Fréttablaðið - 04.05.2022, Síða 29

Hvaða sjónarmið skipta þig mestu
máli við sveitarstjórnarkosning-
arnar 14. maí nk.?
„Hugsum hnattrænt, tökum til
hendinni heima“ er orðatiltæki sem
á vel við þegar kosningar til sveitar-
stjórna eru á næsta leiti. Verndun
umhverfis og náttúru er hnattrænt
viðfangsefni og verður ekki leyst
nema með víðtækri alþjóðlegri
samstöðu. Allar athafnir og allt
það hirðuleysi sem einstaklingar
og samfélög okkar Jarðarbúa sýna
af sér ákvarða niðurstöðuna fyrir
Móður Jörð. Hvert og eitt sveitar-
félag á Íslandi er þannig bæði hluti
af vandanum í umhverfismálum –
og lykill að lausninni á þeim sama
vanda. Hvernig til tekst skiptir
börnin miklu máli, hvernig við
búum í haginn fyrir þau, sköpum
þeim mannvænt umhverfi sem
byggir á sjálf bærum lausnum og
framleiðsluháttum.
Umhverfisvernd er því sveitar-
stjórnarmál! Úrgangur heimila og
fyrirtækja, verndun stranda og líf-
fræðilegrar fjölbreytni, loftgæði,
frárennsli og losun gróðurhúsaloft-
tegunda. Þetta eru flókin mál og þau
snerta fjölþætta hagsmuni og hafa
útgjöld í för með sér. Útgjaldaliðinn
er skynsamlegt að leysa með því að
beita mengunarbótareglunni; sá
sem mengar borgar. Að hafa hömlur
á sterkum sérhagsmunum getur
verið erfiðara. Til þess þurfa sveitar-
stjórnir að hafa sterk bein!
Hér á eftir fara fjórar spurningar
sem má leggja fyrir frambjóðendur:
Spurning 1 – Úrgangur
og hringrásarhagkerfið
Úrgangsmálin eru á forræði sveitar-
félaga. Í samanburði við okkar
nágranna erum við Íslendingar
skussar í þessum málaflokki; mikill
úrgangur, endurvinnsla takmörkuð
og stærsti hlutinn fer til urðunar.
Áralöng umræða og umbætur í smá
skömmtum hafa ekki skilað miklu.
Nú blasir við að gera þarf mun betur.
Samkvæmt breytingum á lögum
verður skylt að safna við heimili
lífrænum eldhúsúrgangi, plasti og
pappír og pappa. Þá verður einnig
skylt að safna textíl, málmum og
gleri í nærumhverfi íbúa. Breyting-
arnar taka gildi 1. janúar 2023.
Hvað ætla frambjóðendur í þínu
sveitarfélagi að gera til að kippa
þessu í liðinn?
Spurning 2 – Loftslagsbreytingar
og staðbundnar aðgerðir
Að koma í veg fyrir hættulegar
breytingar á loftslagi af mannavöld-
um er mikilvægasta viðfangsefni
samtímans. Í lögum segir að sveitar-
félög skuli setja sér loftslagsstefnu
sem innihaldi skilgreind markmið
um samdrátt í losun gróðurhúsa-
lofttegunda og kolefnisjöfnun starf-
seminnar ásamt aðgerðum svo að
þeim markmiðum verði náð.
Hvað segja frambjóðendur um
loftslagsstefnu sveitarfélagsins, ef
hún hefur þá yfirleitt litið dagsins
ljós? Eru áformaðar aðgerðir sýnd-
arleikur eða raunverulegar?
Spurning 3 – Náttúruvernd
og brýn nauðsyn
Náttúruverndarlög hafa það mark-
mið að við samskipti manns og
náttúru spillist hvorki líf eða land,
loft eða lögur. Þá kveða lögin á um
vernd tiltekinna vistkerfa og jarð-
minja sem forðast ber að raska
nema brýna nauðsyn beri til. Hér
má nefna votlendi, eldvörp, eld-
hraun, sjávarfitjar og leirur. Stjórnir
sveitarfélaga þurfa reglulega að taka
ákvarðanir um framkvæmdir sem
valda skaða á náttúrunni, t.d. um
lagningu vegar yfir votlendi eða
um skógarreit, landfyllingu yfir
leiru, grænt útivistarsvæði undir
mannvirki.
