfi. Ég gekk á
fund sendiráðsins í Bandaríkjunum
og sagði þeim að ég hlyti að vera að
missa af einhverju í smáa letrinu,“
segir hún. „Við mælum með að þú
giftist Íslendingi, var svar þeirra.
Það var í alvörunni þeirra faglega
álit,“ segir Kyana Sue. „Þannig að ég
hugsaði að kannski væri einfaldara
að búa á Íslandi í þessu ferli. Ég
seldi síðan allt sem ég átti og flutti
til Íslands og sótti um atvinnuleyfi,“
segir hún.
Hafnað af hundrað fyrirtækjum
En atvinnuleitin gekk ekki vel.
„Enginn vildi ráða bandarískan
ríkisborgara í vinnu, ekki síst vegna
þess að það var svakaleg pappírs-
vinna sem þessu fylgdi,“ segir Kyana
Sue, og leggur áherslu á að hún hafi
ekki verið reynslulaus. „Ég var ekki
einhver krakki með enga menntun,
ég er með mastersgráðu. Hundrað
fyrirtæki höfnuðu umsókn frá mér,“
segir hún.
Hún segist hafa fengið ráð um
að læra jöklaleiðsögn til að tryggja
möguleika á starfi. „Það er sérhæfð
þekking og fólk sem þekkir til mælti
með því.“ Kyana Sue segist hafa
lokið þeirri þjálfun í mars 2020, á
sama tíma og heimsfaraldurinn
náði ströndum Íslands. „Eftir að ég
lauk því námskeiði fékk ég atvinnu-
tilboð. Degi seinna fékk ég símtal
frá sama aðila þar sem viðkomandi
sagðist hafa heyrt af nýtilkomnu
ferðabanni Donalds Trump, milli
Bandaríkjanna og Íslands.“ Tilboðið
var í framhaldinu dregið til baka og
samkomubönn tóku við.
Eftirsótt af markaðsdeildum
Kyana Sue segist hafa þráð að búa
hér á landi og því hafi hún brugðið
á það ráð að skrá sig í háskólanám.
„Það er ekki dýrt og ég vissi að það
væri miðinn minn inn í landið.
Ekki að mig vantaði menntunina,
heldur vegna þess að enginn vildi
ráða mig í vinnu svo að ég gæti sótt
um dvalarleyfi vegna atvinnuþátt-
töku,“ segir hún. Kyana sótti nám
við Háskóla Íslands í eitt ár. „Á
þessu ári byrjaði ég að nota TikTok
og Insta-reels af alvöru og þetta
varð stórt. Efnið veitti fylgjendum
mínum innblástur til að koma til
Íslands, ferðast hingað eða f lytja
hingað.“
Kyana Sue segir að þá hafi mark-
aðsdeildir íslenskra fyrirtækja
farið að taka eftir henni. „Ég varð
sérfræðingur í TikTok og Insta-
gram. Fólk kom til mín og bað um
leiðsögn, hvort ég gæti kennt þeim
að gera það sama og ég var að gera
og hvernig hægt væri að nýta þessa
miðla í þeirra vinnu,“ segir hún.
Hvatti þúsundir til ferðalaga
„Ég stofnaði þá næst fyrirtæki sem
sérhæfði sig í einmitt þessu. Þetta
fyrirtæki sér líka um minn eigin
TikTok-reikning, en ég er eina
manneskjan sem sérhæfir sig í akk-
úrat svona efni á Íslandi. Ég er líka
sú eina með vettvang til að hvetja
mörg þúsund manns, ekki bara til
þess að ferðast til landsins, heldur
líka til að f lytja hingað. Það er til
dæmis fullt af erlendum nemum í
háskólanum bara af því að ég var
þar,“ segir Kyana Sue.
