Fréttablaðið - 16.06.2022, Blaðsíða 12

n Halldór
n Frá degi til dags
ÚTGÁFUFÉLAG: Torg ehf. STJÓRNARFORMAÐUR: Helgi Magnússon FORSTJÓRI OG ÚTGEFANDI: Jón Þórisson RITSTJÓRI: Sigmundur Ernir Rúnarsson ser@frettabladid.is, FRÉTTASTJÓRAR: Aðalheiður Ámundadóttir adalheidur@
frettabladid.is , Garðar Örn Úlfarsson gar@frettabladid.is . Fréttablaðið kemur út í 80.000 eintökum og er dreift ókeypis á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni.
Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSN 1670-3871 FRÉTTABLAÐIÐ Kalkofnsvegur 2, 101 Reykjavík Sími: 550 5000, ritstjorn@frettabladid.is
VEFSTJÓRI: Einar Þór Sigurðsson einarthor@frettabladid.is, MARKAÐURINN: Guðmundur Gunnarsson ggunnars@frettabladid.is, HELGARBLAÐ: Björk Eiðsdóttir bjork@frettabladid.is MENNING: Kolbrún Bergþórsdóttir
kolbrunb@frettabladid.is ÍÞRÓTTIR: Hörður Snævar Jónsson hoddi@frettabladid.is LJÓSMYNDIR: Anton Brink anton@frettabladid.is FRAMLEIÐSLUSTJÓRI: Sæmundur Freyr Árnason sfa@frettabladid.is
Sam-
fylkingin,
Sjálfstæðis-
flokkurinn,
Viðreisn
og Vinstri
græn glíma
við tilvist-
arkreppu.
Mark-
miðin kalla
á græn
orkuskipti
og afla þarf
grænnar
orku.
Sigmundur Ernir
Rúnarsson
ser
@frettabladid.is
Nú í vikunni lýkur Alþingi störfum að sinni og
verða ýmis mikilvæg mál afgreidd. Meðal þeirra
eru þrjú mál sem ég lagði fram á þessu ári. Segja
má að kyrrstaðan sé rofin og enn eykst krafturinn
í loftslagsmálunum.
Helst ber að nefna að þinginu tókst að ná
samstöðu um afgreiðslu þriðja áfanga ramma-
áætlunar. Áætluninni er ætlað að skapa jafnvægi
milli verndar og nýtingar náttúruauðlinda okkar
Íslendinga. Þingið á að taka rammaáætlun til
umfjöllunar á fjögurra ára fresti. Ekki hefur náðst
að afgreiða málið í níu ár en það hefur verið lagt
fram fjórum sinnum. Háleit markmið ríkis-
stjórnarinnar í loftslagsmálum og niðurstaða
grænbókar um stöðuna í orkumálum, virðist hafa
gert þingi og þjóð ljóst að ekki stendur lengur
til boða að bíða. Markmiðin kalla á græn orku-
skipti og afla þarf grænnar orku. Bæði með því að
nýta betur þá innviði sem við þegar búum að en
einnig með nýjum virkjunum. Það er því sérstakt
fagnaðarefni að þinginu hafi loks tekist að klára
þetta erfiða verkefni sem rammaáætlun hefur
reynst vera.
Þingið samþykkti einnig tvö frumvörp sem
eru liðir í að markmið um kolefnishlutleysi og
græn orkuskipti náist. Annars vegar að stækkun
virkjana á svæðum sem nú þegar eru röskuð þurfi
ekki að fara í gegnum ferli rammaáætlunar, sem
auðveldar aukningu á afköstum virkjana sem nú
þegar eru til staðar. Hins vegar frumvarp um nið-
urgreiðslur vegna húshitunarkostnaðar, sem felur
í sér breytt fyrirkomulag stuðningskerfis vegna
umhverfisvænnar orkuöflunar og bættrar orku-
nýtingar fyrir þá sem hita hús sín með raforku.
Núverandi stuðningskerfi hefur reynst f lókið og
óskilvirkt og er þessi breyting því kærkomin.