Væri ekki tilvalið að spyrja fram-
bjóðendur hve þungt náttúruvernd-
arsjónarmiðin vega þegar teknar
eru ákvarðanir um framkvæmdir
– og hvað telst brýn nauðsyn?
Spurning 4 – Loftgæði
og nagladekk
Um 60 Íslendingar deyja árlega
ót ímabær t veg na neik væðra
áhrifa loftmengunar á heilsufar.
Miklu f leiri glíma við veikindi og
vanlíðan vegna loftmengunar.
Rannsóknir sýna að bílaumferð á
ríkan þátt í loftmengun á höfuð-
borgarsvæðinu og á Akureyri.
Enn fremur að loftmengun eykst
mjög mikið þegar nagladekk eiga
í hlut. Reynslan erlendis sýnir að
draga má úr notkun nagladekkja
og þar með loftmengun án þess að
umferðaröryggi minnki. Í Noregi er
með góðum árangri beitt gjaldtöku
fremur en banni til að takmarka
notkun nagladekkja.
Hvernig hyggjast frambjóðendur
í þínu sveitarfélagi draga úr loft-
mengun vegna bílaumferðar?
Við kjörkassana skiptir máli
að hafa hugann við náttúruna og
hvernig verndun hennar er best
borgið. n
Kjósum fólk og flokka
til verndar lífi og heilsu
Tryggvi
Felixsson
formaður
Landverndar
Engin töfraformúla er til fyrir góðu
og hamingjuríku lífi. Margir – þar
á meðal höfundur þessa pistils –
hafa hins vegar farið í þveröfuga
átt, í óheilbrigt samband við áfengi
eða önnur vímuefni. Þar ríkir lítil
hamingja.
En það er til töfraformúla fyrir
því að losna úr þessu óskemmtilega
faðmlagi og hún er vel þekkt – að
fara í meðferð og viðhalda edrú-
mennskunni eftir það.
Töfrarnir eru áþreifanlegir. Ekki
aðeins fyrir einstaklinginn sem
snýr við blaðinu, heldur líka fyrir
aðstandendur, vini, samstarfsfólk
og í raun allt þjóðfélagið.
Það er mikill feginleiki sem fylgir
því að komast í meðferð, að vera
komin í öruggt skjól og finna þá trú
sem starfsfólkið hefur á að árangur
náist, þó svo maður sjálfur finni
það ekki. Svo þegar tíminn líður
þá áttar maður sig á hvaða starf fer
í raun og veru fram í meðferðinni.
Galdurinn felst í trú annarra á að
árangur náist, því maður sjálfur
er svo búinn á því. Þessi trú og
þessi stuðningur gefur þann kraft
sem þarf til að halda áfram, taka
næstu skref.
Starfsfólkið hjá SÁÁ, sem
sinnir því þakkláta starfi að
aðstoða fólk við að bæta lífs-
gæðin með breytingu á lífi
sínu, f innur ekki síður
fyrir töfrunum.
Það er því einkar
v ið e ig a nd i að
nú, þegar Álfa-
sala SÁÁ er að
hefjast í 34. sinn,
skuli Álfurinn vera
í l ík i töf ramanns.
Hann minnir svo sannarlega á
galdurinn sem felst í því að ná
tökum á fíknisjúkdómnum.
Töfrarnir væru ekki þeir
sömu ef SÁÁ nyti
þe s s ek k i hvað
landsmenn t aka
Álfasölunni alltaf
vel. Þær tekjur gera SÁÁ
kleift að auka aðgengi að
því öf lugu meðferðarstarfi
sem samtökin halda úti. n
Töfraformúlan
Við kjörkassana
skiptir máli að hafa
hugann við náttúruna
og hvernig verndun
hennar er best borgið.
Anna Hildur
Guðmundsdóttir 
formaður SÁÁ 
Það er því einkar við-
eigandi að nú, þegar
Álfasala SÁÁ er að
hefjast í 34. sinn, skuli
Álfurinn vera í líki
töframanns.
TILVALIÐ Í HÁDEGINU
FISKIVEISLA
3 tegundir af ferskasta fiski dagsins
GRILLAÐUR – PÖNNUSTEIKTUR – OFNBAKAÐUR
Borinn fram með fersku salati, smælki, og citrus beurre blanc.
2.900 kr. á mann
Aðeins framreitt fyrir allt borðið
APOTEK Kitchen + Bar Austurstræti 16 Sími 551 0011 apotek.is
MIÐVIKUDAGUR 4. maí 2022 Skoðun 13FRÉTTABLAÐIÐ