Hún segist hafa byrjað á umsókn-
arferlinu fyrir dvalarleyfi á grund-
velli atvinnuþátttöku á Íslandi fyrir
tíu mánuðum síðan, á forsendum
sérþekkingar í sínu fagi. „Í desember
fékk ég bréf þar sem ég var beðin að
útlista frekar í hverju þekkingin
fælist, þar sem nefndin þekkti ekki
nógu vel til.“
Fyrr í mánuðinum var umsókn-
inni hafnað á þeim forsendum að
Kyana Sue hefði ekki sérmenntun á
sviði samfélagsmiðlunar og að auk
þess væri verið að vernda íslenskt
vinnuafl. „Eins og ég væri að stela
vinnu af Íslendingunum? En ég er
með íslenska verktaka og get sannað
það. Hver einasti viðskiptavinur
hefur komið til mín, en ég leita þá
ekki uppi utan úr bæ. Að ég færi úr
landinu væri missir fyrir íslenskt
atvinnulíf,“ segir hún. „Fyrir utan
það að ég veiði þúsundir manns inn
í landið í gegnum ferðamennsku.“
Kyana Sue segist hafa 23 daga til
þess að pakka saman. „En ég þarf að
berjast, allt líf mitt er hér og ég hef
ekkert annað við að vera. Ég hef fest
sterkar rætur í íslensku samfélagi,“
segir hún og bætir við að hún sé að
vinna að heimildarmynd um bar-
áttu sína fyrir dvalarleyfi á landinu
sem verður frumsýnd á mánudag.
„Við erum að sjálfsögðu að áfrýja,
en það tekur 24 mánuði. Ég hef 24
daga.“ ■
Útlendingastofnun gefur lítið
fyrir fyrirtæki og frægð á TikTok
Útlendingastofnun hefur gefið Kyönu Sue Powers 24 daga til að flytja af landi brott. FRÉTTABLAÐIÐ/ANTON BRINK
Þorgrímur Þráinsson,
rithöfundur
Ég er alltaf með One of these nights
með Eagles á heilanum.
Þorvaldur Davíð Kristjánsson,
leikari
Nýja sænska Eurovision-lagið, Hold
me closer með Corneliu Jakobs.
Tara Margrét Vilhjálmsdóttir,
aktívisti
Já, reyndar, það er Wrecking Ball
með Miley Cyrus.
Páll Óskar Hjálmtýsson, stjarna
Akkúrat núna er ég með lag á heil-
anum sem er f lutt af ungri popp-
stjörnu. Hún heitir Kali Uchis og
lagið heitir Fue mejor. ■
Ertu með eitthvert
lag á heilanum?
ninarichter@frettabladid.is
„Þetta er viðburður þar sem
krakkar eru með valdið,“ segir Kara
Hergils Valdimarsdóttir, kynn-
ingar fulltrúi þátttökuverksins
Barnabarsins, sem sett verður upp í
Norræna húsinu 9.-10. apríl. Barna-
barinn er hluti af Barnamenningar-
hátíð í Reykjavík.
„Þetta er viðburður þar sem
krakkar eru með valdið. Þau að
bjóða fullorðnum að koma og
upplifa Barnabarinn. Þar er hægt
að fara á trúnó með barni, hægt að
kaupa klippingu frá barni, fá tattú
frá barni og fá skemmtilegan kokk-
teil. Það verða alls konar uppá-
komur á þessum bar. Þetta er rými
þar sem börnin stýra og fullorðnir
hlýða,“ segir Kara. Á Barnabarnum
eru ýmsar reglur. „Þarna ríkja lög-
mál, þarna er til dæmis bannað
að segja orð eins og á morgun og
kannski. Þetta snýst um að vera í
núinu,“ segir hún.
St jór nendu r og stof nendu r
Barnabarsins eru Salvör Gullbrá
og Hrefna Lind. „Salvör er búin að
vera með verkefnið Krakkaveldi
í svolítinn tíma.“ Í fréttatilkynn-
ingu vegna viðburðarins segir að
Krakkaveldi sé lýðræðislegt sviðs-
listaverkefni þar sem krakkar
halda pólitíska fundi, gera gjörn-
inga og skrifa ráðamönnum bréf.
„Krakkaveldi snýr að því að láta
börnin stýra. Þau fá að búa til sína
útópíu og skapa út frá sinni lífssýn.
Þetta er þannig annað verkefni en
unnið innan þess ramma,“ segir
Kara.
Hægt er að nálgast miða á Tix.is,
en frítt er inn á viðburðinn. ■
Barnabar þar sem börnin stýra og fullorðnir hlýða
Hægt er að fá sér tattú á Barnabarnum. MYNDIR/SVANHILDUR G. KRISTJÁNSDÓTTIR Salvör og og Hrefna Lind.
24 Lífið 1. apríl 2022 FÖSTUDAGURFRÉTTABLAÐIÐLÍFIÐ FRÉTTABLAÐIÐ 1. apríl 2022 FÖSTUDAGUR