Ljóst er að þau háværu gífuryrði sem heyrst hafa
úr ranni stjórnarandstöðunnar um að ríkisstjórn-
in aðhafist ekkert til að ná loftslagsmarkmiðum
Íslands eru rangar. Við sýnum það með verkum
okkar að okkur er full alvara. n
Kyrrstaðan rofin
Guðlaugur Þór
Þórðarson
umhverfis-, orku-
og loftslagsráð-
herra
 ser@frettabladid.is
Matseðlarnir
Það er næsta vonlaust fyrir
íslensk gamalmenni að fara út
að borða. Skrifari þessara orða
varð þessa var á veitingahúsi
á dögunum, en þar sátu hug-
umprúðir öldungar, líklega hjón
til heilmargra ára og virtust vera
að leita að matseðlinum. Eftir
nokkra leit veifuðu þau þjóni,
sem benti orðalaust á einhvern
kóða í borðplötunni, en hjónin
voru litlu nær, höfðu aldrei
þurft að skoða matseðil á síma-
skjánum sínum. Svo þau veifuðu
þjóninum aftur, svolítið pirruð
á svip – og spurðu hreinskilnis-
lega hvort þau gætu ekki bara
fengið útprentaðan seðilinn. Og
það stóð ekki á svari: English
please …
Enskumælandi
Enskumælandi þjónar eru að
verða eitt helsta einkennistákn
íslenskra veitingahúsa – og nú
er svo komið að venjulegum
kúnna bregður við að hitta fyrir
íslenskumælandi frammistöðu-
mann – og gott ef hann fer bara
ekki í kerfi ef hann mætir einum
slíkum, altso, vefjist tunga um
tönn. Og talandi um heldra fólkið
á Íslandi: Það á ekki bara erfitt
með að fara út að borða heldur
líka að verða innlyksa í landinu,
svo tæknilega-tungumála-frá-
hrindandi er að komast klakk-
laust í gegnum Isavia-rugludellu-
Leifsstöðvar-limbóið. n
FRÉTTAVAKTIN
KL. 18.30
Fréttaumfjöllun fyrir alla.
í opinni dagskrá á virkum dögum
á Hringbraut og frettabladid.is
Það er nokkur ráðgáta að Framsóknar-
flokkurinn skuli vera lukkulegastur
allra stjórnmálaafla á Íslandi um
þessar mundir. Stóra spurningin
er auðvitað hvort hann hafi unnið
til þeirra vinsælda sem hann nýtur í hverri
könnuninni af annarri – og það sem meira er, í
kosningum sömuleiðis.
Flokknum hefur oft verið legið á hálsi fyrir að
vera hækja Sjálfstæðisflokksins og haldið fyrir
vikið íhaldinu að völdum, einkum og sér í lagi
í landsstjórninni, en einnig í sterkum sveitar-
félögum.
Nú bregður hins vegar svo við að hann leitar
til vinstri í höfuðborginni eftir frækinn kosn-
ingasigur og virðir hægrimenn ekki viðlits á
þeim bænum.
Þetta er höfuðeðli flokksins. Hann er opinn í
báða enda – og hefur löngum verið örlagavaldur-
inn við myndum meirihluta í íslenskri pólitík.
Hér hefur áður verið skrifað um velmegun
Framsóknarflokksins og vöngum velt yfir því
hvort ytri aðstæður séu honum hagfelldari en
öðrum flokkum. Ofan í heimsfaraldur brýst út
Evrópustríð með þeim óskapans fylgikvillum
sem óðaverðbólga og matvælakreppa eru,
aðeins rífum áratug eftir efnahagshrun.
Mildi miðjunnar er kannski svarið við þessu
árans basli – og kannski eru tímar öfganna að
baki, þar sem frjálshyggja þykir jafn ónýt og
ríkisvæðing. Og gott ef það er ekki bara beinlínis
heimilislegt að kjósa Framsókn fyrir vikið, á
sama hátt og fólk byrjaði að gera við fötin sín og
heimilistæki eftir hrun, frekar en að henda öllu
saman á haugana.
En líklega er myndin flóknari en svo. Og þá er
nærtækast að horfa til annarra hefðbundinna
flokka í íslensku stjórnmálakerfi – og spyrja
þeirrar eðlu spurningar hvernig þeim líði.
Þar má heita að sama svarið gildi um þá alla.
Krísa. Kreppa. Pólitísk hugmyndafátækt og fúl-
lyndi.
Samfylkingin, Sjálfstæðisflokkurinn, Viðreisn
og Vinstri græn glíma við tilvistarkreppu. Það á
við um alla þessa flokka og er á vissan hátt sögu-
legt í íslenskri pólitík, að svo stór hluti flokka-
kerfisins eigi bágt á sama tíma.
Samfylkingin er ekki sá breiði flokkur sem
hann var. Sjálfstæðisflokkurinn hefur verið að
þrengjast sakir afturhaldssemi. Viðreisn hefur
ekki tekist að höfða til fjöldans. Og Vinstri græn
eru orðin nýja hækja íhaldsins.
Ekki nokkur þessara flokka talar af pólitískri
sannfæringu út fyrir misjafnlega þröngar raðir
sínar. Og á meðan þeir tapa allir hlýtur einhver
annar að vinna. Og því þá ekki bara Framsókn.n
Pólitísk krísa
SKOÐUN FRÉTTABLAÐIÐ 16. júní 2022 FIMMTUDAGUR